груби – Kurir.mk

ФОТО: Ахмети си држи состаноци во Владата во канцеларијата на Груби

Тале Кристо — Sat, 12 Dec 2020 19:22:56 +0000

Лидерот на Демократската унија за интеграција, Али Ахмети си одржува состаноци во владата во канцеларијата на вицепремиерот Артан Груби. Имено, Ахмети во просториите на Владата оствари средба со специјалниот претставник на Владата за Бугарија Владо Бучковски, односто средбата се одржала во канцеларијата на Груби. Ништо не би било спорно околу состанокот, само доколку Ахмети беше дел од извршната власт, а во моментов лидерот на интегративците не извршува ниту една таква функција и де е дел од истата власт а состаноците ги одржува во просториите на Владата на Република Македонија. Инаку, како што соопштија од ДУИ на состанокот се разговарало за спроведување на Договорот за добрососедство, за актуелните позиции на двете страни и за најдобрите начини за надминување на спорот.

Груби: „Рамковните“ не може да добијат „отказ“ ако одбијат да работат (ВИДЕО)

Тале Кристо — Sun, 11 Oct 2020 15:03:49 +0000

И покрај тоа што 1.350 „рамковни“ со години земаат државна плата, а седат дома, не може да им бидат прекинати договорите дури и ако одбијат да работат во некоја од институциите, вели вицепремиерот Артан Груби. „Нема законска можност за тоа да се реализира, за жал. Во некои од институциите самите вработени не сакаат да одат, во некои други случаи, институциите не ги прифаќаат затоа што би преферирале нови вработувања. Затоа и најавив усвојување можеби на посебен, специјален закон, само за оваа категорија, со кој би било обврзувачки, и институцијата и вработениот да го прифатат распределувањето“ – вели Груби. Пред напуштањето на функцијата, тогашниот министер за администрација Дамјан Манчевски рече дека за 3 месеци ќе се најде решение за овие луѓе, а ако тие не сакаат конечно да тргнат на работа, ќе им бидат прекинати договорите, потсетува ТВ Алфа. Сега Груби вели дека е неблагодарно да се даваат рокови до кога треба тие да бидат работно ангажирани, а тоа што седат дома – не е по нивна вина.

Груби: Сите знаат дека тоа што ќе го науми ДУИ, тоа и ќе го оствари

Тале Кристо — Sun, 07 Jun 2020 15:21:55 +0000

Сите знаат дека тоа што ќе го науми ДУИ тоа и ќе го оствари посочи пратеникот Артан Груби во своето гостување во вестите на телевизја Сител говорејќи за најавата на Ахмети дека на следните избори Македонија ќе го добие првиот Албанец премиер. Тој истакна дека ниту Зоран Заев не победи на изборите во 2016-та година, но ДУИ му помогна консензуално да седне во премиерската фотелја и токму поради оваа причина е убеден дека Македонија ќе има Албанец премиер. -Тоа што ќе го вети тоа и ќе го оствари. Тоа го знаат и граѓаните Македонци, Албанци и сите други во нашата држава. Знаете првиот претседател на Собрание Албанец во нашата држава ги немаше потребните 61 глас само од страна на ДУИ туку мораше консензуално да се донесе одлука за да поддржиме личност како господинот Џафери за претседател на Собранието. Исто така господинот Зоран Заев не ги победи изборите во 2016-та година туку имаше 49 пратеници и мораше да направи консензус со другите политички партии за да го добие мандатот за претседател на Владата на Република Македонија. Затоа со консензуалната политика која што ја наметнавме при претседателските избори и при локалните последните избори сметаме дека таа консензуалност ќе надвладее и ќе успееме да имаме прв Албанец премиер на Република Македонија, вели Груби Chat Conversation End Type a message...

Дефинитивно не биле точки и запирки на Дескоска: Груби се пофали дека успејале да го вметнат Бадентер и употребата на албанскиот јазик во ЗЈО!

Љупчо Цветаноски — Wed, 12 Feb 2020 11:39:38 +0000

Потпретседателот на ДУИ, на денешната прес конференција и официјално објави дека во новиот закон за Јавно обвинителство се прифатени сите барања на нивната партија. Со ова Груби укажа и на лагата на Дескоска и СДСМ дека Законот бил повлечен од Собрание поради грешки. Дефинитивно не биле точки и запирки, како што тврдеше самопрогласената и номинирана нова членка на Венецијанската комисија од Македонија, туку пазарот со ДУИ го одложил

„Апсолутно сите барања на ДУИ и на заедницата веќе се инкорпорирани во двата текста на закони. Успеавме да воведеме Бадентер во изборот на сите јавни обвинители во обвинителството за гонење на организиран криминал и корупција, успеавме да ја вметнеме и целосната еднаква, службена, употреба на албанскиот јазик во сите постапки во Јавното обвинителство и во советот на Јавни обвинители, согласно одредбите од Законот за употреба на јазиците, како и намалување на критериумите за избор на јавни обвинители, при што ќе се обезбеди правична застапеност и на Албанците и на другите заедници во Јавното обвинителство“ рече Груби.

И ДУИ не му верува на Заев: Груби прво ќе проверел да не е изменет текстот на Законот за ЈО!

Љупчо Цветаноски — Mon, 10 Feb 2020 13:43:51 +0000

Ни ДУИ не му верува на Заев и СДСМ. На ова наведува изјавата на претседателот на Комисијата за европски прашања, Артан Груби, кој не може да потврди дали предлог законот за Јавно Обвинителство ќе биде поставен на седница денеска. Тој се сомнева дека текстот е променет и не станува збор за содржината за која се договориле со СДСМ па затоа најпрво рече дека ќе почека да види што предложела владата. „Тукушто стигна Законот за обвинителство. Треба да проверам дали се работи за истата верзија која синоќа ја договоривме и во која беа инкорпорирани нашите забелешки или има некакви измени во владиниот предлог, ако Законот е истиот само тогаш ќе биде ставен на дневен ред на Комисијата за европски прашања и ќе има време да биде изгласан до планираното распуштање на 12 февруари”, изјави Груби.