Гватемала – Kurir.mk

Силен земјотрес од 6,4 степени ја погоди Гватемала

Ивона Петрова — Thu, 18 May 2023 05:32:53 +0000

Силен земјотрес со интензитет од 6,4 степени според Рихтеровата скала ја погоди Гватемала и делови од јужно Мексико, засега нема извештаи за жртви или материјална штета . Земјотресот со интензитет од 6,4 степени според Рихтер се случил на длабочина од 252 километри, а неговиот епицентар бил на околу 2 километри југоисточно од општината Канила во Гватемала. Властите за цивилна заштита во јужната мексиканска држава Чиапас соопштија дека нема повредени или материјална штета. Властите од соседен Ел Салвадор на Твитер објавија дека нема опасност од цунами поради земјотресот.

Ерупција на вулканот Фуего во Гватемала, затворен главниот аеродром

Ивона Петрова — Mon, 12 Dec 2022 06:04:04 +0000

Eрупција на вулканот Фуего во Гватемала вчера предизвика неколкучасовно затворање на главниот аеродром во земјата, соопштија локалните власти. Фуего (Огнен) е висок 3.763 метри и се наоѓа на 35 километри од главниот град на Гватемала. Ерупцијата почна во саботата навечер. Меѓународниот аеродром во главниот град беше затворен во текот на утрото, соопшти Генералниот директорат за цивилно воздухопловство, додавајќи дека имало пепел во близина на пистата. По тричасовниот прекин, аеродромот продолжи со работа бидејќи ветрот ја однел пепелта. Во ерупцијата на овој вулкан во 2018 годи на загинаа 190 луѓе, а повеќе од 230 исчезнаа.

Десетици мртви желки и делфини пронајдени кај Гватемала

Ивона Петрова — Fri, 24 Jun 2022 08:01:05 +0000

Десетици желки, делфини и други морски видови се пронајдени угинати на брегот на Тихиот Океан кај Гватемала, што поттикна официјална истрага, соопштија властите. Оваа недела биле пронајдени 65 мртви желки, од кои повеќето му припаѓаат на видот „маслиново Ридли“, и 14 делфини. Официјалните лица веруваат дека случајот веројатно бил предизвикан од поројните дождови последните денови, што можеби однеле некои токсични материјали од континентот во морето, соопшти Националниот совет за заштитени подрачја на Гватемала. Стручњаците од оваа средноамериканска земја ќе ги испитуваат остатоците од животните за да ја утврдат причината за смртта. Властите продолжуваат да бараат уште угинати животни близу брегот.

Демонстрантите во Гватемала упаднаа во Конгресот и запалија дел од зградата

Дарко Андоновски — Sun, 22 Nov 2020 10:27:40 +0000

Стотици демонстранти упаднаа во гватемаласкиот Конгрес и запалија дел од зградата, во време на растечки демонстрации против претседателот Алехандро Гаматеи и законодавниот дом заради усвојување на контроверзниот буџет со кој се намалија трошоците за образование и здравство. Инцидентот се случи вчера, кога околу 10.000 луѓе протестираа пред Националната палата во Гватемала против корупцијата и буџетот, за кој демонстрантите тврдат дека е усвоен во тајност, додека земјата е окупирана од последиците предизвикани од две силни бури и пандемијата на Ковид-19. Видеото објавено на социјалните мрежи покажува како пламен избувнува низ прозорецот на Конгресот. Полицијата истрела солзавец кон демонстрантите и уапси десетици луѓе. Претседателот Гаматеи го осуди палењето на Конгресот на својот профил на Твитер. Тој рече дека секој за кој ќе се докаже дека учествувал во кривични дела ќе биде строго казнет. Демонстрантите бараат претседателот да поднесе оставка. Потпретседателот Гиљермо Кастиљо понуди оставка и му рече на претседателот дека обајцата треба да дадат оставка „за доброто на земјата“. Тој предложи вето на одобрениот буџет и разрешување на владини претставници. Гаматеи не реагираше јавно на тој предлог, а Кастиљо рече дека сам нема да поднесе оставка.

Најмалку 50 жртви во бурата Ета во Гватемала

Ивона Петрова — Fri, 06 Nov 2020 06:54:09 +0000

Најмалку 50 лица загинаа во Гватемала во поплавите и свлечиштата предизвикани од бурата Ета. Податоците ги презентираше претседателот на Гватемала, Алехандро Џаматеи, откако бурата ја погоди Централна Америка. Ета во вторникот ја погоди соседна Никарагва како ураган, но потоа ослабна во тропска бура.

Гватемала: Расте бројот на заразени лица со Ковид-19

Ивона Петрова — Thu, 25 Jun 2020 06:36:10 +0000

Поголемиот број од 240 вработени лица во Националната лабораторија на Гватемала се позитивни на новиот коронавирус, изјави гватемалскиот претседател Алехандро Џаматеј. Тој додаде дека и покрај тоа Лабораторијата продолжува со тестирање на Ковид-19. Во првите месеци од епидемијата во Гватемала, сите тестови се правеа во Националната лабораторија, но со зголемувањето на бројот на новозаболени лица, Владата дозволи тестирање и во државните болници. Граѓаните се жалат дека повеќе од една недела чекаат на резултатите од тестовите. Џаматај претходно изјави дека 158 лица од вработените во Владата се позитивни на Ковид-19. Во Гватемала вкупно се регистрирани над 14.000 инфицирани со новиот коронавирус, од кои речиси 600 луѓе починале.

Гватемала ги прекинува дипломатските односи со Венецуела

Ивона Петрова — Fri, 17 Jan 2020 07:17:49 +0000

Новиот претседател на Гватемала, Алехандро Џаматеи синоќа изјави дека ги прекинува дипломатските односи со владата на Венецуела, предводена од Николас Мадуро и оти ќе ја затвори Амбасадата во Каракас. – Го известивме министерот за надворешни работи дека дефинитивно ги прекинуваме односите со Владата на Венецуела и оти единственото лице во Амбасадата во Каракас треба да се врати во земјата, посочи Џаматеи. Тој ја презеде функцијата претседател на Гватемала во вторникот и најави прекин на односите со Венецуела. По таквата одлука шефот на венецуелската дипломатија Хорхе Ареца изјави дека Гватемала „и се потчинува“ на американскиот претседател Доналд Трамп. – Неговата Влада сигурно ќе биде уште една невкусна шега, што ќе биде заборавена, напиша Ареца на Твитер. Гватемала е активна членка на Лима групата, во која членуваат десетина држави од Јужна Америка и Канада, а формирана е во 2017 година за изнаоѓање на решение за кризата во Венецуела. Лима групата за легитимен претставник на Венецуела го признава Хуан Гуаидо.

Од глетката ќе ви се заледи крвта: Тлото почна да се движи и тогаш исчезна цело семејство- татко и тројца синови загинаа во свлечиште (ВИДЕО)

Дарко Андоновски — Mon, 04 Nov 2019 13:45:46 +0000

Татко и неговите три синови од Гватемала загинаа кога свлечиште им ја проголта куќата. Поради придвижувањето на тлото, во земјата се отвори огромна дупка, а куќата стоела на работ. Настрадаа Франциско Лукс (39) и три деца на возраст од 3, 6 и 10 години. Нивните тела се пронајдени во урнатините. За време на несреќата, мајката била надвор од куќата, во набавка на храна за појадок, а кога дознала што се случило, паднала во состојба на шок. Во близина се наоѓал еден тинејџер кого спасувачите успеале да го спасат, и тој со неколку скршеници е префрлен во болница. Дупката се отворила поради обилните врнежи кои го навлажниле веќе мекото земјиште. Годинешната дождовна сезона во Гватемала почна во мај, а до сега однесе 12 животи.

Гватемала: Возач на камион усмрти 18 случајни минувачи

Дарко Андоновски — Thu, 28 Mar 2019 17:54:45 +0000

Најмалку 18 лица загинаа кога возач на камион се втурна во маса народ, кои застанале за да видат сообраќајна несреќа која претходно се случила. Возачот на камионот веднаш побегнал од местото на настанот, кој се случи денеска во западниот град Нахуала, јави Би-Би-Си. Министерството за здравство информираше дека најмалку 19 лица се пренесени во болница со повреди, а Владата прогласи тридневна жалост.

Околу 4.000 жители го напуштија подрачјето околу Фуего

Ивона Петрова — Mon, 19 Nov 2018 16:36:23 +0000

Околу 4.000 жители денеска го напуштија подрачјето околу вулканот Фуего во Гватемала, каде вжештени камења и пепел се креваа високо во воздухот и паѓаа на тлото на областа која беше опустошена при ерупцијата во јуни. Вулканолозите наведуваат дека експлозиите од планините високи 3.760 метри ги потресувале куќите со „константни звуци налик на железнички локомотиви“. Вулкански материјал се издигнува до 1.000 метри над кратерот и се спушта од 2,5 километри од бочната страна на вулканот. Стотици семејства од 10 општини ги послушаа повиците на властите за координација на природни непогоди да се евакуираат. Комисијата за природни непогоди рано изутринава соопшти дека биле евакуирани 3.925 лица. Во ерупцијата на вулканот во јуни загинаа 194 лица, а 234 се уште се сметаат за исчезнати. МИА