Гугл хром – Kurir.mk

По 8 години: Гугл Хром добива нов изглед на иконата

Ивона Петрова — Mon, 07 Feb 2022 11:03:47 +0000

Гугл одлуки 2022 година да биде годината кога се ќе модернизира, а прво што ќе направи ќе биде промена на иконата за Гугл Хром. Оригиналното Хром лого од 2008 година беше 2Д, а во 3Д е сменето во 2011 година. Во 2014-тата иконата беше модернизирана последен пат и осум години не е сменета. Гугл исто така сака на секој оперативен систем иконата да изгледа исто. Веќе е почнато ажурирањето и луѓето полека ќе ја добиваат новата икона, додека во следните два месеци сите корисници на своите платформи ќе го имаат новиот изглед.

Гугл Хром воведе нова корисна опција

Ивона Петрова — Mon, 15 Mar 2021 07:16:56 +0000

Гугл Хром апликацијата за Андроид сега на корисниците им овозможува да погледат некоја интернет страна пред да ја отворат. Доколку сте ја ажурирале апликацијата на верзијата 89, доволно е да задржите со прстот на линкот малку подолго и ќе ви се појави опцијата „Preview Page“, која во моментов е достапна само за мобилните телефони кои работат на Андроид оперативен систем. Ова не е голема иновација, но е корисна доколку сакате да отворите интернет-страна, а не сте сигурни што има на неа или пак не сакате да ја напуштите таа на која сте моментално.

Ако користите Гугл Хром ова треба да го прочитате, се воведуваат новости за лозинките

Ивона Петрова — Thu, 21 Jan 2021 10:58:44 +0000

Новата верзија на популарниот Интернет пребарувач - Хром 88, е објавена на почетокот од неделата, а на корисниците им носи нови функции наменети за заштита на нивните лозинки и податоци. Покрај проверката на сочувани лозинки, да се да утврди дали некоја од нив е компромитирана, Хром ќе ги предупреди корисниците ако нивната лозинка е премногу „слаба“ односно лесна за да биде безбедна. Доколку е потребно да смените било која од лозинките претходно сочувани, постои ново подесување кое е поедноставно. Хром ќе ве извести и кога лозинката се смета за „слаба“, ако лесно може да се погоди бидејќи е прекратка или затоа што како лозинка користите познат збор како на пример вашето име или некое место. Во секој случај „слабите“ лозинки добиваат посебен дел во одделот за лозинки, а Хром ќе ве праша дали сакате да ги смените. Гугл за оваа намена додал и нова функција која ја олеснува промената на сочувани лозинки. Оваа функција на Хрон-88 ќе се појави во текот на наредните недели.

Гугл Хром го добива најважното ажурирање во последните неколку години

Ивана Ефремовски — Thu, 19 Nov 2020 10:19:54 +0000

Гугл Хром, барем според матичната компанија, добива големо ажурирање на самиот крај на 2020 година. Поточно, зборовите користени за да се опише ова беа „најважното ажурирање во последните неколку години“. Првата промена се однесува на табовите – активните секогаш ќе одат први, а другите ќе бидат „споредни“. Според Гугл, на овој начин уредот ќе се вчита пет пати побрзо. Понатаму, интернет пребарувачот ќе работи 25% побрзо отколку порано и ќе користи помалку RAM меморија. Потоа, „Tab search“ конечно ќе биде имплементиран. Ќе можете да ги видите сите моментално отворени јазичиња, без оглед во кој прозорец се наоѓаат. Chrome Actions ќе помогнат просторот за внесување на адресата на саканата веб-страница – т.н. „address bar“, да работи побрзо и поефикасно.

Нови функции на „Гугл хром“ за поголема интернет безбедност

Катерина Бојаџиева — Thu, 12 Dec 2019 14:06:35 +0000

Пребарувачот „Гугл хром“ воведува неколку нови функции, кои сурфањето на интернет ќе го направат побезбедно. За почеток, на пример, кога ќе се обидете да се пријавите на некоја локација, Хром ќе предупреди ако вашето корисничко име или лозинката се загрозени. Исто така, како што пренесува „Ендгаџет“, ќе може да ја смените секоја лозинка што сте ја користеле претходно. Според компанијата, оваа новина е нешто што тие го работат подолго време годинава. Пребарувачот веќе ја има опцијата за предупредување кога корисникот се префрла на интернет страница, наведувајќи што всушност може да ги украде информациите. Гугл соопштува дека оваа функција ќе предупредува за потенцијална закана и отсега ќе биде со 30 отсто поголема точност. Натаму, „Гугл хром“ ќе потсетува ако е зачувана лозинката на споделен компјутер или на друг профил.