грмежи – Kurir.mk

Утре променливо облачно и нестабилно време со пороен дожд и грмежи

Катерина Бојаџиева — Thu, 15 Jun 2023 09:44:43 +0000

Под влијание на циклонска активност и утре ќе се задржи променливо облачно и нестабилно време со пороен дожд и грмежи, а на повеќе места ќе наврне поголема количина на воден талог од над 25 литри на квадратен метар за 24 часа. Како што информираат од УХМР, локално процесите ќе бидат поинтензивни во форма на невреме со интензивен пороен дожд, засилен ветер над 60 километри на час и изолирана појава на град. За време на викендот врнежите ќе бидат локални и проследени со ретки грмежи, а ќе дува и засилен северен ветер. Од понеделник времето ќе биде стабилно и потопло.

Облачно време со слаб ветер, попладне дожд и грмежи

Тале Кристо — Sat, 20 Aug 2022 06:51:02 +0000

Времето ќе биде прoменливо облачно со слаб до умерен ветер од јужен правец. Во попладневните часови ќе биде нестабилно со пороен дожд и грмежи. Локално ќе има појава на невреме со пообилен дожд, силни електрични празнења, силен ветер и услови за појава на град. Минималната температура ќе биде во интервал од 13 до 22, а максималната ќе достигне од 28 до 36 степени. УВ индексот ќе биде 6. Во Скопје, времето ќе биде променливо облачно со повремен пороен дожд, грмежи и засилен ветер. Во делови од котлината ќе има појава на краткотрајно невреме со интензивен пороен дожд, силен ветер, електрични празнења и град. Минималната температура ќе се спушти до 18 степени, а максималната ќе достигне до 33 степени. До средината на следната седмица подрачјето на нашата земја ќе биде под влијание на влажен и нестабилен бран. Времето ќе биде променливо облачно и нестабилно, на повеќе места со пороен дожд и грмежи. Локално повремено ќе има појава на невреме со пообилен дожд (над 30 л/м2) за кратко време, силни електрични празнења, силен ветер (над 60 км/час) и појава на град. Температурите значително ќе се намалат, информираат од УХМР.

ЦУК со апел до граѓаните по најавата од УХМР за нестабилно време со пороен дожд, грмежи и ветер: Бидете внимателни

Тале Кристо — Sat, 28 May 2022 12:42:07 +0000

По најавата на Управата за хидрометеоролошки работи за нестабилно време денеска, со пороен дожд, грмежи и засилен ветер, Центарот за управување со кризи (ЦУК) ги повика граѓаните во земјава на внимателност од силно локално невреме и можни опасни порои од обилен дожд викендов. -Согласно информацијата од УХМР, ЦУК превентивно апелира и препорачува граѓаните во земјава од попладнево викендов да избегнуваат локално движење во и покрај суводолици и други стари корита – водотеци, како и во долови по коишто се слевале порано порои од обилни дождови. Конкретно, концентарацијата на врнежи на одреден простор е со голема веројатност можна во делови на земјава, проследено со силно локално невреме. Постои голема можност да биде голема и опасна поројната вода по околината таму каде што ќе зафати поројониот дожд што се предвидува да падне во делови од земјава, наведува ЦУК во апелот. УХМР соопшти дека под влијание на циклонска активност од југозапад денеска и утре времето ќе биде нестабилно со пороен дожд, грмежи и засилен ветер. -Локално процесите ќе бидат во форма на невреме со интензивен пороен дожд (за кратко време со поголеми количества воден талог), електрични празнења, силен ветер од над 70 километри на час и појава на град. Утре преку денот температура ќе биде пониска за 3 до 5 степени, најави денеска Управата. Од понеделник нестабилноста ќе се намали и повторно ќе преовладува потопло време.

Денес останете дома: Облачно време со пороен дожд и грмежи

Ивана Ефремовски — Sat, 14 May 2022 06:58:15 +0000

Времето денеска ќе биде променливо облачно и нестабилно со пороен дожд и грмежи. Локално процесите ќе бидат поинтензивни во форма на невреме со интензивен пороен дожд, грмежи, засилен ветер и услови за појава на град. Максмалната температура ќе биде во интервал од 21 до 29 степени. УВ индексот ќе биде 6. Во Скопје времето ќе биде променливо облачно и нестабилно со повремен пороен дожд и грмежи, а ќе има и услови процесите да бидат и поинтензивни. Максмалната температура ќе достигне до 27 степени. Времето утре претежно во западните делови ќе биде нестабилно со пороен дожд и грмежи. Локално процесите ќе бидат поинтензивни во форма на невреме со интензивен пороен дожд, грмежи, засилен ветер и услови за појава на град. Од почетокот на следната седмица ќе има преодно стабилизирање на времето со пораст на температурата.

СТРАШНО НЕВРЕМЕ НЀ ОЧЕКУВА УТРЕ: Подгответе се за дожд, грмежи и ветер – еве кога може да очекуваме стабилизирање

Магдалена Андонова — Wed, 06 Apr 2022 10:12:44 +0000

Утре времето на повеќе места ќе биде нестабилно со интензивен пороен дожд, грмежи и засилен ветер. Потоа во следните два дена времето ќе биде претежно сончево и значително потопло. Како што најавуваат од УХМР, во недела ќе има нови врнежи од дожд, а на планините од снег. Ќе дува засилен северен ветер и ќе има намалување на температурите. (МИА)

ВИКЕНДОВ ЦЕЛОСЕН ПРЕСВРТ – ни доаѓа дожд, грмежи и засилен ветер

Дарко Андоновски — Fri, 17 Sep 2021 10:07:32 +0000

Времето за викендот ќе биде нестабилно со повремен пороен дожд, грмежи и ветер. Утре ќе има локален развој на нестабилна облачност проследена со пороен дожд, грмежи и засилен ветер, а температурата особено во северните делови ќе се намали за неколку степени. Услови за краткотраен пороен дожд ќе има во недела и понеделник. Потоа во следните денови ќе преовладува стабилно време со нешто пониски дневни температури.

ПОПЛАДНЕВО НЕ ИЗЛЕГУВАЈТЕ ОД ДОМА БЕЗ ПОТРЕБА: Следува нестабилно време со со пороен дожд и грмежи

Тале Кристо — Sat, 28 Aug 2021 10:46:33 +0000

УХМР најавува дека попладне ќе има локална нестабилност со пороен дожд, грмежи и засилен ветер претежно во источните, а кон крајот на денот и во северните делови Утре, според УХМР, ќе преовладува сончево време со мала до умерена облачност и со умерен, во западните делови засилен ветер од западен правец. Попладнето ќе има услови за краткотраен пороен дожд и грмежи, претежно во планинските подрачја. Од понеделник времето ќе биде претежно стабилно со слаб до умерен северозападен ветер, поизразен вдолж Повардарието.

Нека не ве лаже утринското сонце: Попладнево ќе биде нестабилно со пороен дожд, грмежи и ветер

Ивана Ефремовски — Sun, 13 Jun 2021 06:59:29 +0000

Времето денеска во земјава ќе биде променливо облачно со сончеви периоди. Попладне и до крајот на денот ќе биде нестабилно со локален пороен дожд, грмежи и засилен ветер. На места процесите ќе бидат поинтензивни со пообилен дожд за кратко време, електрични празнења и услови за појава на град. Максималната температура ќе се движи од 21 до 30 степени. УВ-индексот ќе изнесува 7. Во Скопје, облачно со сончеви периоди. Попладне и до крајот на денот ќе биде нестабилно со локален пороен дожд, грмежи и засилен ветер. Дневната температура ќе достигне до 27 степени. Утре ќе дува засилен северен ветер, кој ќе предизвика пад на дневната температура. Значително затоплување се очекува од средината на следната седмица. (МИА)

Уште утре топло, од недела дожд и ветер

Ивона Петрова — Fri, 04 Jun 2021 10:11:40 +0000

Уште утре времето ќе биде сончево и топло, а веќе од недела од попладневните и вечерните часови се очекува промена на времето со пороен дожд и грмежи. Од понеделник на повеќе места низ државата ќе биде облачно и нестабилно со пороен дожд и грмежи. Локално процесите ќе бидат поинтензивни со пообилен дожд, електрични празнења, засилен ветер и услови за појава на град, информираат од УХМР. Променливо ќе биде речиси цела недела. Дневните температури ќе се движат од 22 до 30 степени.

Облачно време со дожд, попладне поројни дождови со грмежи

Тале Кристо — Sun, 18 Apr 2021 07:13:48 +0000

Променливо облачно време со врнежи од дожд во утринските часови најавуваат синоптичарите за денеска. Од пладне на одредени места ќе биде нестабилно со пороен дожд и ретки грмежи. Ќе дува слаб до умерене ветер со променлив правец. Минималната температура ќе биде во интервал од 4 до 9, а максималната од 12 до 18 степени. Во Скопје променливо облачно со повремени врнежи од дожд и со слаб до умерен ветер од северозападен правец. Минималната температура ќе се спушти до 6, а максималната ќе достигне до 14 степени. Во наредните денови ќе се задржи променливото време со врнежи од дожд. На планините врнежите повремено ќе бидат од снег, особено во понеделник. Од вторник, врнежите ќе бидат од локален карактер и со помал интензитет, а времето постепено ќе се стабилизира и температурите ќе бидат во пораст.