гулаб – Kurir.mk

Пронајдена порака од Првата светска војна испратена по гулаб

Магдалена Андонова — Sun, 15 Nov 2020 10:07:58 +0000

Минијатурна капсула со порака од пруски војник, кој ја испратил пред повеќе од еден век преку гулаб писмоносец, била пронајдена во текот на прошетка од една француска двојка. Пораката од пешадиецот стациониран во Ингерсхајм детално ги опишала воените маневри и била пратена до надреден офицер, вели Доминик Жарди, кустос на музејот Линж во Орбеј на истокот на Франција, пренесува „Скај њуз“. Пораката е на германски јазик, а датумот на белешката не е јасен, но се чини дека е напишана или во 1910 година или во 1916 година. Во тоа време Ингерсхајм – сега во францускиот регион Гранд Ест – бил дел од Германија. Двојката шетала по полето во септември кога ја забележале капсулата. Тие ја однеле во музејот во Орбеј, кој е посветен на една од најкрвавите битки во Првата светска војна. Жарди, кој рекол дека ова е „исклучително ретко“ откритие, замолил пријател од Германија да му помогне да ја дешифрира пораката.

ХИТ ВИДЕО: Аргентинец бараше прекршок од судијата, а не сфати дека беше „фаулиран“ од гулаб

Дарко Андоновски — Sat, 29 Jun 2019 11:05:16 +0000

Аргентина синоќа изборија пласман во полуфиналето во Копа Америка со победа против Венецуела со 2-0. Гаучосите одлучно го отворија мечот и поведоа веќе во 10. минута, кога мрежата на Венецуела ја затресе Лаутаро Мартинез кој ефектно со пета постигна гол. Аргентинците го решија мечот со вториот гол во 74. минута, а конечните 2-0 ги постиави Ло Целсо. Но, на самиот почеток на мечот се случи урнебесен детал. Топката ја имаше аргентинскиот играч Родриго Де Пол кој заврши на тревата и бараше прекршок, а потоа во успорената снимка се виде дека тој беше „фаулиран“ од гулаб кој беше на теренот.

Argentina have shown encouraging improvement since Rodrigo De Paul was tackled by a pigeon in the first minute. pic.twitter.com/z5XEIhQkGg
— Daniel Edwards ? (@DanEdwardsGoal) June 28, 2019

Во Кавадарци пожарникари спасувале гулаб заглавен во најлонска ќеса на дрво

Предраг Кукиќ — Fri, 22 Mar 2019 19:15:51 +0000

Пожарникари спасија гулаб замотан со ногата во најлонска ќеса, заглавен на високо дрво пред зграда во Кавадарци. За проблемот со птицата алармирало семејството Дишлиевски. -Мојата ќерка Галина која има пет години, прва примети од терасата дека има заглавен гулаб на дрво пред зграда и посака да го спасиме, но не можевме ништо да направиме, поради тоа што беше многу високо. Се јавив во Противпожарната во Кавадарци. Оттаму дојдоа и го спасија гулабот, кој беше замотан со најлонско ќесе на ногата, за МИА појасни таткото Давор. Гулабот бил заглавен кај Силекс зградите, Ваташа.