гуми – Kurir.mk

Дали знаете зошто гумите за возила се црни?

Ивона Петрова — Fri, 17 Jun 2022 08:57:46 +0000

Гумите на возилата би требало да бидат бели бидејќи најчесто се направени од бела гума. Сепак, гумите поцрнуваат поради саѓите што се додаваат бидејќи овој материјал ја стабилизира гумата и таа станува поотпорна на сите влијанија и поиздржлива. Патем, гумата е леплива како материјал, па мора да додаваат разни компоненти за да ги неутрализираат нејзините својства. Саѓите не се само таму за да ја ублажат штетата, туку го спречуваат влијанието на УВ зраците и озонот врз гумите и генерално ги прави побезбедни. На крајот и една естетска причина. Белите гуми на автомобилот би изгледале убаво само кога се монтирани во вашата продавница за поправка на гуми. По првите неколку метри собираат нечистотија и прашина која тешко се чисти.

Девет кумановци имаат заедничка мака, некој им ги оштетил гумите на автомобилите

Ивана Ефремовски — Wed, 08 Dec 2021 16:12:36 +0000

Девет кумановци, вчера пријавиле во полицијата дека им биле оштетени гумите на автомобилите, соопшти денеска МВР. Автомобилите на кумановците биле паркирани на три улици во центарот и поширокото централно градско подрачје. -Вчера, во 20:30 и 20:40 часот во СВР Куманово двајца граѓани пријавиле дека на улица „Иго Тричковиќ“ во Куманово биле оштетени гумите од нивните возила кои биле паркирани на улицата. Исто така, во периодот од 20:05 до 20:35 часот во СВР Куманово, седум граѓани пријавиле дека биле оштетени гумите од нивните возила паркирани на улица „Народна Револуција“ и на улица „Перо Шварц“-соопшти МВР. Полицијата презема мерки за расчистување на случајот. (МИА)

Еве како правилно да ги чувате летните гуми за подолго да траат

Ивона Петрова — Mon, 06 Dec 2021 08:42:23 +0000

Речиси еден месец е на сила задолжителната обврска за зимска опрема за возилата, а доколку се уште соодветно не сте ги складирале летните пневматици би требало да знаете неколку важни информации Со правилно чување гумите не ги губат своите карактеристики и нивниот век на траење ќе биде подолг. Експертите од Goodyear подготвија неколку корисни совети. Пред складирање, гумата исчистете ја од прашина, отстранете ги каменчињата и останатите ситни предмети кои би можеле да ја оштетат гумата или да влијаат на површината. Чувајте ги гумите во темно, суво и студено место бидејќи изложувањето на дневна светлина, особено УВ зраците им штетат. На пневматиците исто така им штети контакт со масла, лакови и горива. Гуми со бандаж Ако гумите ги складирате со бандажи, тогаш најпрво треба да го намалите притисокот на воздухот, но не целосно да ги испразните. Гумите со бандаж не ги складирајте во исправена положба, туку закачете ги на носачи. Доколку не можете ова да го направите, тогаш поставете ги гумите една над друга, но да не биде повисоко од 1,5 метри. Гуми без бандаж Гумите наместете ги исправено, а меѓу нив оставете малку простор. Се препорачува на секои четири недели да ги превртите за пневматикот да не се деформира.

Аферата која ја објави ВМРО-ДПМНЕ потврдена: МВР за гуми плаќа неверојатни 1.3 милиони евра

Ивана Ефремовски — Mon, 24 May 2021 20:56:59 +0000

Функционери од власта се обидуваат да местат тендери со изготвување на спецификации за набавки со што се фаворизира еден понудувач и однапред се исклучува можно пријавување на повеќе понудувачи, рече пред 5 дена на прес-конференција пратеникот на ВМРО-ДПМНЕ, Игор Јанушев. -До нас пристигнаа информации кои фрлаат сомнеж дека така „скроена“ спецификација е направена при распишување на оглас за набавка на пневматици од страна на МВР, кој бил распишан на 09.10.2019 година, а за кој имаме сомнежи и информации доставени од свиркач дека помошник министерот во МВР задолжен за јавни набавки – Андријана Савеска Павловска, вршела притисок врз лицата кои го изготвуваат огласот да ја променат спецификацијата, со што таа би можела да фаворизира еден понудувач. Иначе, Савеска Павловска е поставена на функцијата пред нецела година и според нашите информации вршениот притисок е регистриран и пријавен и за него постои службена белешка во МВР. Посочената Савевска Павловска во тој момент не била надредена на лицето кое ја подготвувало тендерската документација и огласот, а за ваквиот притисок е известен и тогашниот помошник министер кој е сега во пензија, но реакција од МВР нема. Што се случува со овој случај? Имено, со одлука на МВР тендерот е добиен од страна на „Пнеуматик Груп“ ДОО Скопје, врз основа на најниска понуда, но по жалба од „Мотоцентар“ жалбата се усвојува и се враќа на повторно одлучување, по што МВР повторно одлучува исто и повторно го избира „Пнеуматик Груп“ ДОО Скопје. „Мотоцентар“ уште еднаш се жали, но повторно неуспешно, за на крај МВР да ја поништи постапката и повторно да распише нов оглас, истакна Јанушев на 19-ти мај годинава. Како што може да се види во официјална објава од Бирото за јавни набавки, сомнежите објавени од ВМРО-ДПМНЕ се вистинити. Се потврдува големиот скандал со дрско трошење на народни пари. Имено, МВР на тендер за гуми избира фирма која никогаш не добила државен тендер. Оваа “зделка“ е со досега невидена сума за оваа намена и тежи неверојатни 1.3 милиони евра. Како што е наведено на Јавни набавки, Пнеуматик Груп ДОО досега добиле два тендера за 4 гуми во средно училиште во Тетово. Набавката на гуми тогаш чинела вкупно 300 евра, а сега 82.600.000 денари или 1.343.089 евра.

Утрото видела дека некој и ги исекол гумите – кога видела што има на земјата, занемила од УЖАС! (ВИДЕО)

Магдалена Андонова — Wed, 21 Apr 2021 20:45:45 +0000

Франческа Викоф, жена од американската држава Аризона, неодамна на својот паркинг најде сцена која навистина ретко се гледа, за среќа. Во текот на ноќта, некој и ги пресекол гумите на автомобилот. И како да не и бил доволен стрес, кога погледнала во тротоарот, видела дека исечен прст дека стои покрај гумите! Според нејзината проценка, човекот кој и ги исекол гумите, веројатно, поради невнимание и нервоза, по патот го отсекол прстот. Според неа, тоа се докажува со трагата на крвта што доаѓа од автомобилот. Франческа се сомнева дека сторителот е нејзин сосед, со кого се расправала ден пред овој инцидент, а трагата од крв оди во правец кон неговата куќа.

Формула 1 тимовите ги отфрлија гумите на Пирели за 2020 година

Тале Кристо — Tue, 10 Dec 2019 19:14:17 +0000

Тимовите од Формула 1 не се задоволни од понудата на пневматици за 2020 година што им ја испрати италијанскиот производител на гуми, Пирели. Од Пирели се надеваа дека новиот дизајн ќе биде чекор напред во плановите за воведување на помалку чувствителни гуми за Ф1 болидите. Но, на тестирањата во Абу Даби, тимовите не ги користеа новите гуми, туку старите од штотуку завршената сезона 2019. Договорот на Пирели со Светската автомобилска федерација ФИА, е до 2023 година, па ова е голем удар за производителот кој ги снабдува тимовите од 2011 наваму. Возачите сакаат поиздржливи гуми, со кои ќе може и подобро ќе се тркаат. Гумите на Пирели се користат во Формула 1 од 2011 година и имаат тенденција на прегревање кога силно се користат што значи дека возачите не може долго време да возат до противникот.

Расчистена депонијата во Карпош од гуми за греење

Ивана Ефремовски — Tue, 12 Feb 2019 11:53:22 +0000

Комуналните служби на општина Карпош денеска исчистија нова дива депонија на територија на Карпош, во областа Горно Нерези. Запленето е поголемо количество на гуми и е спречено истите да завршат во некое од домаќинствата како огревен материјал. -Една од главните причини за аерозагадувањето е начинот на греење на домаќинствата, а анализите покажуваат дека голем број на домови се греат токму на отпадни гуми. Ваквиот начин на загревање е еден од главните загадувачи на воздухот, иако се идентификувани и други несоодветни отпадни суровини кои алтернативно се користат за затоплување во индивидуалното домување. Нашите инспектори се постојано на терен во контрола и обид за спречување на употребата на ваквите штетни емитери на опасни честички во воздухот, се наведува во соопштението на општина Карпош.

О2 Иницијатива: Ложење гуми во печки за вар кај Костурино, струмичко – За ова се лежи во затвор (ФОТО)

Ивона Петрова — Thu, 20 Dec 2018 17:17:05 +0000

Ложење гуми во печки за вар кај Костурино, Општина Струмица Апокалипса на нашата реалност, дистопичниот свет на нашата земја како исечок од Mad Max. Секој кој знае/л и бил/е одговорен и надлежен во било каков контекст ќе одговара за ова. За ова се лежи во затвор, објави на Фејсбук иницијативата О2 споделувајќи ЛИНК од текст.