халкидики – Kurir.mk

ФОТО+ВИДЕО: Пожари беснеат во Грција, итна евакуација, чадот го покри небото и над Халкидики

Ивона Петрова — Tue, 22 Aug 2023 15:50:14 +0000

Жителите во Генимата и Канала во Ано Лиосија, во северозападниот дел на Атина, се повикани да се евакуираат во Лиосија поради шумските пожари во областа, јавува Катимерини Во блиското место Фили пламенот веќе проголта неколку згради. Властите, исто така, наредија главната депонија во главниот град Фили да биде затворена до натамошно известување.

#Greece #wildfires #fires #πυρκαγιες #φωτιες #Hellas #parnitha #Παρνηθα pic.twitter.com/ZKSyC3Un0B
— Aris Miron (@ArisMiron) August 22, 2023

Известувања за евакуација се испратени и до жителите во областа Лофос Кирилу во Мандра, Атика; Гратини во Комотини; Свети Космас во Кавала; и Макри, Дикела, Аја Параскеви и Месимврија во Александрополис. Досега над 40.000 хектари се уништени во шумските пожари во изминативе три дена, според извештајот на Националната опсерваторија на Атина. Врз основа на прелиминарната анализа на сателитски податоци од метеоролошката служба на опсерваторијата Метео, уништени се 38.000 хектари во Еврос и 1.200 хектари во Родопи, северна Грција; 800 хектари на островот Китнос и 500 хектари во Евија.

Intense and uncontrollable wildfires rage in Alexandroupoli, Greece. Brave firefighters are working tirelessly to contain the fires. Evacuations are in progress. #Wildfires #GreeceFires #firefighters pic.twitter.com/YCxGBLlxmg
— ChroniBuzz (@liv59224) August 22, 2023

На социјалните мрежи се објавуваат фотографии на кои се гледа дека густиот чад од пожарите го покрива и небото над Халкидики, Кавала, Тасос.

ТАТКО СЕ УДАВИ НА ХАЛКИДИКИ – се обидувал да си го спаси синот, но водата го проголтала

Дарко Андоновски — Mon, 21 Aug 2023 10:46:03 +0000

Татко се удави на познатата плажа „Лагониси“ на Халкидики, Грциј,а додека се обидувал да го спаси своето 8-годишно дете, кое ветерот го однел на отворено море. Како што соопшти крајбрежната стража во 11.30 часот, 48-годишен маж бил извлечен од морето во бесвест. Според „Прототема“, таткото се обидувал да го спаси синот, кој бил на душек, а силниот ветер го однел на отворено море. Момчето било спасено со чамец, а таткото не успеал да преживее.

Драма на плажа на Халкидики: Мало дете пронајдено само, еве зошто неговиот дедо ќе има проблем

Ивана Ефремовски — Tue, 15 Aug 2023 20:38:08 +0000

Вистинската драма се одвивала денеска на плажа на Халкидики. Момче (5) е забележано како шета само на плажа. Загрижените туристи веднаш ја известиле полицијата. -По долга потрага по родителите на момчето, полицијата дознала дека тој бил на плажа со својот дедо кој заспал на лежалка, пишува Прототема. Иако приказната има среќен крај, полицијата отворила случај против дедото за несовесно чување на детето.

Драма на Халкидики: Автомобил заврши во море на плажата во Неа Мудања (ВИДЕО)

Ристе Здравков — Thu, 10 Aug 2023 11:22:08 +0000

На плажата во популарното одморалиште Неа Мудања на Халкидики утрово се одвивала вистинска драма. Во морето бил најден потопен автомобил. Настанот се случил во вторникот на 8 август, по што интервенирала локалната шлеп служба. Според првичните сознанија, најверојатната причина поради која автомобилот завршил во морето, се претпоставува дека е откочување на рачната сопирачка. Во инцидентот нема повредени, бидејќи во возилото немало никој.

ФОТО+ВИДЕО: Водено торнадо на плажа во Халкидики

Магдалена Андонова — Sun, 14 Aug 2022 16:56:54 +0000

Влажниот бран што деновиве го погоди Балканот и донесе дожд во Македонија се префрли и во Грција. Па така македонските туристи на Халкидики денеска имаа можност да присуствуваат на метеоролошки феномен. ФОТО И ВИДЕО: 24инфо.мк

(ВИДЕО) „Тоа беше најлошиот роденденски подарок“, сведоштво на скопјанецот кој беше спасен на Халкидики

Ристе Здравков — Mon, 08 Aug 2022 09:39:33 +0000

Скопјанецот Иван (30) кој кој минатиот месец заедно со пријателите исчезна на отворено море од плажата Мити на Халкидики, но беше спасен по 20-тина часа од страна на грчките спасувачки служби ја раскажа својата шокантна приказна за преживувањето и спасувањето. „Вториот ден кога видов дека сите бараат по околните места. Тогаш сфатив дека веројатно нема да ме најдат“, вели Иван, опишувајќи низ што поминал и што размислувал во тие тешки часови. „Беше разочарувачки. Поминаа 20 скоро 21 час“. Тоа беше најлошиот роденденски подарок, во смисла на хоророт низ кој помина и кој го опишува за грчката телевизија СКАИ. Иван овој роденденски подарок никогаш нема да го заборави. Еден месец подоцна, во разговор со новинарот Христос Николаидис го опишува времето на теророт, кога струите го носеле од плажата Мити до Посеиди на Халкидики каде го прославувал својот роденден, 15 наутички милји подалеку, јужно од Касандра. Во тие моменти противник му е студот и темнината. Иван многу карактеристично го опишува „мирисот на смртта“ кој се чувствува кога во текот на ноќта нема надеж за спасување. „Тоа е исто како и секое друго чувство, вие само ја прифаќате вашата судбина, правите што можете и се концентрате на својот опстанок. Најдов мала топка, детска топка. Вториот ден беше тоа, само неколку часа по изгрејсонцето. Ја најдов топката во морето и допливав кон неа и ја држев со раце. Таа беше малку издишана. Беше разочарувачки“, вели Иван. „Само благодарам, вистинска благодарност до сите што учествуваа во моето спасување без разлика на нивната улога“, изјавува Иван, сеќавајќи се како се чувствувал кога сфатил дека хеликоптерот што лета над него го забележал. Сега Иван се обидува да го заборави тоа што се случи, но никогаш нема да престане, како што вели, да ги води сопствените битки, објави грчката телевизија. Кратко по исчезнувањето на 9.јули од морето е извлечен неговиот пријател Васил, а потрагата по Мартин Јовановски официјално, од страна на грчката крајбрежна служба ОФКАТ прекина пред десетина дена, но пријателите не се откажуваат и остануваат да го бараат по бреговите на Халкидики.

МАРТИН СЕ УШТЕ ГО НЕМА: Се огласи неговиот брат, еве како се одвива потрагата

Ивона Петрова — Tue, 02 Aug 2022 20:35:46 +0000

Потрагата по Мартин Јовановски продолжува. Неговиот брат Горан објави на социјалните мрежи дека продолжуваат самостојно во потрагата со волонтери, а вклучени се и другарите на Мартин. -Иако донациите се исклучени, потрагата сеуште продолжува. Завчера беше прегледан втор крак, вчера на прв, денеска над Катерини. Потрагата ја продолжуваме самостојно со волонтери и другарите на Мартин За жал се уште нема трага од Мартин, објави неговиот брат на Фејсбук. Минатата недела од грчки ОФКАТ објавија дека случајот со Мартин нема да биде затворен, но и дека истрагата продолжува како што велат на „второ“ ниво. https://kurir.mk/makedonija/vesti/ofkat-martin-pripagja-na-kopno-i-koga-togash-kje-se-vrati-da-go-pushtime-moreto-da-ja-napravi-svojata-rabota/

Братот на исчезнатиот Мартин Јовановски: Ги затвораме броевите за донации, потрагата се уште ќе продолжи – потребни ни се доброволци!

Магдалена Андонова — Thu, 28 Jul 2022 15:24:36 +0000

Од срце им се заблагодаруваме на сите хумани граѓани и сите волонтери што помогнаа во потрагата на Мартин Јовановски, вака ја започнува својата денешна Фејсбук објава братот на исчезнатиот Мартин Јовановски, Горан Јовановски. Тој информираше дека од денеска ги затвораат броевите и сметките за донација. - Потрагата се уште ќе продолжи и ќе продолжиме да бараме се додека немаме услови и средства. Доколку има доброволци со Дрон или волонтери со лиценца за чамец (или човек што има искуство со пента) ве молиме пишете во групата „Сите за Мартин“, повика Јовановски. Претходно, од грчки ОФКАТ објавија дека случајот со Мартин нема да биде затворен, но и дека истрагата продолжува како што велат на „второ“ ниво. https://kurir.mk/makedonija/vesti/ofkat-martin-pripagja-na-kopno-i-koga-togash-kje-se-vrati-da-go-pushtime-moreto-da-ja-napravi-svojata-rabota/?fbclid=IwAR376A6U7WpWcUZWKKaWPiOJHdNkNP-sECgHlbgCt_GvZIRqD0n9CIjYxUE

ОФКАТ: Мартин припаѓа на копно и кога тогаш ќе се врати, да го пуштиме морето да ја направи својата „работа“

Ивона Петрова — Thu, 28 Jul 2022 10:12:21 +0000

Дваесетти ден од потрагата на Мартин Јовановски која е без успех. Напорите тој да се пронајде изминативе денови не вложија резултати. Од грчки ОФКАТ објавија дека случајот со Мартин нема да биде затворен, но и дека истрагата продолжува како што велат на „второ“ ниво. -Денес затвораме 20 дена без Мартин.!!! Напорите за негово лоцирање цело ова време за жал беа неуспешни иако морето, копното и небото ги „измешавме“ со она што имаме на располагање и сите државни органи. Мартин не припаѓа на морето, Мартин припаѓа на копното и мора да се „врати“ таму во одреден момент. Па да го оставиме морето да си ја заврши „работата“ неколку дена со надеж дека во еден момент ќе ни се оддолжи. Сочувствуваме со неговото семејство и затоа нема да дозволиме случајот да се затвори! На мајката Лидија и неговиот брат Горан им ветивме дека ќе го најдеме Мартин. Потрагата сега продолжува на „второ“ ниво, велат од ОФКАТ. Неговиот пријател Иван, кој беше второпронајден по поминати над 20 часа во морето пред два дена објави фотографија на која се обележани местата каде било пребарувано. -Површината со плаво е помината од грчките служби. Површината со црвено е помината самостојно од нашата екипа, секое крајбрежје што не е проодно е поминато детално од наша страна. Истрагата продолжува од двете страни. Крајбрежната стража секојдневно ги информира пловните возила и рибарите, OFKATH продолжува со нивниот план, и ние со нашиот, објави Иван пред два дена. Трите момчиња на почеток на месецот беа повлечени од морските струи кај Посиди, на првиот крак на Халкидики. Претходно го прославувале роденденот на Иван. Првото момче беше набрзо пронајдено од сурфер кој ја информираше крајбрежната стража. Иван беше пронајден по поминати над 20 часа со вода, успеал да се одржи благодарение на полуиздижана топка која ја нашол во водата. Портагата по Мартин се уште трае.

Две недели откако Мартин исчезна на Халкидики, авион денеска ќе го прелета и делот околу Еврос и островот Тасос

Магдалена Андонова — Sat, 23 Jul 2022 10:25:47 +0000

И денеска продолжува потрагата во поширокиот дел на Халкидики и во Егејското Море за пронаоѓање на Мартин, кој пред точно две седмици, исчезна кај Посиди на првиот крак, откако со двајца пријатели влегле во морето. Волонтерскиот спасувачки тим ОФКАТ вели дека продолжуваат со потрагата не само во морскиот дел, туку и од воздух со помош на авион од аеро- клубот во Солун, кој денеска ќе го прелета и делот околу Еврос и островот Тасос. Членовите на ОФКАТ од првиот момент се на терен, секојдневно веќе 15-ти ден пребаруваат во различни делови, како на копно, така и во вода, а нивната потрага продолжи и по завршувањето на официјалната потрага што ја водеше крајбрежната служба на Грција. Христос Рамос, претседател на грчкиот волонтерски спасувачки тим изјави дека нема да запрат додека не го најдат Мартин -Оваа изјава ја дадов уште од самиот почеток и е ветување што му го дадов на семејството на Мартин. Официјалната потрага на Крајбрежната служба на Грција заврши минатиот четврток на 14 јули, а акцијата продолжи од волонтерски спасувачки тимови.