Хајко Маас – Kurir.mk

Западот му порача на Иран да ја прифати дипломатската понуда

Тале Кристо — Thu, 25 Feb 2021 07:26:21 +0000

Шефот на германската дипломатија, Хајко Маас, го обвини Техеран за натамошна нетранспарентност, што од Иран се бара согласно нукеларниот договор од 2015 година. Маас вчера го повика Иран да го прифати дипломатскиот совет што доаѓа од Западот, со цел да се зачува нуклеарниот договор од 2015 година. Тој го обвини Техеран за натамошното прикривање на транспарентноста што од Иран се бара согласно договорот од 2015 година, откако Исламската република од вторникот почна да им забранува на меѓународните инспекции да ги посетуваат нуклеарните постројки, пренесуваат американските медиуми. Меѓународната агенција за атомска енергија (МААЕ) соопшти дека Иран кон своите залихи додаде уште 17,6 килограми збогатен ураниум од 20 проценти и дека чистотата е надмината за 3,67 проценти согласно претходно утврдениот договор. -На крајот Иран ќе мора да сфати дека е важно да се смират тензиите и да се прифати понудата за дипломатското решение, што е на маса, вклучувајќи го и тоа од САД, рече Маас. Кршењето на договорот претставува сериозен проблем за американскиот претседател Џо Бајден, кој сака да ја поништи одлуката на неговиот претходник Доналд Трамп од 2018 година за едностраното напуштање на САД од нуклеарниот договор со Иран. Веднаш потоа, Вашингтон воведе економски санкции против Иран.

Маас: Германија очекува Брегзит на 31 октомври

Ивона Петрова — Fri, 30 Aug 2019 14:00:09 +0000

Германија очекува дека Велика Британија ќе излезе од Европската унија на 31 октомври, изјави денеска шефот на германската дипломатија Хајко Маас. Тој истакна дека за Берлин е незамисливо повторно покренување на прашањето за договор за излегувањето на Британија од ЕУ. – Британската Влада јасно стави до знаење дека ако нема договор (за ирската граница), ќе дојде до Брегзит кој не е уреден, посочи Маас, дополнувајќи дека Германија ќе стори сè за да се избегне такво сценарио.

Маас во последен обид да ја спречи офанзивата во Идлиб

Матеја Петровски — Fri, 14 Sep 2018 07:08:58 +0000

Германскиот министер за надворешни работи Хајко Маас денеска треба да се сретне со рускиот министер Сергеј Лавров, во последен обид да издејствува запирање на сириско-руско-иранската офанзива врз бунтовничката сириска област Идлиб. - Знаеме колку се високи влоговите. Ова го правиме со цел да ја спречиме најлошата можна хуманитарна катастрофа, изјави Маас пред средбата која треба да се одржи во Берлин, јави новинската агенција ДПА. Се проценува дека во Идлиб има околу три милиони жители, и дека, во случај областа да падне под сириска контрола, околу милион од нив може да се упатат кон Европа. Претходниот обид на Турција да ја стопира офанзивата, која е во тек, исто така не вроди со плод. Маас побара да се работи за изнаоѓање на политичко решение на спорот околу Идлиб - последната поголема сириска област што е под бунтовничка контрола. (Миа)

Маас: Германија би можела да посредува за обнова на мировниот процес во Сирија

Ивана Ефремовски — Tue, 17 Apr 2018 12:59:13 +0000

Германија има специјална посредничка улога, што и овозможува да „го држи отворен прозорецот за диалог“ со Русија, посветен на обнова на мировниот процес во Сирија, изјави денеска во Берлин германскиот министер за надворешни работи Хајко Маас. - Треба да го искористиме овој момент за да го придвижиме политичкиот процес. Во тој дијалог неопходна ни е и Русија, изјави Маас на заедничка прес-конференција со канадскиот премиер Џастин Трудо, кој денеска престојува во посета на Германија. Маас најави дека можностите за деблокирање на сирискиот мировен процес ќе бидат една од темите на средбата на шефовите на дипломатиите на земјите членки на Групата седум најразвиени држави во светот (Г-7), што претстојниов викенд ќе се одржи во канадскиот град Торонто. (МИА)