грк – Kurir.mk

Грк преминал македонска граница криејќи се во багажен простор

Ивана Ефремовски — Wed, 02 Aug 2023 17:33:05 +0000

Регионалниот центар за гранични работи Југ поднесе кривична пријава против И.Д.(19) и Н.А.(21), двајцата од Република Грција, поради постоење основи на сомнение за сторено кривично дело „недозволено преминување на државна граница“. На 19.07.2023 на граничен премин „Богородица“, пријавените со патничко возило префрлиле државјанин на Република Грција, прикривајќи го во багажниот простор од возилото, со цел да ја избегне граничната контрола.

Грк нелегално преминувал македонска граница: Поради тоа што му го најдоа во торбите, ќе се соочи со казна

Ивана Ефремовски — Fri, 09 Jun 2023 17:36:37 +0000

На 08.06.2023 во 23:45 часот во близина на граничната линија со Република Грција, полициски службеници од Регионалниот центар за гранични работи Југ го затекнале грчкиот државјанин В.П.(54), кој нелегално ja преминувал државната граница. При преглед во неговите торби била пронајдена и одземена поголема количина различни видови цигари без документација. По документирање на случајот ќе следува соодветен поднесок.

Милион денари поддршка за ГРК „Тиквеш 2014″ од буџетот на општината Кавадарци

Ивана Ефремовски — Tue, 06 Jun 2023 15:15:29 +0000

Милион денари поддршка за ракометниот клуб ГРК ,,Тиквеш 2014" од буџетот на општината Кавадарци, ваква едногласна одлука беше изгласана денеска на седница на кавадаречкиот Совет на општината. - Паричното поддржување се дава како награда и поддршка за сите досегашни успеси и секако поттик за идните, што ќе бидат дел од пласманот на ГРК ,,Тиквеш 2014" во Европскиот челинџ куп 2023/2024 година, беше појаснето на седницата. Градоначалникот Митко Јанчев и Советот на Општина Кавадарци, им доделија и благодарници на ракометарите, стручниот тим, управниот и надзорниот одбор, нагласувајќи дека тие се гордоста на Кавадарци.

Грк со фалсификуван документ сакал да ја напушти Македонија

Ивана Ефремовски — Sun, 23 May 2021 10:33:27 +0000

На 22.05.2021 во 16:40 часот на Граничен премин „Меѓународен Аеродром Скопје“ од полициски службеници бил лишен од слобода Г.Е.(21) од Р.Грција поради постоење основано сомнение дека приложил фалсификуван личен документ. Лицето е предадено на полициски службеници од Одделението за прекуграничен криминал и миграции-Скопје за понатамошна постапка.

Грк пронајден починат во Гевгелија

Ивана Ефремовски — Thu, 10 Dec 2020 14:51:35 +0000

На 09.12.2020 околу 08:45 часот во Полициска станица Гевгелија било пријавено дека во апартман во Гевгелија, е пронајден починат S.A.(46) од Р.Грција, со привремен престој во Гевгелија. Од доктор од итна медицинска помош констатирана е смрт, без траги на насилство. Увид на местото на настанот извршила увидна екипа на Одделение за внатрешни работи Гевгелија, а по наредба на јавен обвинител телото на починатиот е предадено за обдукција.

И Грк го фати срам додека го гледал Заев на БГНЕС

Дарко Андоновски — Wed, 25 Nov 2020 17:19:10 +0000

Грчки функционер на Европската Слободна Алијанса и пратеничката група во Европарламентот (EFA), Јоргос Пападакис вели дека нема зборови откако ја слушнал изјавата на македонскиот премиер Зоран Заев. „Го гледав интервјуто на БГНЕС…ОК, признавам дека мојот македонски не е толку добар за да ги најдам најпрецизните зборови но сепак без текст останав…Гнев и срамота. Толку. Што кажа Заев? Заев во интервју за БГ Нес: Бугарија не била фашистички окупатор – тие го ослободиле Скопје и Куманово Бугарија не била фашистички окупатор туку некоја администрација имало. Премиерот Заев во интервју за БГ Нес вели дека Бугарите биле тие кои го ослободиле Куманово, Крива Паланка и Скопје од фашистите. – Ние веќе заменивме повеќе од 20 табли во земјата, каде што беше напишано „бугарски фашистички окупатор“. Ова не е случај – Бугарија не е фашизам, Бугарија е наш пријател.Ова не е точно. Во тоа време, на почетокот, имаше администрација. После тоа, Бугарија се крена со антифашизам, се избори за слобода, за демократија и несомнено беше дел од антифашистичкиот фронт. Бугарските и македонските трупи ослободија територии – Крива Паланка, Куманово, целиот регион, Скопје и целиот овој дел. И ова е добар дел од нашата историја – вели Заев.

Грк лажел дека е Албанец за да влезе во Македонија

Ивана Ефремовски — Sat, 07 Nov 2020 11:01:54 +0000

На 07.11.2020 во 04.10 часот на Граничниот премин Меѓународен аеродром-Скопје, за излез од Република Македонија, по извршена контрола во оперативна евиденција на К.Л.(22) од Р.Грција, било утврдено дека не бил евидентиран на кој граничен премин остварил влез во државата. Поради сомнение во исправноста на личната карта, при извршен преглед кај него била пронајдена албанска лична карта на име Р.Л.(22) од Р.Албанија, при што тој изјавил дека грчката лична карта му била фалсификувана. По извршена проверка било утврдено дека влез во државата остварил со албанската лична карта на 06.11.2020 на Граничниот премин Ќафасан. Р.Л. бил лишен од слобода и предаден на полициски службеници за понатамошна постапка.

Уапсен Грк кој се претставувал како лекар, а од неговата „терапија“ починале три лица

Тале Кристо — Wed, 17 Jun 2020 15:40:15 +0000

Грчката полиција уапси 47-годишен маж, кој се претставувал како лекар специјалист, на пациенти со неизлечиви болести им нудел негова „терапија“, ветувајќи им целосни заздравување, Од „терапијата“ починале три лица, меѓу кои две деца, додека пак измамил најмалку 45 лица, јави дописничката на МИА од Атина. Уапсениот користел лажни лични податоци и се претставувал како неврохирург, онколог, тврдел во одредени случаи дека работел во здравствен центар во Швајцарија, дека специјализирал детска хирургија и детска онкологија во САД. За да биде поубедлив во неговите намери понекогаш велел дека е од угледно и познато семејство, дека е на висока функција во меѓународниот Црвен крст, а во некои случаи се претставувал како доктор и/или пилот во военото воздухопловство. Им приоѓал на граѓани кои лично тие или нивни блиски имаат сериозни здравствени проблеми или некоја неизлечива болест, од нив барал и ги убедувал да ја прекинат терапијата и им давал негова „терапија“ со ветување дека целосно ќе оздрават. „Терапијата“ била со „софистицирани специјални лекови“, односно препарати од непознато потекло и со непознат хемиски состав, без медицински индикации, кои содржеле активни супстанции канабис. При апсењето, во неговиот дом биле пронајдени 65 шишиња со такви препарати во различна количина. Не само што неговата „терапија“ штетно влијаела кај пациентите, а починале три лица, дури и скапо наплаќал. -Бројот на измамени пациенти се проценува дека е голем, а од досегашните податоци од истрагата, се идентификувани најмалку 45 случаи. Во три од овие случаи, пациентите починале, конкретно две малолетни лица, на возраст од 14 и 16 години, и еден 76-годишен. Во овие случаи, уапсениот успеал да извлече над 58.000 евра, соопштија од грчката полиција. По 13-месечна истрага, грчката полиција вчера го уапсила „лекарот“, кој се товари за убиство, измама, трговија со дрога и фалсификување медицинска функција. Биле идентификувани и тројца негови соработници, а во неговиот дом биле пронајдени и конфискувани два воздушни пиштола, два ножа, икона што можеби е антиквитет, налепници за медицинска идентификација, белешки со програми за диети, билки и слично, како и ЦД-а со анализи на разни пациенти.

Најверен навивач: Ги прекршил мерките за да го види новиот стадион на АЕК, фудбалскиот тим ќе му ја плати казната

Ивана Ефремовски — Sat, 11 Apr 2020 13:48:54 +0000

Средовечен Грк бил казнет со 150 евра за неоправдано движење, откако отишол да го види новиот стадион на фудбалскиот клуб АЕК, што е во изградба, а челниците на тимот ќе му ја платат казната и ќе му дадат сезонски билет, јави дописничката на МИА од Атина. Според медиумите во Грција, станува збор за верен навивач на атинскиот клуб, кој двапати седмично, со автобус, го посетувал новиот стадион и ја следел изградбата, иако се наоѓа во друга населба, неколку километри од местото каде што живее. -Тргнав да го видам стадионот на АЕК, вели Константинос Фотинос за телевизијата „Антена“, објаснувајќи дека го запрела полиција, ја немал потребната потврда и му била напишана казна од 150 евра. Додава дека виновна е неговата сопруга бидејќи направила грешка во потврдите што се неопходни за излегување од дома. За целиот случај, реакција стигна од атинскиот фудбалски клуб и со одлука на сопственикот, казната ќе ја платат тие, на нивниот верен навивач ќе му го доделат првиот сезонски билет за натпреварите на АЕК на новиот стадион, но и му упатија препораки да не ги крши мерките за забрана на движењето. -Неговата насмевка на прашањето „дали е за АЕК“, за нас беше најслаткото нешто во овие црни денови. Со одлука на Димитрис Мелисанидис првиот сезонски билет на „Света Софија“ (Аја Софиа), со право му припаѓа нему! Сакаме да биде здрав, сакаме да биде заедно со нас на најголемиот ден во нашата историја. Затоа, иако како ФК АЕК ќе ги покриеме трошоците за казната за прекршување на мерките за движење, како што веќе го известивме, но побаравме од неговите да му ги пренесат строгите препораки да не го повтори прекршувањето преку неговата програма што вклучува две посети седмично, напиша на неговиот „Фејсбук“ профил, Андреас Диматос, кој е одговорен за медиуми во Фудбалскиот клуб. (МИА)

Грк уапсен на граничниот премин „Табановце“

Ивана Ефремовски — Sun, 19 Jan 2020 09:56:48 +0000

Државјанин на Грција вчера бил уапсен на граничниот премин „Табановце“, информира МВР. Вчера во 15:30 часот на Граничен премин „Табановце“ бил лишен од слобода 48-годишниот С.Д. од Република Грција, кој управувал патничко возило „форд маверик’’, со бугарски национални ознаки, за кое при граничната контрола било констатирано дека има фалсификуван број на шасија и типска налепница. Лицето е предадено на полициски службеници од СВР Куманово за понатамошна постапка, соопшти полицијата.