хајдук – Kurir.mk

Тотенхем плати 11 милиони евра за хрватски тинејџер

Ивана Ефремовски — Mon, 25 Sep 2023 16:44:38 +0000

Рекордни 11 милиони евра плати англискиот прволигаш Тотенхем за услугите на 16-годишниот дефанзивец на Хајдук, Лука Вушковиќ, јавија денеска хрватските медиуми. -Со договорот за трансфер меѓу Хајдук и англискиот премиерлигаш Лука станува најскапо платен фудбалер на негова возраст во историјата, а официјално ќе биде регистриран за Тотенхем во 2025 година, соопшти хрватскиот клуб. Хајдук не ја соопшти сумата која ќе ја добие како обесштетување за Вушковиќ, но според медиумите Тотенхем ќе плати 11 милиони евра за младиот дефанзивец. Вушковиќ дебитираше за сениорскиот тим на Хајдук со 16 години и три денови во дербито против Динамо, а само три денови подоцна постигна гол за својот тим во натпревар од хрватскиот Куп со што стана најмлад стрелец во историјата на сплитскиот прволигаш. (МИА)

ХАОС НА АВТОПАТ: Навивачи на Хајдук се судрија со полицајци по дербито во Загреб, има повредени (ВИДЕО)

Ивона Петрова — Sun, 22 May 2022 08:27:28 +0000

Навивачката група „Торцида“ на сплитски Хајдук се судри синоќа со полицијата на враќање од дербито во последното коло од хрватското фудбалско првенство против Динамо во Загреб при што има ранети и повредени на двете страни. Како што јавија локалните медиуми, цитирајќи го соопштението од хрватското Министерство за внатрепни работи, ранети се двајца навивачи, а повредени се десетина полицајци. Сите се вон животна опасност. Инцидентот се случил на автопатот А1 кога групата од околу 1.600 навивачи на Хајдук кои со автомобили, автобуси и комбиња се враќале во Сплит со полициска придружба, самоиницијативно застанале кај одморалиштето Деснице, блокирајќи ги сите ленти на автопатот во насока кон Карловац. Поголема навивачка група, притоа, физички и со употреба на „предмети погодни за нанесување телесни повреди“ ги нападнале полицајците, кои во обид да воспостават ред возвратиле со огнено оружје. Инцидентот се случи по првенственото дерби на стадионот „Максимир“ во Загреб во кое Динамо со победа од 3-1 над Хајдук ја прослави шампионската титула во хрватското првенство.

Ангеловски меѓу кандидатите за нов тренер на Хајдук

Ивона Петрова — Mon, 01 Nov 2021 13:04:43 +0000

Поранешниот македонски фудбалски селектор Игор Ангеловски е во потесниот круг кандидати за нов тренер на хрватскиот прволигаш Хајдук, јавија денеска локалните медиуми. Ангеловски (45), според весникот „Слободна Далмација“ со својата возраст и ентузијазам се вклопува во плановите на раководството на сплитскиот клуб за нов шеф на стручниот штаб, кој треба да го наследи Јенс Густафсон, кому денеска му беше врачен отказ. Ангеловски е без ангажман од завршувањето на ЕУРО2020 на кое за првпат во историјата ја одведе македонската репрезентација.

Цела Хрватска гневна: Играчите на Хајдук пред дербито со Динамо се коцкале и опивале (ФОТО)

Дарко Андоновски — Wed, 12 Dec 2018 20:54:13 +0000

Тимот на Хајдук за неколку дена го очекува големото дерби против Динамо, а неколку фудбалери на овој тим се најдоа во центар на скандал. Составот од Сплит веќе неколку години игра далеку од вистинската форма, а оваа сезона се под сите очекувања. Хајдук претстојниот викенд го очекува тежок меч со оглед на тоа што игра дерби со Динамо, а навивачите очекуваат нивните миленици да остават срце на терен. Меѓутоа неколку навивачи на Хајдук е најдоа во центар на скандал поради фотографии кои се појавија на интернет. На истите се гледа како играат покер и пијат алкохол. На фотографијата се дефанзивците на овој тим кои жестоко беа критикувани поради своите игри, а тоа се Андрес Фомитчхов, Стипо Вучар и Стелиан Филип. Оваа фотографија предизвика жесток гнев кај Торцида.

Сопственикот на Наполи сака да го купи Хајдук

Ристе Здравков — Sat, 15 Sep 2018 08:14:56 +0000

Сопственикот на италијанскиот гигант Наполи, Аурелио де Лаурентис изрази подготвеност да го купи хрватскиот клуб Хајдук Сплит, кој има финансиски проблеми. Во моментов, клубот нема сопственик, а власта е во рацете на навивачите. - Дајте ми можност и ќе го купам Хајдук, вели Де Лаурентис, цитиран од „Спортске новости“ Хајдук е еден од најпопуларните клубови во Хрватска, откако станал 15 пати шампион на земјата вклучувајќи и во периодот на поранешна Југославија. - Подобро да купи уште играчи за Наполи, реагира градоначалникот на Неапол, Луиџи де Маџистрис на информациите. Де Лаурентис и општината во Неапол се во конфликт поради состојбата на стадионот „Сан Паоло“, а во текот на летото бизнисменот го купи Бари, кој се натпреварува во четвртото ниво на италијанскиот фудбал. Неодамна тој сподели идејата за изградба сосема нов стадион во Пуља и да го премести тимот да ги игра таму натпреварите од Европа. - Подготвен сум да платам за 1.000 автобуси што ќе превезуваат неаполитанци до „Сан Никола“. Кога дојдов за прв пат на овој стадион, сфатив дека тоа е голем објект. Беше напуштен, но во споредба со „Сан Паоло“, кој е изграден во 1959 година ..., додаде сопственикот на Наполи.

Лудило во Сплит: Торцида ги гаѓаше играчите со бакли и им порачаа да ги соблечат дресовите- хрватската гордост тоне (ВИДЕО)

Матеја Петровски — Mon, 20 Aug 2018 12:34:58 +0000

Тешко разочарување за навивачите на Хајдук после поразот од Горица од 2:0, заврши со грди сцени на Пољуд. После последниот судски свиреж играчите на Хајдук отидоа до северната трибина и тоа на повик на навивачите кои скандираа „дојдете ваму“. Кога играчите се приближија, кон нив полетаа неколку бакли со повици „соблечете ги дресовите“. За среќа, баклите не ги погодија играчите, немаше последици, но сепак не беше убаво да се гледаат овие сцени. Кога се упатија кон соблекувалната од северната трибина се викаше „ќе добиете ќотек“ и „вие не сте Хајдук“. Некој фанови викаа и кон ложата, се слушна „кај ви е одговорноста“.

Братот на големата ѕвезда на РК Вардар потпишува за еден од најголемите фудбалски клубови во регионот

Матеја Петровски — Sat, 09 Jun 2018 17:38:55 +0000

Откако вториот голман на Хајдук, Данте Штипица замина на ЦСКА Софија остана празно место на позицијата голман на еден од најголемите клубови во регионот. Популарните „Били“ покажаа интерес за Горан Карачиќ, кој е 21 годишен голман од германскиот тим Сандхаузен, каде е на позајмица од турски Аданапор. Тој беше најдобар голман во првенството во БиХ кога како дебитант и прв чувар на мрежата на Зрињски ја освои титулата, а имаше и 17 натпревари без примен гол. Клубовите се уште не со договориле, затоа што првата понуда на Хајдук не ги задоволила бањата на турскиот клуб. Горан инаку е брат на ракометната ѕвезда на Вардар, Игор Карачиќ, кој е и хрватски репрезентативец, а исто така и другиот нивни брат е во спортот, а тоа Иван кој исто како и Игор игра ракомет, а настапува за репрезентацијата на БиХ. Хајдук во Карачиќ гледа решавање на голманските проблеми, затоа што покрај Штипица клубот го напушти и третиот голман Иво Грбиќ, а првиот голман и голем талент на хрватскиот фудбал, Карло Летица, цело време се поврзува со заминување во некое многу посилно првенство.