Хакан Чалханоглу – Kurir.mk

Јирген Клоп го посакува фудбалерот на Интер

Бошко Тасиќ — Sat, 06 May 2023 04:56:32 +0000

Англискиот фудбалски великан Ливерпул ја разгледува можноста да го доведе на „Енфилд“ плејмејкерот на Интер, Хакан Чалханоглу, пренесуваат италијанските медиуми. Клоп во 28-годишниот турски репрезентативец гледа идеална замена за Милнер, кој на лето ќе го напушти „Енфилд“. Турскиот репрезентативец одигра уште една добра сезона и Интер сака да му понуди нов договор. Сепак, не се исклучува можноста за негова продажба доколку Ливерпул испрати добра понуда.

Чалханоглу: Овој меч ја враќа мотивацијата кај нас

Бошко Тасиќ — Wed, 15 Mar 2023 05:40:16 +0000

Интер остана непоразен на гостувањето кај Порто (0-0) и со вкупно 1-0 се пласираше меѓу осумте најдобри во Лигата на шампионите. -Има толку многу емоции во моментов, после толку години се гордееме со ова достигнување. Направивме некои грешки, но направивме одлична работа, беше многу тешко, но му честитам на тимот за одличната работа.Сè што може да се случи во Лигата на шампионите, овој натпревар ја враќа мотивацијата за нас. Завршивме одлична работа, не постигнавме гол, но работевме напорно до последниот свиреж и се квалификувавме, -истакна Хакан Чалханоглу кој беше прогласен за играч на натпреварот на „Драгао“.

Директорите на Интер незадоволни од однесувањето на Чалханоглу

Ристе Здравков — Tue, 05 Jul 2022 09:45:46 +0000

Хакан Чалханоглу зад себе има една сезона во дресот на Интер, но неговите потези надвор од теренот постојано ги иритираат директорите на клубот. Турскиот репрезентативец се пофали со видео на Инстаграм на кое се гледа како скока во вода од покрив на јахтата која ја користел на одморот, а овој потег не му донел симпатии кај работодавецот. Во Интер сметаат дека Чалханоглу не се однесува професионално и ризикува повреди, па ќе биде посебно следен за време на подготовките. Играчот за врска морал да се дообјаснува со претпоставените и минатиот месец, кога во едно интервју за турски медиум решил индиректно да го критикува тренерот Симоне Инѕаги. Интер во таа ситуација не објави дали фудбалерот е парично казнет, но неговите потези сигурно го ставаат во фокусот на одговорните во клубот.

Чалханоглу: Интер е многу посилен од Милан

Ивона Петрова — Thu, 23 Jun 2022 06:25:21 +0000

Фудбалерот од средниот ред на Интер, Хакан Чалханоглу, кој настапуваше за Милан, го сподели своето мислење за двата милански клуба. – Интер е многу посилен од Милан. Дербито го загубивме по 75 минути кога направивме замени. Водевме со 1:0 и на крајот загубивме 1:2. Тренерот Симоне Инзаги придонесе за нашиот неуспех, му кажав за тоа. И во полуфиналето на Купот на Италија ги победивме, рече Чалканоглу за „Tivibu Spor.“. Турскиот фудбалер играше за Милан од 2017 до 2021 година, по што се пресели во Интер. Минатата сезона 28-годишниот Чалханоглу одигра 46 натпревари на кои постигна осум голови и 13 асистенции.

Чалханоглу со порака до Милан: Интер го препозна мојот квалитет

Ристе Здравков — Mon, 13 Dec 2021 16:05:21 +0000

Хакан Чалханоглу игра во извонредна форма во оваа сезона во дресот на Интер, форма која ја потврдува од натпревар во натпревар, па така вчера постигна маестрален гол и запиша асистенција во убедливата победа над Калјари со 4-0. Со овој триумф Интер дојде до врвот на табелата во Серија А, па Чалханоглу ја искористи оваа прилика да го пецне поранешниот клуб Милан од кого си замине како слободен фудбалер. - Многу сум среќен што сум овде. Тоа ме прави горд. Сакам да му се заблагодарам на тимот, бидејќи тие навистина ми помагаат да станам важен играч, го чувствуваат мојот квалитет и придонес, па давам се од себе за клубот. - Им благодарам и на навивачите, бидејќи тие се секогаш веднаш зад мене. За мене е чест што сум овде во Интер, - порача Турчинот.

Милан ја подигна понудата за Чалханоглу на четири милиони евра годишно

Дарко Андоновски — Mon, 08 Feb 2021 14:01:37 +0000

Милан продолжува да преговара за нов договор со играчот за врска Хакан Чалханогу, пренесува новинарот на „MilanNews.it“, Антонио Витиело. Според изворот, управата на италијанскиот клуб не сака да го смести играчот во друг тим. Милан е подготвен да му исплати на играчот од средниот ред четири милиони евра годишно (плус бонуси). Претходно, Турчинот изјави дека сака да добие седум милиони евра во клубот од Милано. Тековниот договор меѓу фудбалерот и Милан се пресметува до летото 2021 година. Во тековната сезона во Серија А, тој одигра 18 натпревари, постигна еден гол и реализираше осум асистенции.

Нови двајца играчи на „росонерите“ се позитивни на Ковид-19

Магдалена Андонова — Sun, 17 Jan 2021 08:50:35 +0000

Офанзивецот Тео Хернандез и главниот плејмејкер на тимот, Хакан Чалханоглу се двајцата нови играчи на Милан кои што се позитивни на коронавирусот.На тестирањето денеска пред мечот со Калјари, тие испаднале позитивни. - Сите останати фудбалери беа негативни, но Чалханоглу и Хернандез се позитивни и веднаш заминаа во самоизолација. Двајцата фудбалери не покажуваат никакви симптоми на болеста, објави Милан на официјалната веб-страница.

Чалханоглу сака да добива пет милиони евра годишно од Милан

Тале Кристо — Fri, 06 Nov 2020 12:39:00 +0000

Играчот за врска на Милан, Хакан Чалханоглу може да го продолжи договорот со клубот, пренесува новинарот и добар познавач на италијанскиот фудбал, Николо Скира. Според него, 26-годишниот турски фудбалер сака да добива пет милиони евра годишно. Од друга страна, миланскиот клуб е подготвен да понуди само 3,5 милиони евра, па останува да се чека разврската од преговорите. Во тековната сезона, Чалханоглу одигра 10 натпревари на сите турнири, на кои постигна четири гола и оствари една асистенција.