хајдук сплит – Kurir.mk

Александар Трајковски потпиша за Хајдук од Сплит

Бошко Тасиќ — Fri, 15 Sep 2023 19:23:15 +0000

Македонскиотфудбалски репрезентативец, Александар Трајковски официјално го реши најважното прашање, клупскиот статус и тоа со потпис за една од најдобрите хрватски екипи-Хајдук. Трајковски беше слободен фудбалер откако ја заврши приказната со Ал-Феjхa од Саудиска Арабија, доста време беше во потрага по нов клуб, потрага која заврши со трансфер во Сплит.

– Прекрасно е чувството да се дојде во Хајдук, се помина добро и едвај чекам да се приклучам на тимот и да почнам со тренинзи. Го познавам ХНЛ, играв овде пред 13 години, сега се вратив и среќен сум што повторно ќе играм таму во голем клуб. Имам големо искуство, поминав низ неколку силни лиги, многу настапи за репрезентацијата и се надевам дека ќе придонесам за Хајдук и за целите кои клубот ги има зацртано. Добро го познавам Хајдук, имаме навистина добар тим, сите знаат што значи овој клуб и навистина сум среќен што сум дел од оваа приказна, -порача Алекс кој потпиша договор до 2025 година со опција за уште една сезона.

Александар Трајковски пред трансфер во Хајдук Сплит

Ристе Здравков — Thu, 14 Sep 2023 07:21:17 +0000

Александар Трајковски наскоро би требало да стане нов играч на Хајдук, пишуваат италијански Calciomercato и Tuttomercato. Според медиумите, Трајковски имал понуди од Динамо и Хајдук, но македонскиот фудбалер го избрал сплитскиот клуб и наскоро таму ќе биде на лекарски преглед и ќе потпише договор. Трајковски во Хајдук пристигнува како слободен играч откако летово му истече договорот со Ал-Фајх од Саудиска Арабија. Трајковски и претходно во кариерата настапуваше во Хрватска, поточно во екипата на Интер Запрешиќ.

Иван Перишиќ прави сензационален трансфер во Хајдук

Бошко Тасиќ — Fri, 07 Jul 2023 04:45:12 +0000

Спортскиот новинат Џанлука ди Марицио објави „бомба“ и потврди дека Иван Перишиќ ќе се пресели во хрватски Хајдук. 34-годишниот Перишиќ пристигна во Тотенхем минатото лето како големо засилување и запиша 44 настапи во сезоната. Тој има уште една година договор, но медиумите тврдат дека наскоро ќе го раскине и ќе се врати во Хајдук.

Мануел Нојер доаѓа во хрватски Хајдук?

Бошко Тасиќ — Thu, 08 Jun 2023 20:47:58 +0000

Хрватските медиуми со помалку сензационалистичка вест дека легендарниот германски голман, Мануел Нојер е во преговори за настап следната сезона во дресот на сплитски Хајдук. Директорот на Хајдук, Лука Јакобушиќ наводно веќе бил во сериозни разговори за ангажман на еден од најдобрите светски голмани кој во последните 12 години е незаменлив дел од Баерн Минхен. Нојер следната сезона го завршува договорот со Баерн, па Хајдук тука ја гледал својата шанса. Посебно и поради фактот дека односите на Нојер со Баерн се нарушени откако на скијање ја скрши ногата, но и по отказот на Тони Топаловиќ, кој е најдобар пријател на Нојер, од Баерн. Хајдук сака да ја искористи и љубовта на Нојер кон Сплит и хрватското приморје. Добро е познато дека германскиот голман секое лето го минува на Јадранот.

Голем хрватски талент пред потпис со ПСЖ

Бошко Тасиќ — Wed, 10 May 2023 04:33:03 +0000

Полека завршува сагата околу иднината на најголемиот талент на Хајдук Сплит, Лука Вушковиќ. 16-годишниот дефанзивец беше мета на многу европски гиганти, но по сè изгледа кариерата ќе ја продолжи во Франција. Стоперот е висок 193 сантиметри и важи за еден од најдобрите млади фудбалери во светот, а интересот за него трае веќе две години. Хрватските медиуми денес ја пренесуваат веста дека Хајдук ја прифатил понудата од Пари Сен Жермен и младиот Вушковиќ уште оваа лето ќе ги засили „светците“ од Париз. Сумата што ПСЖ ќе му ја исплати на хрватскиот тим е 10,5 милиони евра, а се претпоставува дека договорот ќе биде со времетраење од пет години.

Јани Атанасов останува во Хајдук до 2023 година

Бошко Тасиќ — Wed, 19 Jan 2022 19:24:36 +0000

Македонскиот фудбалски интернационалец и повремен репрезентативец Јани Атанасов доби нов договор од сплитски Хајдук и во клубот останува и во следната година. 22-годишниот играч за врска добива се поголема минутажа на „Пољуд“ и важи за еден од омилените играчи кај навивачите на сплитските „били“. Пристигна како слободен играч од турски Бурсаспор и брзо се наметна. Договорот на Атанасов и Хајдук истекуваше по оваа сезона, но двете страни се договорија за уште една година соработка. Атанасов за хрватскиот тим досега одигра 47 официјални средби на кои даде четири гола, со уште две асистенции.

Хајдук Сплит ќе гостува во Скопје во меч од квалификациите во Лигата на Европа

Магдалена Андонова — Mon, 31 Aug 2020 11:39:51 +0000

Ренова ќе игра против Хајдук Сплит во меч од квалификациите за пласман во Лигата на Европа, одлучи денешната ждрепка во Нион. Македонскиот претставник ќе ја има улогата на домаќин на мечот кој ќе се игра на 17 септември во Скопје. За разлика од Ренова, Шкендија ќе гостува во ова квалификациско коло, и тоа во Романија кај Ботошани.