гвардиола – Kurir.mk

Гвардиола: Манчестер сити се обидува да победи на секој натпревар, затоа, ние сме четири години по ред во финалето на ЕФЛ

Тале Кристо — Mon, 11 Jan 2021 10:20:50 +0000

Тренерот Манчестер сити, Пеп Гвардиола по триумфот над Бирмингем (3:0) во ФА Купот, рече дека неговите избраници на секој дуел одат не победа. – Првата задача е решена. Вклучивме голем број млади играчи и се пласиравме во следната рунда. Ако ја следите траекторијата на тимот по моето пристигнување, можете да видите дека на секој натпревар одиме на победа и не калкулираме. Ова е причината зошто сме во четврто финале во Лига Купот по ред, зошто го освоивме ФА Купот пред две сезони и бевме во полуфиналето минатата сезона, рече Гвардиола. Во ФА купот Сити се пласира во 1/16 финалето, додека во Лига купот ќе игра во финалето против Тотенхем.

Гвардиола: На „Олд Трафорд“ одиме на победа

Тале Кристо — Sat, 12 Dec 2020 08:18:42 +0000

Во пресрет на градското дерби со Манчестер јунајтед, тренерот на Манчестер сити, Хосеп Гвардиола рече дека неговиот тим е поквалитетен и ќе игра на победа. – Секако дека ќе биде тешко, како и против кој било голем клуб. Ќе се обидеме да го контролираме текот на играта колку што можеме. Сметам дека во моментов имаме поквалитетен состав од противникот и очекувам да го искористиме тоа. Јасно е дека ќе дојдеме на „Олд Трафорд“ да победиме, како и секогаш, изјави Гвардиола. Градското дерби на Манчестер од 12. коло во Премиер лигата е закажано за вечер во 18:30 часот. По десет одиграни натпревари Јунајтед е на 7. место со 19 бода, Сити е на 8. позиција со бод помалку.

Нагелсман може да го замени Гвардиола во Манчестер сити

Тале Кристо — Mon, 26 Oct 2020 08:22:26 +0000

Тренерот на Лајпциг, Јулијан Нагелсман може да го предводи Манчестер сити, пренесува „Daily Mail“. Според изворот, 33-годишниот Германец може да го замени Пеп Гвардиола ако Шпанецот одбие да го продолжи договорот со „граѓаните“. Друг кандидат за тренерската позиција во Сити е поранешниот предводник на Тотенхем, Маурисио Покетино. Нагелсман го предводи Лајпциг од летото 2019 година. По пет кола, тимот води во Бундеслигата со 13 бода.

Гвардиола верува дека Манчестер сити би можел да освои трофеј ова сезона

Тале Кристо — Mon, 20 Jul 2020 09:15:05 +0000

И покрај тоа што ги загуби Премиер лигата и ФА Купот, тренерот на Манчестер сити, Јосеп Гвардиола верува дека може да стигне до трофеј во тековната сезона. На „граѓаните“ шансата за трофеј им останува само во Лигата на шампионите. – Не размислувам за следната сезона. Имавме можност да освоиме две титули оваа сезона, едната ни отиде. Но, Манчестер сити сепак е во борба за еден трофеј. Кога ќе ја завршиме сезоната, тогаш ќе ги сумираме впечатоците, изјави Гвардиола. Сити го очекува реванш со Реал во осминафиналето од ЛШ. На првиот дуел англискиот тим победи со 2:1. Реванш е закажан за 7 август.

Гвардиола: Треба да добиеме извинување од 8-9 клуба

Тале Кристо — Tue, 14 Jul 2020 18:36:34 +0000

Менаџерот на Манчестер Сити, Пеп Гвардиола верува дека клубот заслужува извинување откако Спортскиот арбитражен суд ја укина санкцијата што УЕФА им ја изрече на „граѓаните“ пред неколку месеци. Забраната за учество во Лигата на шампиони е укината и казната е намалена од 30 на 10 милиони евра. Аргументот на КАС беше дека „повеќето од пријавените прекршувања или не се докажани или се застарени“. – Тие треба да ни се извинат. Ако сме направиле нешто лошо, ќе ја прифатевме одлуката. Но, ние имаме право да се браниме кога веруваме дека тоа што го правивме е правилно. Тројца независни судии го потврдија ова. Вчера беше добро за фудбалот затоа што ние игравме според истите правила за фер-плеј како и другите клубови во Европа.Некои тврдеа дека правиме измама и лажеме и многу често презумпцијата на невиност беше отсутна, вели Каталонецот. Според него, во текот на својата историја, Сити се обидувал да стори сé што е можно на теренот. – Тоа што е постигнато во последните 10 години е заради она што се случува на теренот. Елитните клубови треба да разберат дека ние заслужуваме да бидеме овде. Дечки, прифатете го. Ако не се согласувате, едноставно тропнете на вратата на нашиот претседател или извршен директор и разговарајте со нив. Не оговарајте позади грб, како што прават шест, седум, осум или девет клубови. Излезете и направете го тоа на терен, рече Гвардиола на денешната прес-конференција.

Гвардиола ќе има 150 милиони фунти за летни трансфери

Тале Кристо — Tue, 14 Jul 2020 15:47:00 +0000

Управата на Манчестер Сити ќе му обезбеди на својот менаџер Пеп Гвардиола 150 милиони фунти за зајакнување на тимот за време на летниот преоден рок, пренесува „Гардијан“. Како што е познато, вчера Спортскиот арбитражен суд ја укина двегодишната казна на „граѓаните“ за не учество во ЛШ. Покрај тоа, судот во Лозана ја намали казната од 30 милиони евра на 10 милиони. Поради овие 2 фактори, англискиот гигант ќе има повеќе можности да привлече играчи од висока класа. Меѓу големите цели на Гвардиола се централен и лев дефанзивец. Шпанскиот менаџер може да ангажира и нов напаѓач, поради можноста Серхио Агуеро да замине следното лето по истекот на неговиот договор. Меѓу играчите на мета на Гвардиола се левиот бек на Баерн Минхен, Давид Алаба и централниот дефанзивец на Наполи, Калиду Кулибали.

Сити му нуди нов договор на Гвардиола

Магдалена Андонова — Mon, 13 Jul 2020 20:09:53 +0000

Прославата во Манчестер Сити не запира откако клубот ја „победи“ УЕФА на теренот во Лозана и ќе продолжи да учествува на европските натпреварувања следната сезона. Новата голема вест за навивачите е дека „граѓаните“ му понудија на менаџерот Пеп Гвардиола нов договор. Деталите за споменатиот договор сè уште не се познати, единствено што се знае е дека Манчестер Сити му нуди на Каталонецот двегодишен договор. Пеп Гвардиола е еден од најплатените тренери на денешницата, а во последната сезона од неговиот тековен договор, ќе земе неверојатни 20 милиони фунти. Очигледно е дека премногу богатите сопственици на второпласираниот тим во Премиер лигата решија да му понудат уште подобри услови само за да остане на „Етихад“. Да потсетиме, главната цел на Манчестер Сити и Пеп Гвардиола е да ја освојат Лигата на шампионите, а тие би можеле да го постигнат тоа веќе оваа сезона. Засега тие стигнаа до осминафиналето, каде во првиот натпревар го совладаа Реал Мадрид (2:1). (МИА)

Гвардиола објасни зошто Сити остана толку далеку зад Ливерпул

Магдалена Андонова — Fri, 26 Jun 2020 10:32:58 +0000

Менаџерот на Манчестер Сити, Пеп Гвардиола смета дека страста со која Ливерпул ги одигра сите свои натпревари оваа сезона, ја одредува големата разлика помеѓу двата тима во пласманот во Премиер лигата. Вчера „граѓаните“ загубија со 1:2 од Челси, што беше осми пораз на тимот од почетокот на првенството и официјално му ја врачи титулата на Ливерпул, кој го чека овој момент веќе 30 години. Тимот од Мерсисајд имаат само еден пораз од почетокот на сезоната и во моментов имаат предност од 23 поени пред Манчестер Сити. Двете екипи се соочуваат едни со други на 1 јули на „Етихад“. – Можеби не ја започнавме сезоната со иста страст. Ливерпул го одигра секој натпревар како да беше последен. Веројатно го промашивме тој момент, особено во првиот дел од сезоната. Тоа е вистинската причина поради која заостануваме толку. Ливерпул беше фантастичен во однос на упорноста во текот на целата сезона. На почетокот на кампањата изгубивме поени, а Ливерпул не. Треба да се опоравиме за следната сезона и да бидеме поконзистентни. Ова е реалност, пред две години бевме 25 бода предност пред Ливерпул и сега тие се на иста далечина пред нас. Не можеме да заборавиме дека освоивме две последователни титули, што е неверојатен успех за клубот“, вели Пеп. Тој посочи дека клубот има освоено осум трофеи од последните 10 натпреварувања во кои учествува. Ова никогаш не се случило досега во Англија. (MИА)

Гвардиола му се закани на Ливерпул: Следната година повторно ќе ја освоиме титулата

Тале Кристо — Mon, 22 Jun 2020 15:28:57 +0000

Менаџерот на актуелниот англиски шампион Манчестер Сити, Пеп Гвардиола изјави дека веќе знае како ќе го зајакне составот на трансфер пазарот и тимот ќе биде подготвен да се соочи со Ливерпул во борбата за титулата следната сезона. На тимот од Мерсисајд им треба уште пет бода на преостанатите осум натпревари во Премиер лигата, за да го обезбедат трофејот за прв пат во три децении, со што ќе ги детронираат шампионите од претходните две сезони, Манчестер Сити. – Ливерпул ќе остане многу силен тим, но одбраната на титулата е нешто многу тешко. Значајно е што ние бевме единствените што успеавме да го сториме тоа за десет години. Од последните девет домашни трофеи, освоивме осум, што не е толку лошо. Мислам дека ќе го сториме тоа следната сезона. Мислам дека не направивме многу во оваа кампања во однос на зосвоените бодови и на теренот. Имаме идеи за трансфер пазарот, следната сезона ќе бидеме подготвени повторно да се бориме за титулата, категоричен е Шпанецот. Манчестер Сити вечер го пречекува Барнли и во случај на пораз, Ливерпул може да стане шампион во среда со успех над Кристал Палас.

Гвардиола: По шесте трофеи со Барселона, секоја следна година ми се чини како неуспешна

Тале Кристо — Sat, 04 Jan 2020 11:28:35 +0000

Јосеп Гвардиола, тренерот на Манчестер сити, изјави дека по 2009 година, кога успеа да освои шест трофеи со Барселона, секоја последователна сезона му се чинеше како неуспех. – Обично секоја година чувствувам дека не успеав, откако првата сезона со Барселона освоивме шест трофеи. После тоа, секоја сезона не успеав да го повторам тоа достигнување, изјави шпанскиот фудбалски стручњак. Под водство на Гвардиола, Барселона освои шест трофеи во 2009 година – Шампионатот, Купот и Суперкупот на Шпанија, Лигата на шампионите, клупското светско првенство и Суперкупот на УЕФА. После 21 коло, англиски клуб со 44 бода го завзема третото место во Премиер лигата. Клубот стигна и до осминафиналето на Лигата на шампионите, каде ќе игра со Реал Мадрид.