групна фаза – Kurir.mk

УЕФА го зголеми фондот за клубовите без пласман во групната фаза

Тале Кристо — Thu, 07 Sep 2023 18:01:37 +0000

Фудбалските клубови кои нема да успеат да се пласираат во групната фаза во едно од трите европски клупски натпреварувања од следната сезона ќе добијат поголем дел од приходот од УЕФА, согласно новиот модел на распределба објавен денеска. УЕФА и Здружението на европски клубови (ЕЦА) потпишаа нов договор со важност до 2030 година, кој „ќе ја засили долгорочната стабилност и одржливиот раст во европскиот клупски фудбал“, се наведува во официјалното соопштение. Здружението на европски лиги, кое ги застапува професионалните фудбалски лиги во Европа, прецизираше од своја страна дека измените ќе донесат 308 милиони евра за распределба меѓу клубовите, во споредба со сегашните 175 милиони евра. „Денешната објава ќе им помогне на сите клубови ширум Европа да ја зачуваат својата конкурентност на теренот и надвор од него, додека продолжуваат да инвестираат во младите и развојот на таленти“, се додава во заедничкото соопштение на УЕФА и ЕЦА.

Познати сите учесници во групната фаза од фудбалската ЛШ

Дарко Андоновски — Thu, 31 Aug 2023 08:42:08 +0000

Белгиски Антверпен, дански Копенхаген и холандски ПСВ се последните патници во групната фаза од фудбалската Лига на шампиони, откако синоќа се одиграа завршните три плејоф реванш натпревари. Антверпен триумфираше со 2-2 на гостувањето во Атина и со вкупни 3-1 го елиминираше АЕК, а Копенхаген ја задржа предноста од 1-0 од првиот натпревар во Полска, откако на домашен терен одигра 1-1 против Раков. Предноста на домашниот терен ја искористи ПСВ, кој по ремито 2-2 пред една недела во Шкотска, триумфираше над Глазгов Ренџерс со 5-1. Пласман во групната фаза во елитното европско клупско натпреварување преку плејофот во вторникот обезбедија Брага, Галатасарај и Јанг Бојс. Преостанатите 26 екипи кои ќе се најдат во денешната жрепка во Нион за составот на групите се Арсенал, Манчестер јунајтед, Манчестер сити, Њукасл, Атлетико Мадрид, Барселона, Реал Мадрид, Реал Сосиедад, Севиља, Баерн, Борусија Дортмунд, Лајпциг, Унион Берлин, Интер, Лацио, Милан, Наполи, Ленс, ПСЖ, Бенфика, Порто, Феенорд, Салцбург, Селтик, Црвена ѕвезда и Шахтјор Доњецк.

Заврши групната фаза од шампионатот, познати се осминафиналните двојки на ЕП во фудбал

Бошко Тасиќ — Wed, 23 Jun 2021 21:45:49 +0000

Со денешните натпревари заврши групната фаза на Европското првенство ви фудбал каде се познати се сите осминафинални двојки на Европското првенство. Сабота 26 јуни Велс - Данска 18 часот Италија - Австрија 21 часот Недела 27 јуни Холандија - Чешка 18 часот Белгија - Португалија 21 часот Понеделник 28 јуни Хрватска - Шпанија 18 часот Франција - Швајцарја 21 часот Вторник 29 јуни Англија - Германија Шведска - Украина

Последен ден од групната фаза на ЕУРО 2020

Дарко Андоновски — Wed, 23 Jun 2021 07:57:42 +0000

Осминафиналните двојки на Европското првенство во фудбал ќе бидат комплетирани денеска со одигрување на завршните четири натпревари во групите Е и Ф. Шпанија во рамки на групата Е од 18 часот во Севиља е домаќин на Словачка, додека во истиот термин Шведска и Полска ќе играат во Санкт Петербург. Шведска е првопласирана во групата со четири бодови и обезбеди пласман во нокаут фазата. Словачка е втора со три бодови, Шпанија со бод помалку е третопласирана, додека Полска влегува во завршниот дуел со еден освоен бод. Во „реприза“ од последното европско финале, вечерва од 21 часот во Будимпешта играат Португалија и Франција, додека во Минхен, германската репрезентација ја пречекува Унгарија. Франција е првопласирана во групата Ф со четири бодови и веќе обезбеди пласман во осминафиналето на ЕУРО2020. Германија со три бодови е второпласирана, пред актуелниот европски првак Португалија, која има ист број бодови, но послаба гол-разлика, додека Унгарија е четвртопласирана во групата со еден бод. Распоред на натпревари во осминафиналето на ЕУРО2020: Сабота – 26 јуни 18:00, Амстердам: Велс – Данска 21:00, Лондон: Италија – Австрија Недела, 27 јуни 18:00, Будимпешта: Холандија – 3Д/Ф 21:00 Севиља: Белгија – 3 А/Е/Ф Понеделник, 28 јуни 18:00, Копенхаген: Хрватска – 2Е 21:00, Букурешт: 1Ф – 3 А/Ц Вторник, 29 јуни 18:00, Лондон: Англија – 2Ф 21:00, Глазгов: 1E – 3 Б/Ц/Д.

Рекордни 308 погодоци во групната фаза од Лигата на шампионите

Ивона Петрова — Thu, 12 Dec 2019 07:35:55 +0000

Во годинашното издание од групната фаза на фудбалската Лига на шампиони беа постигнати 308 гола што е нов рекорд во ефикасност. Погодоците се постигнати на 96 натпревари во осумте групи. Просекот по натпревар е 3,2 гола. Најефикасен тим беше Баерн Минхен кој оствари шест победи на шест натпревари и постигна 24 гола. Најмал придонес даде Галатасарај, кој на шест натпревари успеа да постигне само еден гол.