Халвор Егнер Гранеруд – Kurir.mk

Гранеруд најдобар во Германија

Бошко Тасиќ — Mon, 06 Feb 2023 05:53:19 +0000

Норвежанецот Халвор Егнер Гранеруд победи во Вилингем, Германија, со вкупно 273 поени, пред Јапонецот Рју Кобајаши (252,3) и уште еден Норвежанец, Данијел Андре Танде (249,2). 26-годишниот Гранеруд го забележа деветтиот триумф сезонава, инаку 22-ри во кариерата. На овој начин го заокружи фантастичниот месец и пол во Светскиот Куп. Норвежанецот победи на Новогодишната турнеја, во претходните дванаесет натпреварувања се искачи на подиумот, со што се израмни со втората најдобра серија. Во сезоната 2015/16, Петр Превц успеа да го стори истото. Само Финецот Јане Ахонен имаше подолга серија на подиум, во сезоната 2004/05.

Гранеруд е „златниот орел“ – 4 Скокалници за норвешкиот ас

Бошко Тасиќ — Sat, 07 Jan 2023 07:57:10 +0000

Норвешкиот ски скокач, Халвор Егнер Гранеруд е освојувач на новогодишната турнеја „4 Скокалници“, откако со фантастичен скок од 143.5 метри во втората серија триумфираше и во Бишофсхофен, негова трета победа на турнејата за „златнито орел“. По 138.5 и 143.5 метри, Гранеруд собра 313.4 поени, победувајќи пред Словенецот Анже Ланишек (140.5 и 139 метри) и Полјакот Давид Кубацки (135.5 и 140 метри). Со трите победи, Гранеруд собра 1.191,2 поени за победа пред Кубацки со 1.158,2 поени и Ланишек со 1.129 поени. „Се чувствував фантастично кога почна втората серија, а и времето беше многу подобро. Излегов добро и потоа само летав. Не можам да престанам да се смеам бидејќи не го очекував ова ниту во најлудите соништа“, вели 26-годишниот Гранеруд.

Втора победа на Гранеруд на новогодишната турнеја „Четри скокалници“

Бошко Тасиќ — Mon, 02 Jan 2023 08:01:02 +0000

Новогодишната турнеја во скијачки скокови „четири Новогодишни скокалници“, продолжи во германскиот Гармиш-партенкирхен.

Како и пред три дена во Оберсдорф, така и денеска, најдобар беше Халвор Егнер Гранеруд.

Младиот Норвежанец беше единствениот кој во двете серии имаше фантастични скокови. Вр првата долета до границиата од 140 метри, а во втората до 142 што беше повеќе од доволно да ја оствари својата втора победа на турнејата.

Зад него завршија Словенецот, Анже Ланишек и Давид Кубацки од Полска, кој останува лидер во генералниот поредок во Светскио куп.

По ова натпреварувачите се селат во австриските центри, Инсбрук и Бишсховен каде ќе се натпреваруваат на 4 и 6 јануари.

Гранеруд победник на првата од четирите скокалници на традиционалната новогодишна турнеја

Тале Кристо — Thu, 29 Dec 2022 18:09:45 +0000

Норвежанецот Халвор Егнер Гранеруд е победник на првиот натпревар од новогодишната турнеја „Четири скокалници“. На скоковите одржани вечерва во Оберздорф, Гранеруд до највисокото место на победничкиот подиум стигна со 312,4 бодови, односно прескокнати 142,5 метри во првата и 139 метри во втората серија. За Гранеруд ова беше 15 победа во кариерата и втора сезонава во Светскиот куп. Второто и трето место ги освоија полските ски-скокачи, Пјотр Жила и Давид Кубацки. Натпреварите продолжуваат традиционално на 1 јануари во Гармиш. (МИА)

Гранеруд и Кобајаши победници во Лахти

Бошко Тасиќ — Sun, 27 Feb 2022 20:48:25 +0000

Натпреварувањето во ски скокови во финскиот Лахти донесе необична ситуација во која двајца скокачи ја поделија победата – Норвежанецот Халвор Егнер Гранеруд и Јапонецот Рјоју Кобајаши имаа идентични 278.0 поени. Кобајаши скокна 125 и 130.5 метри, додека Гранеруд скокна 127 и 128.5 метри за да го споделат подиумот, додека третото место го освои победникот од петокот, Штефан Крафт со 271.3 поени и скокови од 124 и 128 метри. Ова беше втора победа на Гранеруд оваа сезона и 13. во Светскиот куп, додека Кобајаши сега има осум победи во 2021/22 и 27. во кариерата. Со победата, Кобајаши го помина Германецот Карл Гајгер во генерален пласман, откако тој беше само петти и сега разликата е 43 поени. Светскиот куп се сели во Осло, Норвешка следниот викенд.