Хакан Фидан – Kurir.mk

Фидан и Амирабдолахиан: Војната меѓу Израел и Хамас може да прерасне во регионален конфликт

Тале Кристо — Wed, 01 Nov 2023 14:30:59 +0000

Турските и иранските највисоки дипломати предупредија дека тековната војна меѓу Израел и Хамас, кој владее со Појасот Газа, може да прерасне во голем регионален конфликт, јави ДПА. -Не сакаме ова да се претвори во војна која ќе ги погоди земјите во регионот, рече турскиот министер за надворешни работи Хакан Фидан на заедничката прес-конференција со неговиот ирански колега Хусеин Амирабдолахиан во Анкара. Тој нагласи дека сите релевантни актери мора да преземат одговорност да работат кон прекин на огнот и траен мир. Амирабдолахиан рече дека конфликтот може директно да привлече други играчи. -Ако војната продолжи, ситуацијата нема да остане иста. Отпорот ќе одлучи за уште едно изненадување и ситуацијата ќе биде поинаква, рече Амирабдолахиан. Пред неговата посета на Турција, Амирабдолахиан се сретна со шефот на Хамас, Исмаил Ханија во главниот град на Катар, Доха. Катар е еден од клучните поддржувачи на Хамас околу 15 години. Турската Влада одржува контакти со Хамас и преговараше за ослободување на заложниците кои се држат во Газа. Турскиот претседател Реџеп Таип Ердоган неодамна го нарече Хамас, кој е наведен како терористичка организација во Израел, ЕУ и САД, „ослободителна организација“.

Фидан: ЕУ не може да биде глобален актер без Турција

Тале Кристо — Wed, 06 Sep 2023 16:05:59 +0000

Односите меѓу Турција и Европската Унија не треба да бидат заложници на интересите на одредени земји, изјави денес турскиот министер за надворешни работи, Хакан Фидан, јави агенцијата Анадолија. - ЕУ не може да биде глобален актер без Турција, истакна Фидан на заедничката прес-конференција со еврокомесарот за соседство и проширување Оливер Вархеји во Анкара. Турција очекува ЕУ да ја покаже потребната волја и да дејствува похрабро за унапредување на меѓусебните односи, порача Фидан. - Нема промена во перспективата за членство на Турција во ЕУ. Тоа е многу силна политичка волја, додаде тој. Вархеји, кој е во дводневна посета на Анкара за да разговара за билатералните односи и соработка, рече дека верува оти односите меѓу ЕУ и Турција може да се подобрат по воспоставувањето на новата влада во Анкара. Потенцирајќи дека односите со Турција отсекогаш биле од клучно значење, Вархеји рече дека ЕУ била заедно со турскиот народ и земја кога станува збор за мигрантската криза и санирањето на последиците од разорните земјотреси и оти заедно реагирале на настаните во овој стратешки важен регион и соседство. - Како што рече почитуваниот министер Фидан, Република Турција е наш пријател, рече Вархеји

Блинкен разговараше со Фидан за членството на Шведска во НАТО и договорот за украинското жито

Тале Кристо — Thu, 06 Jul 2023 08:58:00 +0000

Американскиот државен секретар Ентони Блинкен денеска телефонски разговараше со турскиот министер за надворешни работи Хакан Фидан за поддршката на Шведска да се приклучи на НАТО. „Блинкен разговараше со Фидан за претстојниот самит на НАТО во Вилнус и ја охрабри Турција да ја поддржи Шведска“, се наведува во соопштението на Стејт департментот. Тој ја истакнал важноста на единството на НАТО во „ваков критичен момент“. Соговорниците разговарале и за важноста од проширување на Црноморската иницијатива за жито. САД и Турција имаат долготрајни и длабоки билатерални одбранбени врски, а континуираната интероперабилност на Турција со НАТО останува приоритет.

Телефонски разговор Фидан-Блинкен за проширувањето на НАТО и црноморскиот коридор за жито

Ивана Ефремовски — Wed, 05 Jul 2023 19:37:35 +0000

Турскиот министер за надворешни работи Хакан Фидан и американскиот државен секретар Ентони Блинкен денеска телефонски разговараа за проширувањето на НАТО и за Договорот за жито преку Црно Море, јави агенцијата Анадолија. Информацијата ја потврдиле турски дипломатски извори кои сакаа да останат анонимни. Двајцата највисоки дипломати се осврнаа и на соработката во борбата против заканата од синтетички дроги и претстојниот меѓународен состанок за ова прашање, на кој САД ќе бидат домаќин на 7 јули, истакнаа изворите. (МИА)

Фидан: Палењето на Куранот во Шведска поставува прашања за нејзините квалификации за НАТО

Тале Кристо — Wed, 05 Jul 2023 08:20:53 +0000

Турскиот министер за надворешни работи Хакан Фидан рече дека неуспехот на шведските власти да го спречат палењето на Куранот на протестот во земјата предизвикува загриженост за безбедноста и поставува прашања за тоа колку таа е квалификувана да стане членка на НАТО. Фидан рече дека Турција сепак ќе и даде зелено светло на Шведска да се приклучи на воената алијанса доколку Стокхолм ја „заврши својата домашна задача“ и продолжи со напорите за решавање на прашањата што ја засегаат Турција. „Toa што шведскиот безбедносен систем не беше способен да ги спречи провокациите и што претставуваше слика на држава која носи проблеми во НАТО, наместо сила, не наведува да размислуваме за стратешките и безбедносните аспекти“, рече Фидан. Стравувајќи дека би можеле да станат мета на Москва по рускиот упад во Украина минатата година, Шведска и Финска побараа прием во НАТО. Сепак, кандидатурата на Шведска е блокирана од Турција, која ја обвинува дека е попустлива кон групите кои Анкара ги смета за безбедносна закана. Турција е незадоволна поради серијата демонстрации одржани во Шведска од приврзаниците на Курдската работничка партија (ПКК), која е забранета во Турција, како и од протестите на кои беше запалена светата книга Куранот.