Штип по 25 години има нов Генерален урбанистички план

Тале Кристо — Sat, 31 Dec 2022 11:47:11 +0000

Дваесет и тројцата советници на денешната вонредна седница на Советот на Општина Штип ја донесоа одлуката за донесување на Генерален урбанистички план (ГУП) за град Штип, Општина Штип за плански период 2014-2029 година. Лазар Хаџи Николов од Секторот за урбанизам на Општина Штип истакна дека Штип досега имаше Генерален урбанистички план (ГУП) донесен уште во 1999 година. Новиот ГУП за Општина Штип овозможува современ развој на градот, како и современи услови за планирање, како и донесување на нови Детални урбанистички планови. Тој посочи дека постапката за новиот ГУП траеше долги години. -Индустријата се задржува кон периферниот дел на градот и се овозможува освен нејзината постоечката состојба и иден развој на индустријата. Планот е со опфат од 2.292 хектари и истиот по донесувањето ќе биде ставен во седум примероци и ќе биде доставен до сите релевантни институции, вели Хаџи Николов. Посочи дека сообраќајните решенија се нови, поедноставни и се шират кон периферниот дел на градот, додека за зелените површини во Генералниот урбанистички план предвидени се со опфат од 20 проценти. Градоначалникот на Општина Штип, Иван Јорданов истакна дека по 25 години е изгласан новиот ГУП му носи вистински развој на градот, се заблагодари на советниците од сите политички партии, кои едногласно ја донесоа одлуката на денешната вонредна седница. Трајче Стојчевски координатор на советничката група на СДСМ посочи дека новиот ГУП претставува најважен документ за развојот на градот, а со него се очекуваат нови индустриски зони, станбен и деловен простор, како и нови сообраќајни решенија.

Усвоен новиот ГУП на Кавадарци (Видео)

Катерина Бојаџиева — Thu, 30 May 2019 16:49:00 +0000

На денешниот Совет на Општина Кавадарци усвоен е новиот ГУП. Едногласно е изгласан, по долго време Генералниот урбанистички план на Кавадарци, Ваташа и Глишиќ. Конечно, по новиот Генерален урбанистички план, што претставува основен документ да се гради, ќе се развива градот и Ваташа и Глишиќ според потребите на новото време, а по барање на граѓаните и правните субјекти. ГУП не се носи секој ден, туку на една, две, а за Кавадарци и по повеќе децении. Затоа и градоначалникот Митко Јанчев и неговиот административен тим беа упорни кај Министерствата и други субјекти да побараат нивно што побрзо донесување, а сега и изгласување на овој документ. Во иднина до 2026, кога се планира носење на нов ГУП, целата урбанистичка изградба во Кавадарци ќе се темели на сите измени кои сега се вградени во ГУП-от кој беше подолго време даден на јавна расправа кај грѓаните. Оттаму заложбата и дикусијата на градоначалникот Јанчев да се донесе овој документ и по него да се одвива развојот на градот. Инаку по иницијатива на Советничката група на СДСМ, ова точка беше прекината привремено, за потоа координаторот Лазар Турнуманџов се произнесе дека СДСМ ќе го подржи новиот ГУП, со потсетување дека во иднина при носењето на ДУП (Деталниот урбанистички план) ќе бараат детални податоци и разработка на секој случај со цел да се спречат евентуалните коруптивни намери или сознанија кои можат да произлезат од одредени решенија. Инаку пред тоа, Зоран Јованчев од името на советничката група на ВМРО-ДПМНЕ рече дека тие како партија ќе го подржат донесувањето на Генералниот урбанистички план со цел да не се кочи, туку напротив, развива Кавадарци. Потоа новиот ГУП беше едногласно донесен од сите советници.

гуп – Kurir.mk

Штип по 25 години има нов Генерален урбанистички план

Усвоен новиот ГУП на Кавадарци (Видео)