грижа – Kurir.mk

Четири најучтиви знаци на Зодијакот: Секогаш се грижат за туѓите чувства

Магдалена Андонова — Thu, 16 Jun 2022 13:43:30 +0000

Некои знаци од Зодијакот се природно исклучително љубезни, а како што тврдат астролозите, за тоа се заслужни ѕвездите. Љубезноста ретко е убава особина и тоа значи дека знаете како да размислувате за другите и нивните чувства и да се однесувате со почит кон нив. Љубезните луѓе се внимателни кон другите, не сакаат конфликти и секогаш се подготвени да почитуваат различни мислења. Имаат свој став, но не сакаат да го наметнуваат на другите. Според астролозите, овие четири знаци на Зодијакот се меѓу најљубезните. ВАГА На врвот на листата е Вагата, која е најдипломатскиот хороскопски знак. Покрај тоа што се исклучително љубезни, тие секогаш се подготвени да ги слушаат другите луѓе и да покажат разбирање за нивните проблеми. Вагите секогаш ќе го тешат оној кој е во неволја, а тој ќе дава совет само ако го побарате од него. Вагите се лојални пријатели и припаѓаат на луѓе со кои тешко ќе се расправате, бидејќи имаат потреба да ја решат секоја разлика во мислењата на мирен начин. ЛАВ Лавовите сакаат да бидат почитувани, но исто така се трудат секогаш да покажуваат почит кон другите. Знаат да ценат искреност и убави манири кај луѓето, а своето почитување ќе ви го покажат така што нема да не нарече по прекар доде вие самиот не одобрите. Лавовите сакаат ред во врските и со задоволство ќе покажат наклонетост и почит кон секој што е подготвен да се однесува со нив со разбирање. БЛИЗНАЦИ Овој знак има исклучителни социјални вештини, а љубезноста е неговата силна страна, поради што е омилен во општеството. Тие се луѓе кои се среќаваат со странци на забави и имаат вештини да се дружат во голема група луѓе. Секогаш се насмеани, а кога запознаваат нови луѓе се исклучително љубезни и секогаш добиваат впечаток дека со нетрпение ја очекуваат секоја нова личност што ќе ја запознаат. БИК Овој земјен знак никогаш свесно нема да направи ништо на штета на друга личност. Знаат да бидат директни, но и многу љубезни. Тие секогаш се подготвени да покажат сочувство за луѓето што ги среќаваат. Тие ќе бидат среќни да учествуваат во вашите ситуации дури и ако не го побарате тоа од нив. Тоа ќе го направат љубезно и пријатно, толку ненаметливо што дури кога се ќе заврши ќе сфатите колку ви била вредна нивната помош.

Убаво е да се грижите за здравјето, не не претерувајте – и ова може да има штетни последици

Ивана Ефремовски — Thu, 01 Jul 2021 19:01:21 +0000

Едно истражување покажа дека и претераната грижа за здравјето може да се одрази подеднакво лошо колку и неводењето грижа за сопственото здравје. Недоволното движење, лошата исхрана и анксиозноста се на врвот на листата ризици за појава на кардиоваскуларни болести. Меѓутоа, и опсесивната грижа за здравјето и претераното вежбање може да остават опасни последици. Истражувањето што го спроведоа научници во Норвешка покажа дека луѓето со здравствена анксиозност, односно кои постојано се загрижени дека боледуваат од нешто или се во опасност од некоја болест иако немаат никакви симптоми, всушност си штетат на сопственото здравје. Луѓето кои се грижат за своето здравје, редовно вежбаат, здраво се хранат и општо имаат здрави животни навики, спаѓаат во неризична група за развивање на кардиоваскуларни болести. Меѓутоа, кога оваа грижа ќе премине во опсесија, ефектот на „здравиот живот“ е обратен. Истражувањето спроведено на 7.000 испитаници родени во периодот од 1953 до 1957 година опфатило неколку параметри, како стил на живеење, здравствена состојба и ниво на образование на испитаниците. Во заклучоците од истражувањето е наведено дека луѓето кои патат од здравствена анксиозност, односно претерано се грижат за здравјето и опсесивно вежбаат, имаат до 70% поголеми шанси да развијат некоја болест во споредба со луѓе кои не водат толкава грижа за своето здравје. Ова истражување е уште еден доказ дека треба да правиме сѐ во умерени дози и дека опсесивноста, дури и кога е со добра намера, може да биде штетна за нас

10 постапки што откриваат дека партнерот се грижи за вас

Ристе Здравков — Fri, 07 Aug 2020 17:25:49 +0000

Кога ќе ги слушнете зборовите „те сакам“, лесно е да поверувате во нивната вредност. За жал, не секој човек што ги кажува овие зборови е искрен кога ги кажува. Некои дури ќе ви кажат дека ве сакаат само за да можат да ве искористат или да ве злоупотребуваат. Факт е дека не можете да им верувате на зборовите на еден човек кога станува збор за покажувањето љубов. Ако сакате да видите како мажите велат „те сакам“ и колку навистина партнерот се грижи за вас, погледнете ги неговите постапки. Следните 10 постапки се многу добри знаци што откриваат дека тој навистина се грижи за вас. 1. Колку често го менува своето однесување кога ќе му кажете дека ве вознемирува нешто што прави Момчето што ве сака, ќе стори сè што може за да ве направи среќни. Ако слушне дека нешто ве вознемирува, човекот што ве сака ќе се потруди да го поправи тоа. Ако го игнорира тоа што го кажувате, тоа значи дека вашата среќа не му е приоритет. 2. Неговата посветеност Ако тој вели „те сакам“, но не ви е посветен, тоа значи дека всушност не ве сака. Ако партнерот постојано ви посветува внимание и ве покажува во јавност, тогаш дефинитивно ве сака. 3. Колку брзо одговара на вашите повици Дури и ако ви каже дека ве сака, мажот кој е „премногу зафатен“ со денови или со часови за да ви испрати порака, веројатно не е многу заинтересиран за вас. Кога сакате некого, не можете да дочекате да се слушнете. Истото важи и за мажите. И тие одвојуваат време за работите за кои се грижат. 4. Колку често ви помага во обврските Човекот кој навистина ве сака, ќе ви помогне во повеќето необични задачи што ги правите, само затоа што знае дека тоа ќе ве направи среќни. Ако тој никогаш не ги мие садовите или не ви помага во некои други домашни обврски, тоа значи дека ве зема здраво за готово. 5. Колку често сте интимни Ако немате редовно секс, или уште полошо, ако треба да го молите за секс, тој не ве сака. Од друга страна, ако тој не може да ги држи рацете подалеку од вас, може да се каже дека ве сака. 6. Неговото гушкање Еден од најчестите начини на кои луѓето покажуваат љубов е преку гушкањето. Тоа е интимен чин и е резервиран само за луѓето за кои навистина се грижите. Ова особено важи за мажите затоа што тие честопати може да имаат проблем да ги покажат чувствата на овој начин. Тоа што е физички приврзан со вас, дури и кога не станува збор за секс, открива многу за неговите чувства кон вас. 7. Колку често ви кажува што мисли Добар начин да процените колку сте блиски со партнерот е да видите колку работи ви открива или колку често разговара со вас. Ако забележите дека тој не сака да ви го каже вистинското мислење, тоа не е добар знак. Меѓутоа, ако тој постојано зборува со вас, голема е веројатноста дека е вљубен во вас. 8. Колку често ви дава подароци без причина Навистина е тешко да најдете партнер што ќе ве опсипува со подароци откако ќе поминете повеќе време заедно. Ако тој го прави тоа дури и по неколку години врска, тоа значи дека навистина ве сака. 9. Ако тој се залага за вас и за вашата врска Ако партнерот навистина ве сака, нема да дозволи некој да ве вознемирува или да ве навредува, ниту пак, да дозволи некоја личност да направи нешто што претставува ризик за вашата врска. Ако тој одбива да им постави граници на луѓето што ве вознемируваат, тој не ве сака доволно и не вреди да се трудите за него. Од друга страна, ако забележите дека ве брани кога другите ве напаѓаат, тоа значи дека ве сака. 10. Тој е покрај вас кога работите не се одвиваат добро Ако партнерот е покрај вас без разлика што се случува, тоа значи дека тој најверојатно е вистинскиот за вас.

Силјаноска: Ние се грижиме за младината, а не ги забораваме возрасните

Тале Кристо — Sat, 04 Jul 2020 20:15:21 +0000

Професор Гордана Силјаноска Давкова, носител на листата на кандидати за пратеници во ИЕ 1 на коалицијата Обнова за Македонија вечерва од скопска Кисела Вода рече дека власта мора да произлегува од народот и секогаш да биде со него. -Сега за Македонија се обединија сите Македонци ширум светот. Можам да дадам дијагноза за демократијата во земјава, а тоа е најстрашна е власта во заминување неспособност. Треба да се гласа на 15 јули за да има здрава власт. На 15 јули сите ќе зачекориме кон обновата, и се додека зборуваме за обнова бидете сигурни има шанси за оваа држава. Мора да ја обновиме почитта кон вас, кон македонскиот народ кој го понижија. Тоа не смееме да го толерираме власта произлегува од народот и му должи на народот. Треба да има живот кој е достоинствен, живот кој ги штити најслабите, кој се грижи за младината, не ги заборава возрасните или власт од сите и за сите, рече Силјаноска. Според неа многу од областите во Македонија се на колена и во лоша состојба. -Економијата е на колена, меѓутоа ние велиме дека ќе ја исправиме. Најдобрите економисти кога ги споредуваат програмите велат програмата на ВМРО-ДПМНЕ е реална, рационална и остварлива. Власта треба да ги помага најсиромашните, најпогодените, тие си ги помагаа сопствените фирми, а замислете социјалдемократи се, таква социјалдемократија нема, кажа Силјаноска. Професорката укажа дека ВМРО-ДПМНЕ ќе ја покрие и социјалната димензија, како и за сите области има соодветни политики. -Мора да сториме се за да останат младите тука, државата ќе се грижи за најдобрите, ако се грижиме за најдобрите нема да си заминуваат. Мора да ставиме крај на кршењето на владеењето на правото затоа што нема правна држава ако сите не се еднакви пред законот, порача на крајот на обраќањето професорката Силјаноска.

10 постапки што откриваат дека партнерот се грижи за вас

Ристе Здравков — Tue, 09 Jun 2020 07:20:33 +0000

Кога ќе ги слушнете зборовите „те сакам“, лесно е да поверувате во нивната вредност. За жал, не секој човек што ги кажува овие зборови е искрен кога ги кажува. Некои дури ќе ви кажат дека ве сакаат само за да можат да ве искористат или да ве злоупотребуваат. Факт е дека не можете да им верувате на зборовите на еден човек кога станува збор за покажувањето љубов. Ако сакате да видите како мажите велат „те сакам“ и колку навистина партнерот се грижи за вас, погледнете ги неговите постапки. Следните 10 постапки се многу добри знаци што откриваат дека тој навистина се грижи за вас. 1. Колку често го менува своето однесување кога ќе му кажете дека ве вознемирува нешто што прави Момчето што ве сака, ќе стори сè што може за да ве направи среќни. Ако слушне дека нешто ве вознемирува, човекот што ве сака ќе се потруди да го поправи тоа. Ако го игнорира тоа што го кажувате, тоа значи дека вашата среќа не му е приоритет. 2. Неговата посветеност Ако тој вели „те сакам“, но не ви е посветен, тоа значи дека всушност не ве сака. Ако партнерот постојано ви посветува внимание и ве покажува во јавност, тогаш дефинитивно ве сака. 3. Колку брзо одговара на вашите повици Дури и ако ви каже дека ве сака, мажот кој е „премногу зафатен“ со денови или со часови за да ви испрати порака, веројатно не е многу заинтересиран за вас. Кога сакате некого, не можете да дочекате да се слушнете. Истото важи и за мажите. И тие одвојуваат време за работите за кои се грижат. 4. Колку често ви помага во обврските Човекот кој навистина ве сака, ќе ви помогне во повеќето необични задачи што ги правите, само затоа што знае дека тоа ќе ве направи среќни. Ако тој никогаш не ги мие садовите или не ви помага во некои други домашни обврски, тоа значи дека ве зема здраво за готово. 5. Колку често сте интимни Ако немате редовно секс, или уште полошо, ако треба да го молите за секс, тој не ве сака. Од друга страна, ако тој не може да ги држи рацете подалеку од вас, може да се каже дека ве сака. 6. Неговото гушкање Еден од најчестите начини на кои луѓето покажуваат љубов е преку гушкањето. Тоа е интимен чин и е резервиран само за луѓето за кои навистина се грижите. Ова особено важи за мажите затоа што тие честопати може да имаат проблем да ги покажат чувствата на овој начин. Тоа што е физички приврзан со вас, дури и кога не станува збор за секс, открива многу за неговите чувства кон вас. 7. Колку често ви кажува што мисли Добар начин да процените колку сте блиски со партнерот е да видите колку работи ви открива или колку често разговара со вас. Ако забележите дека тој не сака да ви го каже вистинското мислење, тоа не е добар знак. Меѓутоа, ако тој постојано зборува со вас, голема е веројатноста дека е вљубен во вас. 8. Колку често ви дава подароци без причина Навистина е тешко да најдете партнер што ќе ве опсипува со подароци откако ќе поминете повеќе време заедно. Ако тој го прави тоа дури и по неколку години врска, тоа значи дека навистина ве сака. 9. Ако тој се залага за вас и за вашата врска Ако партнерот навистина ве сака, нема да дозволи некој да ве вознемирува или да ве навредува, ниту пак, да дозволи некоја личност да направи нешто што претставува ризик за вашата врска. Ако тој одбива да им постави граници на луѓето што ве вознемируваат, тој не ве сака доволно и не вреди да се трудите за него. Од друга страна, ако забележите дека ве брани кога другите ве напаѓаат, тоа значи дека ве сака. 10. Тој е покрај вас кога работите не се одвиваат добро Ако партнерот е покрај вас без разлика што се случува, тоа значи дека тој најверојатно е вистинскиот за вас.

УНИЦЕФ загрижен поради претепување на малолетник од страна на албанската полиција

Дарко Андоновски — Sat, 16 May 2020 19:08:08 +0000

УНИЦЕФ изрази загриженост поради физички напад врз тинејџер од страна на албанската полиција, кој го прекршил полицискиот час воведен поради пандемијата со новиот коронавирус. УНИЦЕФ реагираше откако се појави видео на социјалните мрежи на кои се гледаат четворица полицајци кои тепаат 15-годишник. – Насилството извршено од оние кои се должни да го штитат законот и редот е навистина вознемирувачко, се наведува во соопштението, во кое исто така се повика на истрага и соодветни чекори од одговорните државни структури. Во меѓувреме албанското Министертво за внатрешни работи остро го осуди однесувањето на своите вработени и еден од полициските службеници е веќе супсендиран. Реагираше и шефот на државата Илир Мета, кој побара од полициските службеници да бидат максимално внимателни за време на вонредна сосотјба во која се наоѓа државата поради пандемијата. – Силно го осудувам непрофесионалното и насилно однесување на неколку вработени во државната полиција врз тинејџер кој се движел за време на полициски час. Овој тежок и насилен чин сериозно му штети на имиџот на државната полиција, одведувајќи не во времето на самоволието, напиша Мета на Фејсбук, барајќи целосно разветлување на случајот. Инаку, во Албанија потврдени се 933 случаи на коронавирус, од нив 77 отсто се излекувани додека 31 лице почина.

Овие грешки ги правите со мобилните телефони, а со тоа изгледате некултурно и приватно и професионално

Ивана Ефремовски — Wed, 22 Apr 2020 09:19:22 +0000

Денес сè повеќе луѓе се корисници на паметни мобилни телефони. Колку што се тие интересни за нивните сопственици, толку знаат да предизвикуваат зависност и занесеност, па не ретко се причина за оставање лош впечаток.

1. Мулти-таскинг

Немојте да праќате СМС или да читате имејл-пораки додека разговарате со некого. Ако седите со некој на иста маса и истовремено пишувате порака, тоа ѝ покажува на личноста пред вас дека не ви е важна. Исто така, таа ќе почувствува дека не сакате да ѝ посветите време.

2. Брзо пишување

Секоја порака што ја праќате е продолжение на вашата личност, како персонално, така и професионално. Не пишувајте пораки со изговорот дека брзате. Вложете екстра време за да ја проверите секоја порака што сакате да ја пратите, исто како да праќате службен имејл од вашата канцеларија.

3. Вклучени вибрации

Вибрациите го одвлекуваат вниманието бидејќи сите можат да ги чујат. Исклучете ги звуците на вашиот телефон и оставете го во џебот или во чантата додека сте на состанок. Доколку очекувате важен повик, кој мора да го прифатите, културно е да се извините и потоа да го направите разговорот надвор од просторијата, каде што нема да пречите никому.

4. Читање в скут

Често се случува да го држиме телефонот во нашиот скут, божем за да не се познава дека читаме. Но, единствено не се познава телефонот, но наведнатата глава ја издава акцијата. Ваквата пракса прави да изгледате незаинтересирано и ве спречува во редовното одржување контакт со очите на другите присутни. Исто така, ова е непристојно и остава многу лош впечаток за вас.

5. Долги говорни пораки

Ова важи за сите корисници на мобилни телефони, не само за оние кои користат смартфони. Ако не ја добиете личноста што ја барате, сосема ОК е да оставите говорна пошта, но ако на неа подоцна ѝ треба лист и пенкало за да ги запише сите детали кои вие сте решиле да ги споделите, едноставно е премногу. На ова треба да го додадеме и фактот дека не смеете да зборувате неразбирливо додека оставате пораки со својот глас. Најдобро е да бидете кратки и јасни, кажете за што сакате да зборувате и евентуално оставете дополнителни информации за начинот на кој може да ве контактираат.

6. На втора линија

Кога разговарате со некој и ви ѕвони втората линија, може за кратко да се префрлите на другиот повик, но не смеете да заборавите на личноста со која прво сте го започнале разговорот. Ако решите да го прифатите повикот, учтиво е да замолите да ве причекаат за момент, а потоа веднаш да се вратите назад. Во спротивно, доколку очекувате дека разговорот на втората линија може да потрае, културно би било едноставно да се извинете дека мора да прекинете и да кажете кога точно ќе се јавите за да го довршите разговорот.

7. Повратни мелодии

Повратните мелодии не се за професионалците. Можеби ви звучи забавно, но ако сакате да ве сфатат сериозно, не пуштајте го Еминем да рапува после звучниот сигнал кога некој ќе го повика вашиот број.

8. Зборување пред други луѓе

Извинете се и тргнете се настрана за да го прифатите повикот. Немојте да разговарате пред други луѓе, особено во професионална средина. Тоа е безобѕирно кон луѓето околу вас.

9. Прекинување лице в лице комуникација

Погоре кажавме дека не треба да се занимавате со вашиот смартфон додека сте во присуство на други луѓе, но ова уште повеќе важи додека сте во среде муабет. Да го прекинете соговорникот наведнувајќи ја главата и почнувајќи порака е едноставно премногу грубо. Ова покажува дека пораката ви е поважна од човекот кој е пред вас и му става до знаење дека сте незаинтересирани за разговорот.

Недела на грижа за стари лица

Ивона Петрова — Mon, 18 Nov 2019 06:35:17 +0000

Црвен крст на град Скопје од денеска до 24. месецов организира активности во рамки на одбележувањето на Неделата на грижа за стари лица, преку социјалниот сервис „Дневен центар за стари лица и центар за давање помош во домашни услови“. Во рамки на неделата на грижа за стари лица се планира посета на дневен центар за стари лица од страна на центар за деца со церебрална парализа, информативни точки, фестивал на пензионерски хорови, како и посета на старски дом „Мајка Тереза“ и „Вита Ве“. Централниот настан – национална конференција „Здраво стареење и социјални сервиси за старите лица“ ќе се одржи утре. Сервисот Дневен центар за стари лица и центар за давање помош во домашни услови“, е поддржан од Град Скопје, Албиз Фондацијата и швајцарскиот Црвен крст. Целта на програмата е разој на вонинституционални форми на грижа за стари лица и промовирање на активното стареење. Преку програмата на активности се вклучени 195 стари лица во домашни услови и повеќе од 1 000 лица на месечна основа во дневни центри за стари лица. Активностите ги спроведуваат медицински персонал и волонтери на Црвен крст на град Скопје.