„Алсат“: Рашковски ќе градат супер-хациенда од 800 м2 во Побожје, еве што сè ќе има во неа (ВИДЕО)

Катерина Бојаџиева — Tue, 13 Apr 2021 14:50:10 +0000

На падините на планината Скопска Црна Гора на 20 километри од центарот на градот се наоѓа викенд населбата Побожје. Луксузна хациенда тука ќе гради семејството на Драги Рашковски, поранешен генерален секретар во Владата, сега секретар за мониторинг и поддршка на институциите при релизација на програмите за работа на Владата. Инвеститори на супер-комотната куќа се неговите две малолетни деца. Вака изгледа просторот на „Гугл Мапс“. Но, во Побожје сосема друга состојба. Плацот е веќе израмнет како тепсија и тоа на површина од неколку илјади квадрати. На терен има и два багера, пренесува Алсат. На плацот, според имотниот лист, постоеше викенд куќа од околу 60 – на метри квадратни. Сега просторот е порамнет. Според информации на Алсат и проектот кој треба да се изгради тука, станува збор за куќа од над осумстотини метри квадратни нето површина. Големиот градежен зафат во кој имавме увид предвидува објект за домување, базен, теретана, соба за билјард и разни други погодности. Просторот е расчистен. Исечени се дрвјата околу плацот. На имотот како сопственици се јавуваат децата на Рашковски. Но и самиот тој во Побожје поседува 11 илјади метри кавдаратни земјоделско земјиште. Го впишал во анкетниот лист по изборите лани. Но, овој имот го нема во неговиот претходен анкетен лист кога дојде на функцијата Генерален секретар на Влада. Го купил потоа за речиси 100 илјади евра. Колку заработува, а колку троши, истражува и Антикорупциската комисија. „Доклку ние утврдиме ралика во имотот што е пријавен и месечните примиња што ги има, таков е нашиот Закон, одиме чекор понатаму за испитување на имотот и тогаш се вклучуваат и други институции“, рече Билјана Ивановска, Претседател на ДКСК. Алсат побара став од Драги Рашковски за луксузната вила. Му испратиле порака за став. Одговор не добиле. „Да се слушнеме за став за објектот што ќе го градите во Побожје, со оглед на тоа што барањето за дозвола за градба сте го поднеле до општина Чучер Сандево…“, пишува во пораката до Рашковски. Во Чучер Сандево од Секторот урбанизам потврдиле дека до нив пристигнало барање за дозвола за градење на име на неговите деца. Документот пристигнал вчера и е заведен во архива. -Од општината ни објаснија дека за хациендата од над 800 метри квадратни, Рашковски ќе треба да платат по 10 евра за метар квадратен или над осум илјади евра за комуналии. Иако просторот се водел како земјоделско земјиште, се наоѓал во викенд населбата и со барањето за градба, велат од општината, добил статус на градежно земјиште, пренесува Алсат.

Зоран Заев не кажува дали хациендата е на Вице Заев?!

Ивана Ефремовски — Tue, 06 Oct 2020 13:50:49 +0000

По објавите од страна на бугарските медиуми во врска со хациендата на Халкикиди во Грција за која велат дека е во сопственост на Заеви, премиерот Зоран Заев не одговори дали истата е сопственост на неговиот брат Вице Заев. За македонскиот премиер летово излегоа нови бомби од свиркачи во кои што во разговор со непознато лице, Заев вели „Јас имам 8.5 милиони евра капитал“. Но, Заев ниту во претходниот, ниту во сегашниот имотен лист не пријавил дека поседува капитал со толкава вредност, можеби затоа што се е на име на неговите родители, сопруга и депозитите кои пораснале на име на неговите деца. Премиерот во новиот имотен лист не пријавил ништо ново, скоро ист е како тој во 2017 година. Откако е државен функционер Заев не поседува ни куќа, ни стан. Со новиот имотен лист зголемување има на депозитите на банкарските сметки на неговите деца во вредност од 2.681.043 денари и единствено пријавено повторно како негов личен имот е побарувањето во основ на заем во вредност од 4.300.000 денари. Јавен интерес е за граѓаните да се знае блиските роднини на политичарите, особено оние за кои што со години наназад постојат сомневања за криминал и сомнителни тендери, на каков начин се здобиваат со имотот и што поседуваат. Но, Заев откако е државен функционер не пријавил никаков имот кој што го поседува брат му Вице Заев, за разлика од други пратеници на СДСМ кои во своите имотни листови го пријавуваат и имотот на своите браќа и сестри. Заев исто како и за имотот и фирмите кои ги поседува неговата фамилија во Бугарија претходно зборуваше дека нема имот надвор од Македонија, сега вели дека нема имот во Грција, додека медиумите од соседството ја посочуваат фамилијата Заев како сопственик на неколку објекти на грчкото приморје.

хациенда – Kurir.mk

„Алсат“: Рашковски ќе градат супер-хациенда од 800 м2 во Побожје, еве што сè ќе има во неа (ВИДЕО)

Зоран Заев не кажува дали хациендата е на Вице Заев?!