Густа магла – Kurir.mk

ВНИМАВАЈТЕ: На овој патен правец вечерва намалена видливост поради густата магла

Дарко Андоновски — Fri, 02 Dec 2022 17:34:11 +0000

Сообраќајот на државните патишта се одвива непречено, по претежно влажни коловози. Намалена видливост поради појава на магла од 30 до 40 метри има на патниот правец од Тетово кон село Лисец, информира АМСМ во вечерниот извештај за состојбата на патиштата. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

Сиднеј одново под густа магла поради шумски пожари

Дарко Андоновски — Tue, 03 Dec 2019 10:39:49 +0000

Сиднеј одново е под густа магла заради чадот од реонот на шумските пожари. Според оделот за заштита на животната средина во државата Нов Јужен Велс воздухот во градот е трипати позагаден отколку во изминатите пет години. Според податоци на властите, над 100 пожари се уште се активни во таа држава. Пожарите уништија над еден милион хектари земја по истоичното крајбрежје на Австралија во изминатите три недели. Уништени се и над 500 куќи, јавија локални медиуми.

Густа магла на Пресека

Ивана Ефремовски — Sun, 09 Dec 2018 08:20:36 +0000

Сообраќајот на државните патишта се одвива по влажни коловози, а на планинскиот премин Пресека има густа магла со видливост до 50 метри, информира Автомото сојузот на Македонија (АМСМ). Интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се наместа влажни, па поради ниските температури карактеристични за вечерните и утринските часови постои можност и од појава на голомразица. Управата за хидрометеоролошки работи (УХМР), пак,информира дека нова снежнапокривка од по два сантиемтри има во Маврово и во Крива Паланка, а најмногу дожд во изминатото деноноќие пет литри на квадратен метар наврна во Маврово, по три во Струмица, Крива Паланка и Лазарополе, два во Скопје кај Зајчев Рид, во Тетово, Прилеп, Гевгелија, Крушево, Пожаране, иЃуриште, а по еден во Скопје на мерното место кај Петровец, како и во Охрид, Штип, Демир Капија, Дојран, Виница и Тополчани.