хамес родригез – Kurir.mk

Хамез Родригез ќе се врати во Премиер лигата

Бошко Тасиќ — Sat, 30 Apr 2022 14:08:16 +0000

Најдобриот стрелец на Светското првенство во 2014 година, Колумбиецот Хамес Родригез ја заврши својата авантура во Катар. Родригез е подготвен да го напушти Ал Рајан и да се врати во Европа. За овој клуб Колумбицот не настапил од 5.март. Родригез поради повреда не игра за Ал Рајан, меѓутоа се шпекулира дека тој намерно не сакал да игра. Медиумите во Јужна Америка објавија дека Родригез од наредната сезона повторно ќе игра во Премиер лигата и тоа во екипата на Вест Хем.

Реал Мадрид не го пушти Хамес во Атлетико

Тале Кристо — Fri, 02 Apr 2021 07:10:08 +0000

Фудбалерот за врска на Евертон, Хамес Родригез призна дека можел да се пресели во Атлетико. Во септември минатата година, Колумбиецот се пресели во Евертон од Реал Мадрид. – Бев договорен со Атлетико, но Реал не ме пушти. Трансферот беше скоро готов. Зошто не се случи ова? Треба да го прашате Флорентино Перез, го цитира Хамес „ESPN“. Оваа сезона, фудбалерот одигра 18 натпревари во Премиер лигата, постигна пет гола и четири асистенции. Евертон со 40 бодови по 28 кола во англискиот шампионат се наоѓа на осмото место.

Хамес го објави датумот на неговото враќање

Дарко Андоновски — Wed, 24 Mar 2021 08:40:46 +0000

Фудбалерот за врска на Евертон, Хамес Родригез откри кога ќе може да се врати на теренот по повредата. – Можам да играм на следниот натпревар на Евертон. Фала му на Бога, се чувствувам одлично и сакам повторно да излезам на теренот, изјави Хамес за „Caracol“. Во сезоната 2020/21, колумбискиот репрезентативец одигра 21 натпревар за Евертон, постигна пет погодоци и направи осум асистенции. Дваесет и деветгодишниот Родригез ги пропушти последните пет средби на тимот. Следниот натпревар Евертон го игра на 5 април против Кристал Палас во 30. коло од англиската Премиер лига.

Хамес Родригез и официјално во Евертон

Магдалена Андонова — Mon, 07 Sep 2020 20:25:20 +0000

Колумбискиот фудбалер Хамес Родригез од следната сезона ќе го носи дресот на Евертон. Овој трансфер беше најавуван претходните денови, а сега пристигна и официјалната потврда од клубот од Ливерпул. Договорот беше потпишан на две години со можност за продолжување на уште една. Висината на надоместокот што „карамелите“ ќе им го исплатат на „кралевите“ е 22.000.000 фунти. Родригез ќе го носи дресот со број 19.

?? | It's official... @jamesdrodriguez is a Blue! ?#AlóJames pic.twitter.com/hNDsLvtqtT
— Everton (@Everton) September 7, 2020

Евертон е во преговори со Реал за Хамес

Ивона Петрова — Wed, 26 Aug 2020 10:41:35 +0000

Фудбалерот од средниот ред на Реал Мадрид, Хамес Родригез може да ја продолжи кариерата во Англија. Според „Телеграф“, Евертон е заинтересиран за негово стекнување. Тренер на екипата од Мерсисајд е Карло Анчелоти, кој претходно работел во Мадрид и Баерн, каде играше Колумбиецот. Сè уште не е јасно колку ќе бара Реал за овој трансфер, иако се шпекулира за 25-30 милиони евра. Забележано е дека преговорите напредуваат добро за двата клуба.

Хамес ќе се пресели во Атлетико за 10-15 милиони евра

Магдалена Андонова — Wed, 05 Aug 2020 12:01:23 +0000

Фудбалерот од средниот ред на Реал, Хамес Родригез е близу до трансфер во Атлетико, пренесува „Goal.com“. Според порталот, 29-годишниот Колумбиец ова лето може да се пресели во Атлетико за сума од 10 до 15 милиони евра. Во сезоната 2019/20, Родригез одигра 14 натпревари за Реал Мадрид, постигна еден гол и две асистенции. „Transfermarkt.com“ ја проценува вредноста на играчот на 32 милиони евра. (MИА)

Родригез: Јас сум во Реал Мадрид заради сплет на околности

Дарко Андоновски — Mon, 29 Jun 2020 11:51:20 +0000

Играчот од средниот ред а Реал, Хамес Родригез изјави дека пред почетокот на сезоната сакал да го напушти тимот. –Нема да го именувам клубот, но имав можност да одам во одличен тим. Знаев дека нема да играм тука постојано. Не ми беше дозволено да заминам од различни причини. Јас сум тука заради околности, а не затоа што сакав. Не знаев дека ќе добијам толку голема минутажа. Се надевам дека во иднина ќе можам да играм уште повеќе. Знам дека имам талент и неопходно ниво. Со напорна работа е можно, истакна Родригез. Оваа сезона Колумбиецот има постигнато гол и асистенција на 14 натпревари.

Хамес може да ја продолжи кариерата во Наполи

Тале Кристо — Fri, 26 Jun 2020 16:14:51 +0000

Фудбалерот од средниот ред на Реал Мадрид, Хамес Родригез може да замине во Наполи, јавува Би-би-си, повикувајќи се на шпански „АС“. Според изворот, 28-годишниот Колумбиец не ја исклучува можноста да се пресели во италијанскиот тим, кој сакаше да го ангажира уште минатата година. За фудбалерот е заинтересиран и Атлетико. Родригез во сезоната 2019/20 настапи на 14 натпревари за Реал Мадрид, има еден гол и две асистенции. Порталот „Transfermarkt.com“ ја проценува цената на фудбалерот на 32 милиони евра.

Фудбалерите на Реал не се задоволни од Хамес и Бејл

Ивона Петрова — Tue, 05 Nov 2019 10:23:40 +0000

Повикувајќи се на информации од неколку фудбалери, во шпански медиум се појавија шпекулации дека играчите на Реал Мадрид не се задоволни од односот на Хамес Родригез и Герет Бејл. -Двајца играчи на „Реал“ не наоѓаат заеднички јазик со соиграчите. Зборуваме за играчите од средниот ред Хамес Родригез и Герет Бејл, пренесува „Либертад дигитал“. Играчите на мадридскиот клуб веруваат дека овие двајца ги кршат клупските правила и не покажуваат почит кон тимот. Според шпанските медиуми, Реал Мадрид веќе решил да се раздели со Бејл. Самиот Велшанец е исто така подготвен да го напушти тимот.

Родригез ќе ја продолжи кариерата во Наполи

Дарко Андоновски — Tue, 18 Jun 2019 18:26:47 +0000

Хамес Родригез и Баерн неодамна ја прекинаа својата соработка откако германскиот шампион, по двегодишен заем, не одлучи да ја активира клаузулата за откуп, договорена со Реал Мадрид и да биде обврзан со постојан договор, а денес „ЕСПН“ објави дека Хамес ќе ја продолжи својата кариера во Наполи. Во случај да го откупеше договорот, Баерн ќе требаше да му даде на Реал 42,5 милиони евра за халфот, но нема да биде ништо од тоа, па Родригез ќе се пресели во Италија по 67 натпревари во Бундеслигата, во кои постигна 15 гола и дели 20 асистенции. Колумбиецот кај Нико Ковач барал сигурно место во стартните 11, а во Баерн не можеле да му го ветат тоа, па поради неговото незадоволство дошло и до тензии во соблекувалната на баварците, по што Ковач и лидерите на клубот одлучиле дека е паметно да го вратат во Мадрид. Анчелоти гледа во Колумбиецот еден од главните играчи за изградба на нов тим со кој ќе се обиде да ја сопре доминацијата на Јувентус следната сезона. Наполи ќе го земе на заем за кој ќе плати 10 милиони евра, а потоа ќе има право да го купи за сума меѓу 30 и 40 милиони евра, во зависност од договорот на клубовите, додава изданието.