група – Kurir.mk

Пелистер и Вардар во иста група во Суперлигата

Ристе Здравков — Thu, 15 Jun 2023 12:54:53 +0000

Ракометната федерација на Македонија (РФМ) ги извлече групите за ракометната Суперлига во новата сезона 2023/24. Формирани се две групи со по осум клуба. Во Б-групата се актуелниот првак Еурофарм Пелистер и освојуваќот на купот, Вардар 1961. Група А: Струга (1), МРК Куманово (2), ГРК Тиквеш (3), Скопје 2020 (4), Алкалоид (5), Еурофарм Пелистер 2 (6), Аеродром (7), ГРК Охрид (8). Група Б: Пролет 62 (1), Прилеп (2) Вардар 1961 (3), РК Мулти Есенс (4), Голден Арт (5), Еурофарм Пелистер (6), Бутел (7), Вардар Неготино (8). Новата сезона ќе започне во септември. Претходно Еурофарм Пелистер и Вардар 1961, со натпреварот во Суперкупот ќе ја отворат новата сезона.

Албанското обвинителство побарало од Русија да го затвори каналот на групата „Татковина правда“ на Телеграм

Тале Кристо — Tue, 04 Oct 2022 10:06:52 +0000

Откако хакерите почнаа да објавуваат полициски тајни, албанското обвинителство испратило барање до руските власти за затворање на каналот на групата „Татковина правда“ на Телеграм, но засега нема одговор. -Албанското обвинителство испрати барање до руското Министерство за правда за извршување на судска одлука за затворање на страницата „Татковина правда“ на апликацијата „Телеграм“. Оваа социјална мрежа е контролирана и администрирана од централни сервери во Русија, па извршувањето на бар ањето издадено од обвинителството на Тирана е упатено до овие власти, јави Ора њуз. Барањето било испратено пред две недели, но од „канцелариите на контакт-офицерите во соодветните амбасади не преземале ништо за реализирање на ова барање“. -Очигледно, потребата на албанската страна за заемна правна помош наиде на глуви уши во Русија, иако каналот Homeland Justice Telegram продолжува периодично да објавува тајни и чувствителни податоци за албанската држава. Во меѓувреме иранската хакерска група објави на мрежата Телеграм во понеделник наутро уште една база на податоци за лица осомничени за разни криминални дела во Албанија. Станува збор податоци за околу 105 илјади лица кои во системот МЕМЕКС низ годините полицијата ги евидентирала како осомничени, наведува телевизијата. По објавувањето на податоците реагираше министерот за внатрешни работи Бледи Чучи кој објасни дека датабазата не е официјална и оти истрагите продолжуваат со ФБИ и Мајкрософт. И премиерот Еди Рама изјави дека хакерите не допреле важни податоци, додавајќи дека објавените информации се фотомонтажа. За разлика од нив опозицијата и елсперти од ИТ секторот и безбедноста сосотојбата ја оценуваат како загрижувачка и алармантна.

Голема акција на Европол – разбиена мрежа за експлоатација на имигранти

Магдалена Андонова — Thu, 25 Feb 2021 12:15:35 +0000

Вкупно 38 лица се уапсени во Франција, Романија и Молдавија за нивната наводна вмешаност во широка трговија со имигранти, соопшти европската полициска агенција Европол и единицата за европска судска соработка Еурожуст. Според двете организации, апсењата се случиле по сомневањата на француските власти за можна „трговија со луѓе“, „нелегално вработување“, „производство на лажни документи за лична карта“ и „перење пари“, јави дописникот на МИА. Апсењата беа извршени во заедничка акција и се резултат на заедничката истрага на полициските сили на Франција, Романија и Молдавија, поддржана од Европол, соопштија двете агенции. - Криминалната мрежа криумчарела и регистрирала молдавски работници во Франција користејќи лажни документи, притоа задржувајќи ги нивните вистински пасоши како гаранција, соопшти Европол. Вкупно биле претресени 44 локации – 17 во Франција, 14 во Романија, 20 во Молдавија – и запленети 15 луксузни автомобили, како и 100.000 евра во готово, прецизира, од своја страна, Еурожуст, додавајќи дека „ се замрзнати 11 банкарски сметки “. Според Европол, криминалната мрежа им обезбедувала на илегалните мигранти фалсификувани романски лични карти и возачки дозволи. - Повеќето од жртвите имаат ниско ниво на образование и затоа се поранливи на нивната експлоатација од оваа криминална мрежа, додаде Европол. - Тие работеа 55 часа неделно за 60 евра на ден. Големи компании во градежниот и реновирачкиот сектор исто така се вклучени во овој криминален систем, соопшти европската полициска агенција, опишувајќи ја активноста на мрежата како „екстремно профитабилна“, со профит проценет на речиси 14 милиони евра. Осомничените ги переле криминалните средства преку осум компании, појаснува Европол, повеќето со седиште во Франција. (МИА)

Беше се*с-бомба, па се повлече од јавноста: Еве како денеска изгледа некогашната пејачка на групата „Луна“ (ФОТО)

Тале Кристо — Sat, 11 Jan 2020 19:03:36 +0000

Маја се повлече од јавноста и се омажи за музичарот Синиша Цветковиќ Лудвиг, а денеска со знего се занимават со продукциска работа и имаат продукциска куќа. Изминатите години често ја менувала адресата на живеење, поради нејзините настапи на прекуокеански крузери, па имала прилика да види многу краеви од светот. Денеска, таа работи на прекуокеанските бродови и настапува со својот партнер а на социјалните мрежи редовно објавува фотографии од местата каде што престојувала.

View this post on Instagram

Cuba Libre ☀️??#majamarkovic #majagoesaroundtheworld

A post shared by MAJA MARKOVIĆ️️️️ Ⓜ️ (@themajamarkovic) on Oct 15, 2019 at 12:36am PDT

Иако зачекорила во петтата деценија од животот, Маја и денеска може да се пофали со својот совршен изглед и убавина, по која и многумина ја памтат. Првата пејачка на групата „Луна“, Маја Марковиќ, најмногу се задржала во групата, од нејзиното основање па се до 2005 година.

View this post on Instagram

4 ...?? #majamarkovic

A post shared by MAJA MARKOVIĆ️️️️ Ⓜ️ (@themajamarkovic) on Sep 17, 2019 at 6:50am PDT

Николоски: Со ставањето на Македонија во група со Албанија, Заев му враќа услуга на Рама

Тале Кристо — Wed, 20 Nov 2019 17:41:10 +0000

Потпретседателот на ВМРО-ДПМНЕ, Александар Николоски во изјава за дневникот на ТВ Алфа посочи дека со ставањето на Македонија во група со Албанија, Заев му враќа услуга на Рама. Има многу работи кои што за жал се заеднички во владеењето на Заев и на Еди Рама, прво тоа е корупцијата, а второто е криминалот, третото е марихуаната, има доста работи кои што ги спојуваат и на кои што ние се спротивставуваме и како ВМРО-ДПМНЕ и Демократската партија во Албанија, појасни Николоски. Николоски истакна дека ќе се најсреќни ако Албанија е на исто ниво на развој како Македонија, или уште да е поуспешна бидејќи на Македонија и се потребни успешни соседи. Албанија тоне во корупција и Албанија има силни структурни проблеми внатре во државата. И да ја ставите Македонија со сите проблеми кои што и Македонија ги има, но сепак да ја ставите во група со Албанија или е тотален аматер или да имате договор како што има Заев со Рама, и заради тој договор мора да исплаќате концесија. Да ја потсетам македонската јавност Заев стана премиер заради Тиранската Платформа. Таа Тиранска Платформа ја направи Еди Рама. Ставањето на Македонија во група со Албанија, Заев му враќа услуга на Рама, многу е едноставно, додаде Николоски.

„Conquering Lion“: Не се криеме и не бегаме од тоа дека настап на ваков настан не ни е во прилог и е против нашата идеологија

Дарко Андоновски — Fri, 13 Jul 2018 10:28:39 +0000

Групата „Conquering Lion“ преку ФБ статус со јавноста го сподели своето „искуство“ околу ангажирањето на настанот од страна на Владата на Република Македонија. Во статусот кои ви го пренесуваме во целост тие велат дека тие не знаеле за каков настан станува збор и веќе потпишале. -Добри људи! Би сакале да ви ја разјасниме целата ситуација околу денешните настани. Пред се станува збор за едно големо недоразбирање. Како што знаете еден бенд работи со повеќе booking агенти и вакви недоразбирања може да се случат доколку некоја информација биде скриена, не проследена, заглавена во спам и слично... Во нашиот случај при размената на информации во врска со настанот и концертот на Conquering Lion не информираа дека станува збор за културен настан на кој ќе настапуваат повеќе артисти низ повеќето градови во Македонија без присуство на политички странки, говори, пропаганден матерјал и слично, стои во нивниот статус. Понатаму од групата додаваат дека како што се испоставија работите испадна дека повеќето артисти не знаеле за каков тип на настан станува збор, меѓутоа некои од нас веќе имаа потпишано договор за настап на културен настан за кој немаше подетални информации и сега нема назад. Ако може нешто позитивно да се извади од целата ситуација е дека нашата порака останува јасна и гласна и ќе биде пренесена и на овој концерт како и на сите претходни. Не се криеме и не бегаме од тоа дека настап на ваков настан не ни е во прилог и е против нашата идеологија, но се надеваме ќе разберете во која ситуација се најдовме без да сакаме и самите ние. Не смее да се исклучи идејата дека можеби настапот во центарот на Бабилон може да биде многу влијателен и да остави печат. На крајот на денот секој има право на свое мислење и затоа какви и да се вашите одлуки ќе бидат почитувани. Една Љубов Conquering Lion, стои во нивниот ФБ статус.

Британските пратеници формираа група за борба против руското влијание

Дарко Андоновски — Fri, 20 Apr 2018 12:38:39 +0000

Британските пратеници формираа специјална група, која се фокусира на руското мешање, истакнувајќи дека мора повеќе да се направи за да се разбере дименизијата на „малигното влијание“ на Москва. Во новата Руска координациска група членуваат лидерите на неколку влијателни парламентарни комитети, вклучително и надворешнополитичкиот и одбранбениот комитет. Конзервативниот пратеник Том Тагендхат, претседавачот на групата, изјави дека Велика Британија треба да ги следи САД во воведувањето на санкции кон олигарсите и владините претставници, кои се поврзани со рускиот претседател Владимир Путин. Велика Британија ја обвинува Русија дека користи дезинформациска кампања со цел да ја поткопа западната демократија и ја обвинува Москва за напад врз двоениот шпион Сергеј Скрипл и неговата ќерка Јулија. МИА