гроб – Kurir.mk

Сподели фотографија која го крши и најтврдото срце – Ана Бекута отиде на гробот на нејзиниот сакан, а тоа што го однесе таму предизвика солзи кај многумина (ФОТО)

Дарко Андоновски — Tue, 29 Aug 2023 11:22:55 +0000

Пејачката Ана Бекута на својот Инстаграм профил сподели фотографија која расплака многумина. Таа го посети гробот на својот долгогодишен партнер, Милутин Маркониќ – Мрка на кого му однесе и голем букет од црвени ружи. Покрај објавата, Ана го напиша и бројот 21, а како што е познато тој почина на 27 ноември, 2021 година, па овој број претставува бројот на месеци колку пејачката е сама. Инаку тој на крајот на ноември 2021 година ја загуби животната битка на институтот за кардиоваскуларни болести на „Дедиње“ каде неколку недели лежеше и се лекуваше од срцеви компликации. Пејачката од тој ден до ден денес не сака да се огласува на оваа тема и што се поминала на тој ден, па засега само објавува фотографии за да се потсети на него, но не и да говори во медиумите.

КАРЛЕУША НА РОДЕНДЕНОТ ЗАМИНА НА ГРОБИШТА: Денес пејачката наместо да слави, рано утрово објави тажна фотографија – еден детаљ буквално ќе ве наежи

Дарко Андоновски — Thu, 17 Aug 2023 11:05:52 +0000

Пејачката Јелена Карлеуша денеска на 17 август наполни 45 години. Но, наместо славењето да започне од рано утрово, таа откако се разбудила се упатила кон гробот на својата мајка Дивна. Со ова таа уште еднаш покажа колку и фали нејзината мајка, особено на овој важен датум во нејзиниот живот кога е родена пејачката. Јелена го сликала споменикот на кој оставила свежи цвеќиња, но меѓу нив имаше и три бели ангели.

Ќе одговара за „сквернавење на гроб“, еве што направила жена од Гевгелија

Ивана Ефремовски — Wed, 16 Aug 2023 16:00:07 +0000

СВР Струмица поднесе кривична пријава против В.С.(68) од Гевгелија, поради постоење основи на сомнение за сторено кривично дело „сквернавење на гроб“. Пријавената, на 04.08.2023 на селските гробишта во с.Стојаково со тврд предмет во два наврати извршила оштетување на спомен плоча.

НЕМА ДА ИМ ПОВЕРУВАТЕ НА СОПСТВЕНИТЕ ОЧИ – кога ќе видите како изгледа гробот на легендарниот пејач Синан Сакиќ ќе ви падне вилицата (ФОТО)

Дарко Андоновски — Fri, 13 Jan 2023 11:08:45 +0000

Легендарниот пејач Синан Сакиќ битката со тешката болест ја загуби пред неколку години, а зад себе ги остави најголемите хитови кои се слушаат до ден денес. Српскиот портал „Пинк“ ексклузивно отиде на неговиот гроб, а тоа што го затече таму речиси ги остави со подзинати усти. Имено изгледот на неговата семејна гробница привлекува секојдневно десетици посетители кои сакаат да му одадат почит на легендарниот пејач. Овој величествен вечен дом се уште се гради, па само може да се претпостави како ќе изгледа на крајот кога ќе биде завршен во целост. Освен оваа гробница, за пејачот се гради и музеј кој е во напредна фаза од изградбата.

Откриен тунел што можеби води до гробот на Клеопатра

Катерина Бојаџиева — Mon, 14 Nov 2022 10:49:41 +0000

Археолози пронајдоа огромен тунел под храм кој што датира од Древен Египет и веруваат дека тоа можеби водело и води до гробницата на Клеопатра Седма. Египетското Министерство за туризам и антиквитети објави дека тунелот е долг 1.300 метри и се наоѓа на длабочина од 13 метри под градот Тапосирис Магна, недалеку од Александрија, основан во 4. век п.н.е. Се смета дека подоцна тука, владетелката и нејзиниот љубовник, римскиот војсководец и принкепс Марк Антониј, биле погребани по нивната смрт. Исто така, се наведува дека тунелот бил откриен 20 метри под храмот на Озирис, египетскиот бог на подземјето. Тунелот го пронашол водечкиот археолог на доминиканско-египетската експедиција, Катчеен Мартинез, која повеќе од 15 години ја бара гробницата на Клеопатра во Тапосирис Магна. Таа и нејзините колеги веќе пронајдоа тајни премини и разни богатства во храмот, вклучително и збирка монети со името и ликот на Клеопатра. Новооткриениот тунел што археолозите го оценија како „геометриско чудо“, е многу сличен на тунелот Евпалинос на островот Самос во Егејското Море. Научниците сѐ уште расправаат дали Клеопатра навистина била сместена тука, па не е сигурно ни дали овој тунел навистина ќе помогне во наоѓањето на гробницата на последната кралица на Древен Египет. Во меѓувреме, бројни земјотреси ја потресоа областа и тоа ги отежнува ископувањата. Делови од неодамна откриениот тунел сѐ уште се под вода.

Гробот на Свети Никола пронајден под црква во Турција, археолозите бараат коски

Магдалена Андонова — Wed, 19 Oct 2022 09:03:07 +0000

Гробницата на Свети Никола беше откриена откако археолозите открија остатоци од античка црква во Турција, која била потопена од подигањето на нивото на морето во Средоземното Море во средниот век. Светиот лик, кој живеел помеѓу 270 и 343 година од нашата ера, е најпознат по неговото наследство од пари што им ги дал на сиромашните, а особено по приказната за тоа како на три девојки им подарил вреќи со злато за да ги спаси од проституција. На врвот на античката базилика била изградена уште една црква за да го заштити гробот на светителот, но археолозите дури неодамна го откриле мозаикот и камениот под од претходното светилиште. Ова ги доведе до последното почивалиште на Свети Никола, пишува Daily Mail. Тимот што го откри ова тврди дека Свети Никола живеел и умрел во Турција, пренесува новинската агенција Демирорен. Археолозите со години работат на локалитетот, внимателно отстранувајќи ги подовите од црквата Свети Никола која се наоѓа во Турција. Отстранувањето ги откри подовите на првобитната црква која била изградена по смртта на Свети Никола во 343 година.

Оригиналната основа беше откриена во 2017 година кога истражувачите користејќи електронски истражувања пронајдоа дупки под подот на црквата. Византиската црква изградена на антички темели била место за молитва за православните христијани помеѓу 5 и 12 век и е опкружена со статуи на Свети Никола. Исто така, во 1982 година беше додаден на списокот на светско наследство на УНЕСКО. Тимот најави дека можеби го пронашле гробот на Свети Никола, но се уште работат на внимателно отстранување на подот од византиската црква за да не се оштети. Осман Еравсар, шеф на провинцискиот одбор за зачувување на културното наследство во Анталија, изјави за новинската агенција Демирорен минатата недела: „Првата црква беше потопена со издигнувањето на Средоземното Море, а неколку века подоцна беше изградена нова црква. Сега стигнавме до остатоците од првата црква и подот по кој чекореше свети Никола“. Свети Никола, кој е познат по подароците и милосрдието на сиромашните, е роден во селото Патара од богати родители кои починале во епидемија и му оставиле големо богатство на својот син. Како благочестив христијанин, Свети Никола го следел Исусовото учење да го продаде целиот свој имот и да им го дава на сиромашните - и тој го направил. Сепак, овие идеи не се претставени во историски документи, туку споделени во приказни. Станал епископ во IV век, но набрзо бил затворен од римскиот император Диоклецијан во време кога христијаните биле прогонувани, а потоа ослободени под власта на Константин Велики.

Записите покажуваат дека Свети Никола бил погребан во црква изградена на негово име, но точното место на неговото тело отсекогаш било мистерија. Истражувачите сега веруваат дека во времето на неговата смрт во 343 година од нашата ера, Свети Никола бил погребан во црквата во Демре, каде што лежел невознемирен до 11 век. Останките стари 1.674 години претходно се веруваше дека биле прошверцувани во италијанскиот град Бари од трговци во 1087 година. Меѓутоа, турските археолози сега сугерираат дека погрешните коски биле отстранети - а оние што отишле во Италија му припаѓале на анонимен свештеник. Тој бил погребан во неговата црква, а до 6 век неговото светилиште станало познато. Откривањето на гробницата ја решава мистеријата за тоа каде бил положен светителот, а тимот неодамна открил фреска на Исус Христос. Византиската црква исто така повеќепати била оштетена и обновувана во текот на 8 и 9 век. Исто така, беше потопен и закопан, останувајќи скриен со децении додека не беше повторно откриен во 1956 година.

Жена оставила порака на гробот на родителите на Путин, еве колку години затвор и се закануваат

Тале Кристо — Wed, 12 Oct 2022 17:34:06 +0000

Ирина Цинбанева (60) наводно оставила порака на гробот на родителите на рускиот претседател, Владимир Путин во која посакала тој да умре, пренесе „Sky News“. Цинбанева беше уапсена во понеделникот во нејзиниот дом во Санкт Петербург и таа е обвинета за „сквернавење на телата на мртвите и нивните гробови“, пишува „Москва тајмс“. Точната содржина на пораката оставена на гробот на Марија Путина и Владимир Путин постариот не е позната, но пораката наводно била оставена на нивниот гроб ден пред 70-тиот роденден на рускиот претседател „Таа оставила порака со навредлив натпис упатена до претседателот на Руската Федерација, со што го сквернави гробното место“, стои во соопштението на судската служба на Санкт Петербург. Цинбанева ќе биде задржана во полиција до петок, а доколку биде прогласена за виновна, може да се соочи со затворска казна до 5 години.

НА ЦЕЦА И ДЕЦАТА НЕМА ДА ИМ БИДЕ ДОБРО – еве што тврди овој тиктокер кој со апарат за детектор на злато го истражуваше гробот на Аркан (ВИДЕО)

Дарко Андоновски — Thu, 25 Aug 2022 09:10:49 +0000

Човек облечен во панталони и во маица со ликот на Синиша Михајловиќ, се снима за социјалната мрежа Тик-Ток како со детектор за злато го истражува гробот на Жељко Ражнатовиќ-Аркан. – Детекторот не покажува никакви знаци на метал во гробот, а тоа значи дека можеби Аркан не е тука – вели тој при крајот на видеото.

@skoro_pa_normalan Šta reći...🤔#fyp #fypシ #fypage #fypシ゚viral #viral #viralvideo #viraltiktok #virall #fy #foryou #foryoupage #trending #tiktoksrbija #srbijatiktok #balkantiktok #tiktokbalkan #arkan #zeljkoraznatovic #zeljkoraznatovicarkan ♬ original sound - SKORO PA NORMALAN ®️

Мистерија која трае 25 години: Зошто никој не го видел гробот на принцезата Дијана?

Дарко Андоновски — Wed, 06 Jul 2022 14:17:10 +0000

Интригите поврзани со смрта на Принцезата Дијана не престануваат ниту 25 години по нејзината трагична смрт во сообраќајна несреќа. Мајката на принцовите Вилијам и Хари, Принцезата Дијана е погребана во гроб кој се уште никој не го видел. Телевизискиот пренос од погребот на принцезата од Велс беше единствениот настан кој ја надмина гледаност на нејзината и свадбата на Принцот Чарлс. Две и пол милијарди луѓе ширум светот го гледаа и ја оплакуваа Дијана. Првично, планот бил принцезата Дијана да биде погребана во гробницата на семејството Спенсер во црквата во Грејт Брингтон. Но, помладиот брат на принцезата Дијана, Ерл Чарлс Спенсер, реши да го промени тој план. Братот на тогаш популарната леди Ди сакал нејзините деца принцот Вилијам и принцот Хари да можат да го посетат гробот на на својата мајка Дијана кога и да посакаат без да се грижат за приватноста. Областа каде што е погребана принцезата е покрај езерцето познато како Овал, кое се наоѓа во паркот Алторп. -Принцезата Дијана беше погребана во црн волнен коктел фустан со долги ракави. Фустанот го купила само неколку недели пред нејзината смрт, пишува „Parade“. Таа е погребана во рацете држејќи бројаница која и ја подари Мајка Тереза. „Althorp House“, која се наоѓа на час и половина од Лондон, може да се посети во текот на летото. Гостите не можат да го посетат гробот, но можат да остават пораки и подароци на споменикот изграден спроти гробот на Дијана. Патот до езерото во чија близина е гробот на Принцезата е обележен со 36 дабови дрвја, секое дабово дрво претставува една година од животот на Дијана, пишува „Stori.hr“. Во овие 25 години имало неколку обиди за грабеж на гробот, поради што семејството не дозволува никој да се приближи до последното почивалиште на принцезата, ниту пак да го фотографира.

Делегација од Град Скопје положи свежо цвеќе на гробот на великанот Гоце Делчев

Тале Кристо — Wed, 04 May 2022 09:45:32 +0000

Градоначалничката Данела Арсовска и секретарот на Град Скопје, Ѓоко Велковски, денеска положија свежи цвеќиња на гробот на великанот на македонската борба за слобода Гоце Делчев, во дворот на црквата „Свети Спас“, по повод 119 годишнината од неговата смрт. Гоце Делчев е еден од основоположниците на Македонската револуционерна организација и народен водач кој со својата револуционерна дејност остави траен печат во македонската историја. Визионер кој уште пред повеќе од еден век го разбра светот како поле за културен натпревар на народите. Затоа, денес на 4 мај, се потсетуваме на неговиот завет, на љубовта кон татковината и на несебичната жртва за слобода. За Скопје и скопјани достоинствено го чествуваат неговиот лик и дело и го вреднуваат неговото наследство.