громови – Kurir.mk

Подалеку од вода и мобилни, корисно е правилото 30+30: Како да се однесувате во случај на олуја и громови?

Катерина Бојаџиева — Mon, 19 Jul 2021 20:44:35 +0000

Повеќе делови од земјава деновиве беа зафатени со невреме проследено со поројни врнежи, силен ветер, грмежи и електрични празнења. Вчера во Охрид најмалку 13 лица пријавиле повреди или трауми предизвикани од удар на гром на плажата „Оревче“, додека денеска јавноста се потресе од несреќата со 25-годишно момче од тетовско кое вчеравечер било усмртено од гром додека пасело овци. Опасноста од удар на гром можете да ја избегнете со запазување на одредени правила на однесување: Пред заминување на планина или на отворен простор во природа информирајте се за временските услови; Олуите, како појава, во планините најчести се во летните месеци, после пладне или навечер; Доколку наидува олуја, побарајте цврсто засолниште; Доколку сте во ѕидан објект избегнувајте да стоите покрај прозор, отворени врати, камин, метални столбови и метални предмети како што се славина, штекери и електрични прекидачи, Корисно е правилото 30+30: кога ќе забележите молња и можете да изброите до 30 секунди пред да го слушнете громот, морате да побарате засолниште. Најмалку 30 минути од последната молња и гром не смете да излегувате од засолништето, Не ги користете мобилните и радио уредите, истите добро спакувајте ги во ранец и на тој начин заштитете ги од оштетување, Мокри јажиња можат да го доведат громот, Немојте да стоите и да се движите во голема група. Растурете ја групата, на тој начин, во случај на удар на гром ќе бидат зафатени што помал број на луѓе, Избегнувајте ги експонираните точки, особено осамените стебла и рабови на шуми, Избегнувајте носење на метални предмети (секири, ножиња, метален прибор, скали, вили, лопати и слично), Избегнувајте го просторот блиску до струјните водови, како што се столбовите од жичари и далекуваоди, Громот може да биде одалечен и до 15 км. пред олујата, доаѓа хоризонтално и може да удари од ведро небо. Громот е подеднакво опасен на крајот, како и на почетокот на олујата, Оддалечете се од стени и врвови, Шаторот не е заштита; кога сте во шатор, доколку е возможно, останете подалеку од металните шипки на шаторот и мократа облека, гумените ѓонови и гумените одела не се заштита од гром, Во шума најдете засолниште покрај мали и ниски стебла и грмушки На отворен простор барајте пониски места, пукнатини и долини под услов да немаат вода, Доколку сепак сте на отворено, клекнете и наведнете се напред ставајќи ги рацете околку колена; ако е возможно, ставете пред себе изолациски материјал како што е ранец, јакна и слично, немојте да лежите испружени на земја, Доколку почуствувате пуцкетање и подигање на косата (накострешување на косата), или видите сина ареола околку објект, станува збор за електрична активност околку вас, таквото подрачје треба веднаш да го напуштите, доколку тоа не е возможно, клекнете на стопалата, спуштете ја главата и со рацете не ја допирајте земјата, Со рацете покријте ги ушите, како би ја спречиле повредата на ушните тапанчиња.

Во Пакистан од громови загинаа 24 луѓе

Ивона Петрова — Fri, 15 Nov 2019 11:29:23 +0000

Најмалку 24 луѓе загинаа, околу 30 се повредени во невремето проселедно со громови во јужната пакистанска покраина Синд. Меѓу жртвите четири се жени и три деца. Обилните дождови проследени со грмотевици во средата ги погодија јужните делови на Пакистан, а најпогодени се регионите Тарпаркар, Џакобабад и Готки.

Во југоисточна Истра за два часа 11.000 молњи

Дарко Андоновски — Sun, 08 Sep 2019 13:41:07 +0000

Во југоисточна Истра утрово, за само два часа, евидентирани се 11.000 молња, а две феномени, познати како „пијавици“, се забележани и на морето на јужна Истра и во близина на Брион, соопшти Истрамет. Времето беше нестабилно низ целата Истра претпладне, со локални поројни дождови проследени со грмотевици, кои најмногу ги погодија Пула, Медулин и Премантури. Во текот на ноќта меѓу сабота и недела најмногу дожд паднал во околината на Ровињ.

Најмалку 32 лица загинале од громови за еден ден во Северна Индија

Ивана Ефремовски — Mon, 22 Jul 2019 07:10:09 +0000

Најмалку 32 лица вчера загинале од удари на громови во северната индиска држава Утар Прадеш, јави денеска локалната телевизија НДТВ додавајќи дека во невремето биле повредени уште 13 луѓе. Според телевизијата, најмногу од жртвите биле регистрирани во областите на градовите Канпур и Фатехпур, каде загинале по пет лица. Владата на Утар Прадеш соопшти дека на семејствата на загинатите ќе им биде доделена помош. (МИА)

Беснееше силно невреме: Србија синоќа ја погодиле над 15.000 молњи

Предраг Кукиќ — Mon, 20 May 2019 18:53:54 +0000

Силно невреме со град ги погоди синоќа Банат, Белград и западна Србија. Над 15.000 громови ја погодиле Србија минатата ноќ. Чачак, инаку, го држи и рекордот на Србија – во јули 2014 година за два часа биле забележани дури 2.670 громови. Невреме со град синоќа имало во Ивањица, Чачак, Љиг, Кикинда и Белград, а најмногу дожд наврнало во Зрењанин – 35 литри на метар квадратен за неколку часа, во Кикинда 20 литри дожд за еден час и во Нови Сад 14 литри.

Удрија 1.500 громови во рок од минути

Ивана Ефремовски — Thu, 07 Mar 2019 10:44:16 +0000

Во Јужна Калифорнија удрија 1.500 громови во рок од пет минути, соопштија локални медиуми повикувајќи се на американскиот синоптички центар.

-Од нив, 230 биле регистрирани над Санта Барбара и 40 над Лос Анџелес, соопштија метеоролозите и објаснија дека ова е премногу. Синоптичарите ги предупредија луѓето да не ги напуштаат своите домови. Авионот на Делта за Сиетл бил принуден да се врати во Лос Анџелес, откако бил удрен од гром. Нема повредени. Кратко била прекината и струјата на три терминал на меѓународниот аеродром во Лос Анџелес.

НЕВРЕМЕ ВО ЕВРОПА: За 24 часа 50.000 громови- најмногу во Хрватска, Словенија и Италија

Катерина Бојаџиева — Tue, 17 Apr 2018 17:38:48 +0000

Во последните 24 часа во Европа биле забележани повеќе од 50.000 удари на гром, а најмногу имало во подрачјето на Италија, Словенија, Истра и северна Хрватска. Невремето пропратено со грмотевици, кое ја зафати Европа, донело со себе големо количество дожд, а некаде и град. Метео сервисот „Ведер Јуроп“ информира дека на подрачјето во јужна Австрија имало град и поплави. Во Грац улиците биле поплавени, а сообраќајот отежнат, додека делови на јужна Австрија биле погодени од град. Невремето не ја заобиколи ниту Словенија.