хамбургер – Kurir.mk

ФОТО: Разочаран навивач се пожали на храната во Катар, плати 80 долари за два ладни мини бургери

Ивона Петрова — Wed, 23 Nov 2022 10:50:58 +0000

Навивач на Велс на Светското првенство во Катар се пожали поради малата порција храна на која потрошил 80 долари, а хамбургерите биле ладни. Високата цена и сомнителниот квалитет на храната и пијалоците во Катар стануваат главна тема меѓу навивачите на Светското првенство. Велшкиот навивач нарачал порција храна во луксузен хотел, каде можел да нарача и пијалок. Сепак, тој добил непривлечни ладни мини-бургери со мала порција сув компир. Фановите или треба да чекаат да купат пијалок во некоја од фан зоните или да бараат лиценцирани хотелски барови низ градот кои можат да продаваат алкохол на странци. Ова не е единствениот случај во кој навивачите се разочарувани од хрната во Катар. Навивачите претходно се жалеа на грчката салата од 9 долари која се служи во фан зоната.

НОВА ПОНУДА: Хамбургер за трудници, комбинации кои многумина никогаш не би ги пробале

Ивона Петрова — Tue, 17 May 2022 06:38:45 +0000

Германски „Бургер кинг“ воведе нова понуда на хамбургер – за трудници, а тоа стана интернет-хит поради комбинациите што содржат, покрај плескавица, секако – и банани, сладолед од ванила, јајца, маслинки, палачинки, свежи малини, шлаг… Изборот околу тоа што сѐ ќе содржи сендвичот, сепак, е на купувачката… „Изгледа дека сте побарале од шестгодишно дете да ги комбинира сите негови омилени јадења“, гласи еден коментар на Твитер. Сепак, иако на многумина им изгледа и им звучи прилично „бизарно“ и неспоиво, новата понуда има објаснување, а е наменето за сите идни мајки во Германија. Според „Бургер кинг“, тие се таму за „да ви ја остварат трудничка желба за хамбургер“. „Преку репрезентативно истражување кај идните мајки, ‘Бургер кинг’ го откри митот за необичните силни желби за храна во бременоста. Резултатот е: Таа силна желба за време на бременоста е најнормалната работа на светот и отпорот е речиси бесмислен“, се вели во соопштението. Според испитувањњата на „Бургер кинг“ во Германија, 58 отсто од жените чувствуваат необично силна желба за храна во бременоста. Трите најпопуларни чудни комбинации на храна кај идните мајки во оваа држава се – мармалад и кисели краставички, потоа – рибни стапчиња и сос од јаболка и, колбаси „Каривурст“ и маринирана харинга.

ВИДЕО: Бабичка чува хамбургер и помфрит од McDonald’s купен 1996-та година, погледнете како изгледа

Магдалена Андонова — Wed, 02 Sep 2020 12:42:53 +0000

McDonald’s е повторно во центарот на вниманието на социјалните мрежи откако на TikTok една девојка сподели видео од нејзината баба која чувала хамбургер и помфрит 24 години. Бургерот и компирчињата стоеле во картонска кутија во плакар. Ниту лепчето е мувлосано, на плескавицата нема знаци дека е расипана, а компирчињата би рекле дека се веројатно стоени еден ден. Погледнете го видеото на кое бабичката го отвора оброкот од McDonald’s купен во 1996-та година.

@aly.sherbMake this go viral, y’all ##grandparentsoftiktok ##mcdonalds ##fyp ##decadechallenge ##foryou ##happymeal ♬ original sound - aly.sherb

ВИДЕО: Закопал хамбургер и помфит, ги изел по 14 месеци

Ивона Петрова — Fri, 14 Feb 2020 09:43:00 +0000

Британец кој закопал Big Mac со шејк и помфрит кај пријател во двор пред 14 месеци, истите ги откопал и изел. Мет Надин купил Big Mac во 2018 година. Со помош на својот пријател оброкот во ставил во пластична кутија и го закопал во земја на неговиот 39 роденден. Неговата намера била оброкот да го изеде на неговиот 40 роденден, но дури 14 месеци по закопувањето дошло време за тоа. Како изгледал оброкот по повеќе од една година закопан под земја, погледнете во видеото.

Подобро два хамбургери, наместо еден со помфрит

Катерина Бојаџиева — Mon, 01 Jul 2019 11:52:32 +0000

Калориите што се внесуваат со брзата храна не е нималку добра работа, но нутриционистката Емили Филд советува наместо да ги броиме калориите, да се обрне повеќе внимание на самиот состав на храната што ја јадеме. Таа навведува дека е важно оброците да бидат урамнотежени и дека храната не треба да се дели на добра и лоша. -Протеините се гориво за вашите мускули и подолго ќе ве држи сити, додека јаглените хидрати ви даваат енергија, а мастите помагаат во апсорпцијата на витамини и минерали. Избалансиранниот внос на овие три компоненти во храната ќе го намали прејадувањето и ќе имате поголема контрола над чувството на глад, објасни Филд. Така, според неа, подобро е да се изедат два хамбургера наместо еден хамбургер со помфрит. Имено, компирчињата како замена за „другиот хамбургер“, го удвојува вносот на протеини, а ги намалува мастите и јаглените хидрати. Таа додаде дека брзата храна и онака е богата масти и јаглени хидрати, а има помалку протеини, па ова ќе помогне во одржувањето на потребното ниво на шеќер во крвта.

Лајпциг преку Хамбургер до историско финалето во германскиот куп

Дарко Андоновски — Wed, 24 Apr 2019 06:25:50 +0000

Прв финалист во фудбалскиот Куп на Германија е тимот на Лајпциг по победата на гостувањето кај Хамбургер со 3:1. За Лајпциг ова е најдобар резултат во историјата на националниот куп. До таков епилогот Лајпциг стигна со головите на Јусуф Поулсен, Василије Јаничиќ и Емил Форсберг. Единствениот гол за Хамбургер го постигна Бекери Јата. Во финалето, Лајпциг ќе игра со победникот на средбата Вердер Бремен – Баерн Минхен.

Фестивал на хамбургерите во Загреб- посетителите ќе уживаат во 70 вида хамбургери

Катерина Бојаџиева — Fri, 14 Sep 2018 14:19:10 +0000

Во Загреб вчера беше отворен Фестивалот на хамбургери, кој ќе трае до 23 септември. Посетителите на фестивалот, што се одржува на градскиот плоштад Штросмајер, наредниве десетина дена ќе може да уживаат во 70-на вида хамбургери. Годинава за гурманите на месото ќе се погрижат 18 хрватски бургер мајстори од Загреб, Пула и Сплит, со рецепти од цел свет. Минатогодишниот победник, компанијата „Мејсон Бургер енд Стаф“ ќе ги претстави новите „вински бургери“, „Ел Торо“ се насочи кон латино вкусот, а „Бургер Шампејн Бар“ ги најави своите специјалитети со пилешко. Тоа се само дел од годинешните странски натпреварувачи, а домашните ќе се претстават со своите оригинални локалани специјалитети, меѓу кои секако ќе биде и сплитскиот бургер од јагнешко.

Фестивал на хамбургерите во Загреб

Ивона Петрова — Fri, 14 Sep 2018 10:05:04 +0000