групна тепачка – Kurir.mk

Се слушаат полициски коли низ Карпош: Масовна тепачка меѓу две групи, неофицијално има потешко повредени

Дарко Андоновски — Wed, 28 Jun 2023 20:05:24 +0000

Групна тепачка се случила вечерва во општината Карпош во близина на трговскиот центар Антико, објави „Инфомакс“. Во тепачката учествувале две групи, а на местото на настанот има засилено полициско присуство, а повикани се две екипи на брзата помош. Според првичните информации има потешко повредени лица, а засега нема информации дали се користело огнено или ладно оружје.

Карамбол во Градски парк: Групна тепачка пред угостителски објект

Катерина Бојаџиева — Sun, 04 Jun 2023 19:20:16 +0000

На 04.06.2023 во 01.30 часот било пријавено дека пред угостителски објект во Градскиот парк во Скопје бил нарушен јавниот ред и мир со меѓусебна пресметка помеѓу Р.Ц.(19), Е.Ц.(20), Ј.М.(21) и Ј.М.(21), од една страна, и Е.К.(19), М.М.(23), П.Ј.(20) и Т.Ш.(20), од друга страна, сите од Скопје. По целосно документирање на случајот ќе следи соодветен поднесок, велат од МВР.

СЕ СТЕПАЛЕ ТРОЈЦА НАСПРОТИ ЕДЕН – драма во скопска кафеана, откако го избоделе завршил во болница

Дарко Андоновски — Tue, 29 Nov 2022 15:15:05 +0000

Во соопштението стои дека на 28.11.2022 околу 11.45 часот во СВР Скопје било пријавено дека во угостителски објект на ул.„Лондонска“ во Скопје настанала физичка пресметка помеѓу три лица, од една страна, и Д.Ј.(30) од Скопје и уште едно лице, од друга страна. При пресметката бил употребен и остар предмет, од кој со повреди се здобил Д.Ј. и бил пренесен во Комплексот клиники „Мајка Тереза“ за укажување лекарска помош. Се преземаат мерки за расчистување на случајот.

ГРУПНА ТЕПАЧКА: Пет лица претепале шест лица на Градски базен во Виница

Катерина Бојаџиева — Fri, 07 Oct 2022 14:53:27 +0000

Надворешната канцеларија за криминалистички работи Виница поднесе кривична пријава против А.П.(33), С.Ѓ.(33), М.Т.(25), Т.С.(20) и 17-годишен малолетник, сите од Виница, поради постоење основи на сомнение за сторено кривично дело „насилство“. На 04.07.2022 на Градски базен во Виница, по претходна расправија, пријавените физички го нападнале Л.Ц.(18) и уште пет лица.

МАКЕДОНСКИОТ КОШАРКАР ПОВРЕДЕН ВО ДРАМАТА ВО МАВРОВО –му ја скршиле раката откако се степале за ред на ски лифтот, итно опериран!

Дарко Андоновски — Tue, 04 Jan 2022 14:42:53 +0000

Македонскиот кошаркарски репрезентативец Стојан Ѓуроски, е еден од повредените на скијачките терени во Маврово, во тепачка во која учествувале две групи, една од Косово, а другата од Гостивар, објави Слободен печат. Тепачката се случи на 2-ри јануари поради редот за ски лифтот. Имаше двајца повредени, а 18-годишно момче од Косово има повреди на главата. На двете страни имало по 4-ца учесници во инцидентот. Кошаркарот Ѓуроски кој настапува за Пелистер потврдил дека е повреден без да даде многу детали за инцидентот по кој постапува гостиварското обвнителство. – Добар сум, имам скршеница на десната рака, подлактицата ми е скршена. Успешно бев опериран вчера. Следува пауза од месец ипол или два, за закрепнување. Тоа секако негативно ќе се одрази на мојата сезона. Но, ќе се трудам да се вратам што побрзо и да бидам уште поподготвен кога ќе се вратам. Не би сакал да коментирам поопширно, меѓутоа бевме нападнати, така да кажам, од заседа. Се качувавме по ски-лифтот и тие горе не чекаа со извадени скии, подготвени – изјавил Ѓуроски за Слободен печат. Инаку инцидентот почнал кога 4-ца скијачи од Косово преку ред тргнале на жичарницата.

Кр*аво им започнала Новата година – млади скопјани се степале помеѓу себе додека прославувале во Аеродром

Дарко Андоновски — Sat, 01 Jan 2022 15:45:56 +0000

Денеска во 01:30 часот било пријавено дека во угостителски објект на подрачјето на Аеродром, по претходна расправија, бил нарушен јавниот ред и мир со меѓусебна пресметка помеѓу А.Т.(22), од една страна и А.П.(18) и Ѓ.П.(22), од друга страна, сите од Скопје. Сочинети биле записници за константиран прекршок по чл.11 од ЗППЈРМ.

Летаа боксови и клоци: Група девојки се тепаат кај железничката станица во Скопје, набљудувачите ги снимале со телефон (ВИДЕО)

Дарко Андоновски — Mon, 11 Oct 2021 19:32:42 +0000

Девојки кои по возраста наликуваат на средношколки и се на граница со полнолетство по една мала расправија и разменети неколку погрдни зборови веднаш започнуваат тепачка со боксови и клоци. Вакво видео од вчера се врти по социјалните мрежи и има огромна гледаност со бројни коментари. Според снимката која не е познато кога е направена се гледа дека тепачката помеѓу групата девојки се случува на локација позади железничката станица и додека една група разменува тупаници дел од другите девојки само набљудуваат без никаква потреба да се вмешаат и да помогнат во спречување па дури и снимаат со мобилните и тоа име забавно. За психолозите и двата проблеми се специфични и тоа што едни гледаат сеир а и тоа што многу лесно ваквите снимки на тепачки се споделуваат по социјалните мрежи иако со тоа само им се прави штета на учесниците. Според нив тепачки имало и порано не е дека е тоа нешто ново но новите времиња и тоа што секој има камера во џеб на својот мобилен ги менува работите за агресија кај младите да биде јавно достапна за која пак агресија нема релевантни анализи од каде потекнува и на што се должи. За случајот во МВР велат дека пријавено е дека во неделата во 4 часот наутро во СВР скопје е пријавено нарушување на јавниот ред и мир со физичка пресметка меѓу неколку лица кај транспортен центар во близина на угостителски објект и дека се работи на расчистување на случајот.

Се удирало со се што ќе им дојде при рака: Групна тепачка во кафеана во Дебар Мало, меѓу повредените и директорот на ПОЦ Васко Кичевски

Тале Кристо — Wed, 11 Aug 2021 12:00:10 +0000

Ноќеска, нешто пред полноќ во една кафеана во Дебар Мало се случила тепачка каде што нападнат бил и директорот на Паркинзи Општина Центар (ПОЦ) Васко Кичевски. Имено, според присутните две лица го нападнале Кичевски кој на маса седел во кафеаната седел со уште четири други лица. Нападнатите се бранеле но и возвратиле на ударите, и настанала групна тепача при што на напаѓачите им се приклучиле уште две лица, пишува СДК.мк. Тепачката не била со голи раце, туку со тврди предмети и стаклени шишиња, чаши, што им дојде до рака на учесниците. Според очевидци, најмалку една девојка од гостите е повредена од стакло во главата. Според официјалната информација од полиција, пак, расечени се двајцата напаѓачи и двајца од нападнатите, меѓу кои не е директорот на ПОЦ. -На 10.08.2021 во 23.20 часот во СВР Скопје било пријавено дека бил нарушен јавниот ред и мир во угостителски објект во скопско Дебар Маало, со физичка пресметка помеѓу М.С.(35) од с.Бардовци, скопско, Д.А.(36), Е.Д.(36), Б.Т.(36) и В.К.(36), сите од Скопје, од една страна и С.Б.(31), А.Р.(31), двајцата од Скопје и уште две лица, од друга страна. Според пријавеното, притоа биле користени тврди и стаклени предмети, а со повреди се здобиле С.Б., А.Р., М.С. и Д.А.. Се преземаат мерки за расчистување на случајот, потврдуваат МВР.

Mалолетници се степале пред угостителски локал во Градскиот парк – полицијата ги однела во станица, па биле повикани родителите

Дарко Андоновски — Sat, 17 Jul 2021 14:33:36 +0000

На 16.07.2021 во 22.15 часот било пријавено дека во Градски парк, пред угостителски објект, бил нарушен јавниот ред и мир со меѓусебна пресметка помеѓу седум малолетници на возраст од 16 и 17 години, сите од Скопје. Со нив, во присуство на нивните родители, бил извршен разговор во полициска станица и сочинети се записници за констатиран прекршок по чл. 11 ст.3 од ЗППЈРМ.

Групна тепачка во кумановскиот затвор, има и ранети

Тале Кристо — Mon, 12 Jul 2021 14:52:48 +0000

На 11.07.2021 година во 14.35 часот во СВР Куманово било пријавено дека во затвор во К’шање настанала физичка пресметка помеѓу 8 лица, од кои 4 се повредени со остар предмет, меѓу кои и еден затворски службеник. На повредените им е укажана лекарска помош, а СВР Куманово презема мерки за расчистување на случајот.