грузија-македонија – Kurir.mk

Ангеловски го одреди почетниот состав за „финалето“ против Грузија

Магдалена Андонова — Thu, 12 Nov 2020 15:47:49 +0000

Македонската фудбалска репрезентација наскоро ќе го започне историскиот натпревар против Грузија, чиј победник ќе обезбеди пласман на Европското првенство. Нашиот селектор Игор Ангеловски веќе го објави почетниот состав и одреди очекувана единаесетка за почеток на важната пресметка во Тбилиси. На голот очекувано е Димитриевски, во одбраната ќе играат Велкоски, Муслиу и Бејтулаи, во средниот ред Николов, Адеми, Алиоски и Ристовски, додека Елмас ќе биде зад напаѓачкото дуо Пандев и Несторовски. На клупата се Богатинов, Шишковски, Тотре, Тричковски, Трајковски, Костадинов, Зајков, Стојановски и Спировски. Натпреварот започнува од 18 часот.

Јаховиќ не ги заборава соиграчите: Играјте за нашиот народ! (ФОТО)

Магдалена Андонова — Thu, 12 Nov 2020 13:51:44 +0000

Македонскиот фудбалски интернационалец и поранешен репрезентативец Адис Јаховиќ испрати порака со поддршка за своите некогашни соиграчи од националниот тим. Иако е добро познато дека Јаховиќ има низа несогласувања со луѓето околу репрезентацијата, особено со селекторот Игор Ангеловски, за кого често знае да упати и некоја „специјална“ порака, тој денеска не ги заборави своите соиграчи со кои ја делеше соблекувалната до пред три години. Јаховиќ им порача на Пандев, Џани, Рики, Елиф, Висар, Николов и останатите да одиграат за накедонскиот народ и за Македонија и да го направат народот горд со најголемиот успех во историјата и пласман на Европско првенство.