Хаким Зијеш – Kurir.mk

Падна договор: Зијеш е нов соиграч на Роналдо!

Ристе Здравков — Wed, 21 Jun 2023 08:08:24 +0000

Репрезентативецот на Мароко, Хаким Зијеш ги договори личните услови со Ал Наср од Саудиска Арабија, па се очекува наскоро да биде промовиран како ново засилување. Зијеш ќе потпише договор до јуни 2026 година, а засега не се открива неговата плата во новиот тим. Ал Наср претходно постигна договор и со Челси, кој долго време бараше клуб за мароканскиот репрезентативец. Крилниот напаѓач во јануари беше на праг да се пресели во ПСЖ на позајмица, но поради проблеми со документите остана во Лондон.

Understand Al Nassr have reached full verbal agreement with Hakim Ziyech to join the club. Personal terms agreed. 🚨🟡🔵🇸🇦

Ziyech will sign until June 2026, if all goes to plan.

Agreement reached also with Chelsea, waiting to prepare, check then sign contracts.

Here we go! 🇲🇦 pic.twitter.com/wywVV8cocB
— Fabrizio Romano (@FabrizioRomano) June 21, 2023

Ајакс на лето ќе се обиде да го врати Хаким Зијеш

Бошко Тасиќ — Fri, 17 Mar 2023 05:22:57 +0000

Холандскиот гигант Ајакс на лето ќе направи нов обид да го врати крилниот напаѓач Хаким Зијеш. Минатото лето клубот од Амстердам не успеа да ги договори условите со Челси за ангажман на Мароканецот, но раководството на холандскиот тим не се откажува во намерата. Пред да се пресели во Челси за 40 милиони евра, Зијеч имаше одлична кариера во Ајакс каде помина четири години и забележа 165 настапи, постигнувајќи 49 гола и 81 асистенција. Тој во 2018 година беше прогласен за играч на сезоната во Ередивизие. 29-годишниот фудбалер е сè понезадоволен од статусот на резерва во тимот и речиси сигурно ќе побара трансфер во текот на летото, а со задоволство би се вратил во Ајакс.

Правилата се исти за сите, Зијеш нема да биде регистриран, се враќа во Челси

Ристе Здравков — Wed, 01 Feb 2023 11:35:33 +0000

На денешниот состaнок на ЛФП е решено да не му се прогледа низ прсти на ПСЖ, Хаким Зијеш нема да биде регистриран, фудбалерот ќе мора да се врати во Челси. Челси не ги прати документите на време, па трансферот на Зијеш во ПСЖ не можеше да биде регистриран пред полноќ. Францускиот клуб веднаш поднесе жалба до комисијата на ЛФП, телото кое ја води француската лига. Утринава се одржа состанокот на кој се одлучуваше по жалбата на ПСЖ и барањето на францускиот клуб не е прифатено. Одговорот е дека правилата за сите се еднакви и во оваа ситуација нема да биде направен исклучок. Хаким Зијеш ќе се врати во Челси и ќе се бори за место во тимот, а во јуни ќе се обиде повторно да замине од Лондон.

Зијеш се договори со ПСЖ, па во последен момент му пропадна трансферот!

Ристе Здравков — Wed, 01 Feb 2023 08:46:50 +0000

Хаким Зијеш беше на праг да потпише за ПСЖ, откако ги договори сите услови, меѓутоа неговиот трансфер не се реализираше затоа што клубовите не ги средија документите навреме. ПСЖ и Челси договорија позајмица до крајот на сезоната, но потоа клубовите не ги подготвија документите, па Зијеш залудно претходно беше и на медицински прегледи. Француските медиуми пишуваат дека грешка направиле главните луѓе на Челси, а во ПСЖ се лути поради тоа и најавија тужба. Зијеш ќе мора да остане во Челси до јуни, по што дефинитивно ќе си замине од клубот.

ПСЖ купува фудбалер на Челси

Бошко Тасиќ — Tue, 31 Jan 2023 06:04:28 +0000

Офанзивниот играч на Челзи, Хаким Зијеш би можел да го напушти Стемфорд Бриџ во последниот ден од зимскиот преоден рок. Францускиот "Лекип" пренесува дека ПСЖ сака да го ангажира мароканскиот репрезентативец кој е во втор план на менаџерот на сините Греам Потер и дека преговорите се веќе започнати. Зијеш дојде во Челзи од Ајакс во летото 2020 година за 40 милиони евра, но оваа сезона помина само 610 минути на теренот и нема ништо против менување клубови. Парижаните изминативе денови работеа на ангажирање на Малком од Зенит, а кога пропаднаа преговорите со рускиот клуб се свртеа кон Зиеш.

Хаким Зијеш пред трансфер во Милан

Бошко Тасиќ — Tue, 17 Jan 2023 20:04:43 +0000

Фудбалскиот репрезентативец на Мароко, Хаким Зијеш, официјално побарал од управата на клубот на Челси да му даде зелено светло за трансфер оваа зима, пренесуваат англиските медиуми. Сега англиските медиуми тврдат дека Зијеш дефинитивно решил да си замине од Челси, а негова нова дестинација ќе биде Милан со кој се поврзуваше изминатава година. „Росонерите“ веќе подолго време се во контакт со неговиот агент и моментално интензивно работат на позајмица со обврска да го купат играчот на крајот од сезоната. Зијеш дојде во Челси од Ајакс за околу 40 милиони евра во летото 2020 година. Неговата сегашна вредност се проценува на 20 милиони евра.

„Не избрав да играм за Мароко за пари, туку од срце“: Фудбалер ги донира сите пари од СП за сиромашни лица

Ристе Здравков — Tue, 20 Dec 2022 10:01:41 +0000

Хаким Зијеш освојува симпатии низ светот со своите хумани гестови. 29-годишниот фудбалер, кој го носи фудбалскиот дрес на Мароко, одбива да зема пари кога игра за националниот тим и сите заработени средства ги донира за персоналот на тимот и за сиромашни лица во Мароко. Хуманиот спортист ова го прави уште од 2015 година, а истото го направи и со премиите од Светското првенство во Катар. Новинарот Калед Бејдун постојано пишува за неговата дарежливост и пренесува една од неговите изјави: „Се разбира дека ќе ја донирам заработката од СП за сиромашни лица кои најмногу имаат потреба од тоа. Не избрав да играм за Мароко за пари, го направив тој избор од срце“ – рекол Хаким.

Morocco 🇲🇦 star Hakim Zayech has never taken a single dollar while playing for his country (since 2015). He donates it all to team staff and poor families in his native Morocco. pic.twitter.com/n4xUl1XdGf
— Khaled Beydoun (@KhaledBeydoun) December 9, 2022

Hakim Ziyech, 🇲🇦 star, donated all of his #WorldCup bonuses ($325,000) to poor people in Morocco. This team is historic on many levels. pic.twitter.com/JnE9Ll6e5q
— Khaled Beydoun (@KhaledBeydoun) December 9, 2022

“Of course I will donate all my #WorldCup earnings to poor people in need of it. I didn't choose to play for Morocco for money I made that choice from my heart.”

— Hakim Ziyech pic.twitter.com/By8C3ct58K
— Khaled Beydoun (@KhaledBeydoun) December 17, 2022

The entire Moroccan team decided to donate ALL of their World Cup earnings to poor children and families in Morocco 🇲🇦. A team of the people. pic.twitter.com/zyJgEAwhVm
— Khaled Beydoun (@KhaledBeydoun) December 19, 2022

Мароко придоби многу обожаватели низ светот со својата игра и страст кон фудбалот. Тие завршија како четвртопласирани на СП.