групи – Kurir.mk

ФОТО: Ова е маскотата на СП во Катар

Ристе Здравков — Sun, 20 Nov 2022 15:33:18 +0000

Во градот Ал Хор на стадионот „Ал Бејт“ попладнево спектакуларно е отворено 22. фудбалски Мундијал. На Светското првенство Катар 2022 ќе учествуваат 32 репрезентации поделени во осум групи. Во првиот и единствен денешен натпревар од 17 часот ќе се сретнат, домашната репрезентација на Катар и селекцијата на Еквадор. Состав на групите: А-група: Катар, Еквадор, Сенагал и Холандија. Б-група: Англија, САД, Иран и Велс. Ц-група: Полска, Аргентина, Мексико и Саудиска Арабија. Д-група: Франција, Данска, Тунис и Австралија. Е-група: Германија, Шпанија, Костарика и Јапонија. Ф-група: Хрватска, Белгија, Канада и Мароко. Г-група: Швајцарија, Србија, Бразил и Камерун. Х-група: Португалија, Уругвај, Гана и Јужна Кореја. Двете првопласирани од секоја група одат во осминафиналето. Мундијалот во Катар е прв во историјата кој ќе се игра во зима. Ќе трае до 18 декември, прв што некогаш се одржал во арапскиот свет и прв во земја со мнозинско муслиманско население, како и второ Светско првенство кое целосно ќе се одржи во Азија. Трофејот од минатиот Светски шампионат одржан во Русија 2018 година, го брани репрезентацијата на Франција.

Познат составот на групите за завршниот АТП мастерс

Тале Кристо — Thu, 10 Nov 2022 16:30:24 +0000

Со жрепка во Торино денеска е одреден составот на „црвената“ и „зелената‘ група за завршното АТП финале, кое ќе се игра во овој италијански град од 13 до 21 ноември со награден фонд од 14.750.000 долари. На завршниот АТП Мастерс во Торино ќе настапат осумте најдобро рангирани тенисери поделени во две групи. Во „црвената“ група се Србинот Новак Ѓоковиќ, руските тенисери Данил Медведев и Андреј Рубљов, како и Стефанос Циципас од Грција. „Зелената‘ група ја сочинуваат Шпанецот Рафаел Надал, Канаѓанецот Феликс Оже – Алијасим, Норвежанецот Каспер Руд и Американецот Тејлор Фриц, која на турнирот влезе како замена за повредениот светски рекет број 1. Карлос Алкараз од Шпанија.

Познат составот на групите на Струшкиот ракометен турнир

Тале Кристо — Fri, 29 Jul 2022 12:40:59 +0000

Македонскиот првак Вардар 1961 ќе ја предводи групата Б, додека вицешампионот Еурофарм Пелистер групата А на традиционалниот меѓународен Струшки ракометен турнир, чие јубилејно 50. издание ќе се одржи од 16 до 20 август на отвореното игралиште кај „Женска плажа“ во Струга. Групата А ја сочинуваат Еурофарм Пелистер, домаќинот Струга, грчки АЕК од Солун и словачки Татран Прешов. Покрај Вардар, во групата Б се македонските прволигаши Бутел и Алкалоид, како и словенечки Целје.

ФОТО: Светско првенство: Дерби дуели уште во групите, пак заедно Бразил, Швајцарија и Србија

Ристе Здравков — Fri, 01 Apr 2022 17:25:45 +0000

Вечерва во Доха беа извлечени групите за Мундијалот во Катар 2022. Неколку фантастични мега дуели ќе има уште во групна фаза. На осум ултра модерни стадиони, 32 репрезентации ќе учествуваат на проширеното Светското првенство во Катар 2022 кое ќе се игра од 21 ноември до 18 декември. Во луксузниот Егзибициски центар во Доха, пред стотина познати фудбалски ѕвезди, ждрепката ја влечеа легендарниот Бора Милутиновиќ кој е првиот и единствен селектор во историјата кој со пет различни репрезентации бил на пет Светски првенства по ред (Мексико 1986, Костарика 1990, САД 1994, Нигерија 1998 и Кина 2002), Лотар Матеус кој играше на рекордни 5 Светски првенства, Нигериецот Џеј Џеј Окоча, Австралиецот Тим Кејхил, Бразилецот Кафу, Иранецот Али Даеи, поранешните фудбалерки Карли Лојд и Саманта Џонсон како и англискиот фудбалер Џермејн Џенас. Група А: Катар, Еквадор, Сенегал, Холандија Група Б: Англија, Иран, САД, Велс/Шкотска/Украина Група Ц: Аргентина, Саудиска Арабија, Мексико, Полска Група Д: Франција, ОАЕ/Австралија/Перу, Данска, Тунис Група Е: Шпанија, Костарика/Нов Зеланд, Германија, Јапонија Група Ф: Белгија, Мароко, Хрватска, Канада Група Г: Бразил, Србија, Швајцарија, Камерун Група Х: Португалија, Уругвај, Јужна Кореја, Гана На Мундијалот ќе играат сите светски шампиони кои досега низ историјата се радувале на златниот пехар освен Италија која испадна во баражот од Македонија и која ќе пропушти и второ Светско првенство по ред што никогаш во историјата не им се случило. Сите стадиони се изградени на растојание од 56 километри а има и тн. „мундијалски“ воз кој ќе вози од еден до друг стадион. Во Доха е и Карамело, познатиот мексикански навивач кој не пропуштил ниту еден Мундијал од 1982 година

Нема продолжување на породилното, Шахпаска побарала дозвола за зголемување на групите во градинките

Ивона Петрова — Wed, 05 May 2021 09:40:19 +0000

Министерката за труд и социјална политика, Јагода Шахпаска, денеска оствари средба со претставнички на мајките кои се на породилно отсуство. На средбата се разговараше за состојбата за упис на децата во градинките, како и за потребата општините и директорите на градинките соодветно да го раководат процесот на прием на деца во градинките, за да се овозможи целосно искористување на капацитетите во градинките. Шахпаска информираше дека Министерството за труд и социјална политика ја следи состојбата со пандемијата КОВИД-19 во градинките на дневно ниво. Анализата покажува дека сместувањето во градинките е безбедно и дека нема внатрешна трансмисија на вирусот. Врз основа на досегашните информации бројот на заболени деца од КОВИД 19 во нив е минимален и не бележи тенденција на раст. Во однос на барањето за продолжување на породилното отсуство министерката Шахпаска информираше дека со оглед на стабилната состојба во градинките, како и поради фактот што вработените во градинките беа приоритетно вакцинирани, Министерството за труд и социјална политика достави писмено допис до Комисијата за заштита од заразни болести со кој предлага да се разгледа можноста за зголемување на бројот на деца во градинките. Согласно Протоколот за активности во установите за згрижување и воспитание на деца по престанување на траењето на вонредната состојба, во моментов е предвидено воспитните групи за деца до две годишна возраст да имаат максимум по 12 деца, додека групите за децата од 2 до 10 годишна возраст да имаат по максимум 15 деца. Доколку биде прифатен нашиот предлог, образложи министерката, дополнително ќе се зголеми капацитетот на градинките, ќе можат да се примат повеќе деца, со што ќе се обезбеди грижа за децата особено во оние семејства каде што и двајцата родители работат или пак се самохрани родители. Таа нагласи дека како ресорно Министерство во чија надлежност е грижата за најмладите, децата, креирање на политики кои значат обезбедување на услови и можности за што поголем опфат на деца во предучилишно воспитание и образование е врвен приоритет. Тоа го потврдува и фактот дека за само седум месеци отворени се нови 11 градинки со опфат на нови 670 деца, а до крајот на годината ќе бидат отворени уште 13 нови градинки со дополнителни 1408 места за деца од предучилишно образование во нив.

Во Женева попладне ќе бидат извлечени групите во Лигата на шампионите

Тале Кристо — Thu, 01 Oct 2020 06:44:49 +0000

Европската фудбалска федерација попладне ќе изврши ждрепка за групната фаза во Лигата на шампионите. Ќе бидат формирани осум групи со по четири екипи. Од 32. екипи, 26 се пласираа директно во групната фаза, а уште шест беа одредени според резултатите во квалификациските натпревари. По четири претставници ќе имаат Шпанија, Англија, Италија и Германија, Франција и Русија по три, Украина два, а по еден тим во елитното натпреварување доаѓа од Португалија, Белгија, Холандија, Австрија, Турција, Данска, Грција и Унгарија. Трофејот ќе го брани Баерн Минхен. Почетокот на извлекувањето е закажано за 17 часот.

Четири осминафинални двојки познати, уште четири ќе се знаат денеска и утре- кој против кого може да игра?

Матеја Петровски — Wed, 27 Jun 2018 10:47:36 +0000

Групната фаза од Светското првенство е веќе при крајот, останаа уште само два дена од натпреварите од оваа фаза, во уште четири групи се чекаат последните натпревари, за да бидат познати сите осминафинални двојки. Четири се веќе познати, а во нив има и едно дерби, меч на две атрактивни имиња, Франција и Аргентина, тука се и натпреварите Уругвај- Португалија, домаќинот Русија игра против Шпанија, додека Хрватска која групната фаза ја заврши со три победи ќе игра со Данска. Остануваат уште четири групи кои треба да оформат четири пара во групата Е освен Коста Рика која е отпишана, другите три селекции може да завршат на трите преостанати позиции, доколку Бразил и Швајцарија остварат победи тие ќе бидат на првите две позиции, а за позицијата број еден или број два ќе одлучува гол разликата. Групата Е во осминафиналето спојува со групата Ф, а таму ситуацијата е малку покомплицирана. Доколку Германија победи со Јужна Кореја и Шведска успее да победи со Мексико, тогаш Германија, Шведска и Мексико ќе имаат по шест бода, ќе одлучува мини табела од тие три тима. Работите во групата Г се далеку појасни, таму Англија и Белгија имаат по шест бода, а Тунис и Панама се без бод, па дуелот меѓу Англија и Белгија ќе биде само битка за првото место. Во групата Х која спојува со групата со Г, има неколку комбинации, моментално на првите две места се Јапонија и Сенегал, а тие таму ќе останат, доколку Колумбија не успее да победи со Сенегал, доколку Колумбија успее да победи, единствена надеж за африканците ќе биде да се надеваат Јапонија да изгуби со поголема разлика од нив во дуелот со Полска, која веќе нема шанси за прогрес во следната фаза. Веќе формирани двојки во осминафиналето се: Франција- Аргентина Уругвај- Португалија Шпанија- Русија Хрватска- Данска Според моменталната позиција на табелите осминафиналните двојки од останатите групи би изгледале вака: Бразил- Германија Мексико- Швајцарија Англија- Сенегал Јапонија- Белгија Сепак, да напоменеме дека можни се промени во овие двомечи, со оглед на тоа што се уште не е одиграно последното коло.