гризман – Kurir.mk

Гризман разочаран од поразот на натпреварот со ПСЖ

Тале Кристо — Wed, 17 Feb 2021 07:46:23 +0000

Напаѓачот на Барселона, Антоан Гризман, е многу разочаран по поразот од Пари Сен-Жермен. Каталонците синоќа загубија на домашен терен со 4:1 во првиот осминафинален натпревар од Лигата на шампионите и се пред елиминација. – ПСЖ одигра одличен натпревар. И ние имавме шанси, но не реагиравме на најдобар начин. Ова дефинитивно не е впечаток што сакавме да го оставиме. Барселона требаше да одигра скоро совршен натпревар, но тоа не се случи. Ќе биде тешко да се постигнат четири гола на реваншот во Париз, изјави Гризман за „Sport.es“. Реваншот е закажан за 10 март на теренот на ПСЖ.

Куман: Гризман не може да игра на позицијата што ја посакува

Тале Кристо — Fri, 16 Oct 2020 18:01:54 +0000

Селекторот на Барселона, Роналд Куман ги коментираше изјавите на Антоан Гризман. По натпреварот на Франција против Хрватска, на кој Гризман постигна гол, а фудбалерот коментираше дека националниот селектор Дидие Дешамп точно знае како да го искористи и тоа е причината зошто тој е поефикасен за „петлите“. – Секој има право да каже што сака. Зборував вчера со Антоан затоа што сакав, а не поради тоа што го рече. Му реков дека размислувам за доброто на тимот. Знам дека тој може да игра десно на други позиции. Тој работи напорно, нема проблеми со дисциплината и сега треба да има поголема среќа со последниот допир. Имаше две ситуации против Севиља во кои тој можеше да се справи подобро. Во однос на неговата позиција, тренерот е тој што го одредува ова. Немам проблеми со Антоан, го барам само најдоброто за тимот и клубот. Нема да барам играч да игра улога што е далеку од неговите можности. Не го правам тоа ниту со Гризман, бидејќи тој може да игра десно. Разбирам дека има веројатно позиции кои тој ги претпочита, но не можеме да играме со двајца играчи на позицијата 10, прокоментира Куман.

Барселона нема да го продаде Гризман

Тале Кристо — Wed, 08 Jul 2020 12:14:27 +0000

Антоан Гризман и следната сезона ќе остане во Барселона, пренесува „L’Equipe“. Според францускиот весник, раководството на каталонскиот клуб го убедил 29-годишниот Французин за време на лична средба дека тој нема да биде на трансфер листата ова лето. Претставниците на Барселона го уверија напаѓачот дека клубот сè уште смета на него. Во сезоната 2019/20, Гризман одигра 44 натпревари за Барселона, постигна 15 гола и четири асистенции. Претходно беше објавено дека врвните клубови од Италија и Англија покажуваат интерес за Французинот.

Гризман демантира дека има проблеми во Барселона

Тале Кристо — Tue, 11 Feb 2020 21:30:49 +0000

Напаѓачот на Барселона, Антоан Гризман, ги негираше написите на угледниот медиум „Франс Фудбал“. Францускиот весник напиша дека стрелецот не се чувствувал добро во соблекувалната на Каталонците. – Тие ми завидуваат за освојувањето на Светското првенство, наводно кажал Гризман, според весникот. Од околината на напаѓачот, сепак експлицитно негираат дека напаѓачот кажал вакви работи пред изданието или дури и во пријателски или семеен круг.