H&M – Kurir.mk

H&М ја напушта Русија поради инвазијата врз Украина

Дарко Андоновски — Mon, 18 Jul 2022 09:55:35 +0000

H&М, втор по големина моден трговец во светот, денеска соопшти дека го запира својот бизнис во Русија, придружувајќи се на листата компании што целосно ја напушта земјата со што вредноста на нивните акции се намали за еден отсто. Компанијата го суспендираше својот бизнис во Русија на почетокот на март во пресрет на санкциите на Западот против Москва, по нејзината инвазија врз Украина. За H&M, Русија беше шести најголем пазар и компанијата го зголемуваше бројот на продавници во земјата, затварајќи продавници на други пазари. „По внимателно разгледување, со оглед на моменталната ситуација, ние го гледаме како невозможно продолжувањето на нашиот бизнис во Русија“, се наведува во соопштението на извршната директорка Хелена Хелмерсон. Според портпарол на компанијата, околу 6.000 вработени во земјата ќе бидат погодени од одлуката. „Ние сме навистина тажни поради влијанието што ова ќе го има врз нашите колеги“, додава Хелмерсон. Се очекува целиот процес да чини околу две милијарди шведски круни или 191,3 милиони долари, од што една милијарда круни ќе имаат влијание врз ликвидноста, оценува H&M. Вкупната сума ќе биде вклучена како еднократни трошоци во резултатите за третиот квартал.

Вакви патики досега не сте виделе: Гигантската компанија лансираше обувки базирани на влакна од банана (ФОТО)

Магдалена Андонова — Thu, 08 Apr 2021 06:56:46 +0000

Познатиот гигант од светот на модата, H&M, деновиве претставува иновативни обувки - патики од влакна од банана, или патики од„растителни“ потекло, како што се нарекуваат. Тоа е исто така т.н. „одржлива“ обувка, како дел од политиката што шведската компанија ја промовира во последно време. H&M беше обвинет за „учество“ во експлоатација на работници за памук во кинескиот регион Синџијанг во последните неколку дена. За да ја пласираат оваа колекција на унисекс, компанијата се здружи со брендот Good News. Содржи седум модели патики, инспирирани од „живите седумдесетти“. Секоја ставка на нив може да се пофали со своите одржливи елементи, како што се рециклирани гумени ѓонови и рециклиран памук. Покрај тоа, новата палета вклучува веганска кожа направена од отпад од вино и Бананатекс - првата издржлива, водоотпорна ткаенина во светот направена исклучиво од влакната на ова егзотично овошје. Дејвид Содерлунд, дизајнер во шведска модна компанија, во изјава за Интернет рече: "Работата со Good news ни даде позитивност и енергија. Нивната креативност и поривот кон промени го инспирираше нашиот тим. Ние ги здруживме силите за да станеме подобри заедно.

View this post on Instagram

A post shared by Plant Based News (@plantbasednews)

Колекцијата е, всушност, „светол и жив контраст со сивиот и несигурен свет“. Идејата е малку да го „омекнеме“ ова тешко секојдневие со бои и иновативни материјали. Исто така, коосновачот на споменатата марка, Ниа Џонс, е на мислење дека во работата треба да се користат „што е можно поодржливи материјали“. Инаку, „Good news“ е бренд обувки од Велика Британија, основана во 2016 година во Лондон. Тие имаат мисија да ја направат планетата подобра, со минимална или никаква употреба на јаглерод, хемиски или воден отпечаток во нивниот бизнис.

H&M собирал податоци за вработените, казнет со 35,3 милиони евра

Магдалена Андонова — Thu, 01 Oct 2020 13:13:09 +0000

Германскиот омбудсман го казни со 35,3 милиони евра шведскиот моден синџир H&M, бидејќи менаџерите се мешале во приватните животи на вработените со собирање податоци, како на пример верски уверувања и истории на болести. Како што се наведува во соопштението на директорот на Надзорната агенција за заштита на податоци, Јоханес Каспар, овој случај покажал „грубо кршење“ на правилата за заштита на податоци во седиштето на компанијата во Нинберг. Компанијата почнала да не ги почитува правилата за заштита на приватноста во 2014 година. Некои од менаџерите дури се обиделе да собираат дополнителни детали за приватниот живот на вработените преку неформални разговори. Тие на тој начин се обиделе да дознаат нешто за семејните проблеми и верските уверувања на персоналот, кои потоа ги чувале. Компанијата H&M призна дека се откриени недостатоци во сервисниот центар и порача дека преземала силни мерки за исправање на грешката. (МИА)