Хајиме Моријасу – Kurir.mk

Моријасу останува јапонски селектор

Ивона Петрова — Thu, 29 Dec 2022 09:34:01 +0000

Јапонскиот селектор Хајиме Моријасу, чија репрезентација на Мундијалот во Катар забележа сензационални победи во групната фаза над Шпанија и Германија пред да биде елиминирана во осминафиналето од Хрватска на пенали, го продолжи договорот со Светското првенство 2026, објави Фудбалската федерација на Јапонија (JFA). Моријасу со тоа стана првиот јапонски тренер во историјата кој го сочувал селекторското место по светско првенство. „Ова е работа која ме исполнува. Ова е работа која ми дава можност со гордост како Јапонец да се натпреварувам на меѓународната сцена. Затоа ја прифатив понудата од JFA“, посочи Моријасу. Поранешен јапонски репрезентативец во периодот од 1992 до 1996 година, Моријасу стапи на селекторската должност по завршувањето на Светското првенство 2018 во Русија, на кое беше помошник тренер.

Моријасу останува јапонски селектор до 2024

Ивона Петрова — Tue, 06 Dec 2022 15:24:30 +0000

Поразот на Јапонија од Хрватска во осминафиналето на Светското првенство во Катар нема да влијае врз судбината на Хајиме Моријасу на селекторската клупа и тој ќе продолжи да ја предводи јапонската репрезентација, јавија денеска локалните медиуми. Според истите извори, 54-годишниот Моријасу ќе ја продолжи соработката со Фудбалската федерација на Јапонија најмалку до 2024 година. Јапонското фудбалско раководство е задоволно од настапите на репрезентацијата на Мундијалот во Катар на кое беа елиминирани на пенали од Хрватска во вчерашниот осминафинален дуел. Моријасу е на чело на јапонската репрезентација од 2018, а следната година беше азиски вицешампион.

Јапонскиот селектор: Шпанците ја имаа топката, а ние брзината

Бошко Тасиќ — Fri, 02 Dec 2022 06:07:19 +0000

Селекторот Хајиме Моријасу смета дека Јапонија беше подобар противник во двете полувремиња и заслужи осминафинале. „Оваа победа е за јапонскиот народ. Секогаш верувавме дека можеме да ја победиме Шпанија. Тие ја имаа топката, а ние брзината. Знаевме што сакавме и мислам дека бевме подобри и во првото и во второто полувреме. Дури и кога изгледавме дефанзивно, ние бевме подобрата екипа. Тоа што противникот ја имаше топката долго, не нè интересираше премногу. Ние имавме свој план и го реализиравме. Точно е дека многу научивме од женската фудбалска репрезентација на Јапонија, која стана светски првак. Го следиме тој пат“, истакна селекторот Моријасу.