хамилтон – Kurir.mk

Продолжува доминацијата на Хамилтон во Формула 1 шампионатот

Тале Кристо — Sun, 01 Nov 2020 14:27:23 +0000

Британецот Луис Хамилтон побдеи на денешната трка во Имола возена за Големата награда на Емилија Ромања. За Хамилтон ова е 93. победа во кариерата, 10-та оваа сезона и 72 како возач на Мерцедес. Клупскиот колега на Хамилтон, Валтери Ботас го освои второто место, додека трет беше Даниел Рикардо. Тимот на Мерцедес со новите бодови на неговите пилоти, по 13 трки во сезоната ја обезбеди седмата шампионска титула по ред во конкуренција на конструктори. Место во првите 10 уште обезбедија: Данил Квјат од Алфа Таури, Шарл Леклер од ферари, Серхио Перез од Рејсинг Поинт, Карлос Сајнц и Ландо Норис од Мекларен, Кими Раиконен од Алфа Ромео и Антонио Џовинаци исто така од Алфа Ромео. Во Генераалниот поредок лидер е Хамилтон со 282 бода, Ботас има 197, трет е Макс Верстапен со 162.

Норис се извини за кажаното дека рекордот на Хамилтон „не значи ништо“

Тале Кристо — Wed, 28 Oct 2020 08:09:45 +0000

Пилотот на Мекларен, Ландо Норис, се огласи на Твитер и се извини за неговото неодамнешно интервју. Претходно, Норис изјави дека рекордот на Луис Хамилтон по бројот на победи во Формула 1 „не му значи ништо“. Морам да се извинам, бев глупав и несовесен кога кажав некои работи во медиумите. Јас не покажав соодветна почит кон одредени луѓе. Јас не сум таков човек, затоа мора да им се извинам и на луѓето што ги повредив и на оние што ги читаат или слушаат моите зборови, напиша Норис на Твитер. Хамилтон во неделата ја забележа 92. Победа во Формула 1 шампионатот и постави нов рекорд соборувајќи го досегашниот на Михаел Шумахер кој изнесуваше 91 победа.

Хамилтон победи на трката во Германија и го стигна Шумахер по број на победи во Формула 1

Тале Кристо — Sun, 11 Oct 2020 14:50:14 +0000

Возачот на Мерцедес, Луис Хамилтон е победник на 11. трка сезоната 2020 во Шампионатот во Формула 1 возена попладнево за Големата награда на Германија. За Хамилтон оба беше 91-ва победа за Британецот по што го изедначи рекордот на легендарниот Михаел Шумахер. Втор на „Нирбургринг“ заврши Макс Верстапен (Ред Бул), додека трет беше Даниел Рикиардо (Рено). За Рикиардо ова е прв подиум во кариерата. Пласман на првите десет: 1. Луис Хамилтон (Мерцедес) 2. Макс Верстапен (Ред Бул) 3. Даниел Рикиардо (Рено) 4. Серхио Перез (Рејсинг Поинт) 5. Карлос Саинц (Мекларен) 6. Пјер Гасли (АлфаТаури) 7. Шарл Леклер (Ферари) 8. Нико Хулкенберг (Рејсинг Поинт) 9. Ромен Грожан (Хас) 10. Антонио Џовинаци (Алфа Ромео).

Четврти триумф по ред за Хамилтон на патеката „Каталуња“

Тале Кристо — Sun, 16 Aug 2020 15:12:49 +0000

Актуелниот светски шампион во Формула 1, Луис Хамилтон, попладнево забележа уште една победа, четврта во низа, на патеката „Каталуња“ во Барселона. За возачот на Мерцедес, ова беше 88. победа во кариерата, по која дојде на само три од рекордот на Михаел Шумахер. Водено, Британецот по 156-ти пат се избори за подиум и стана најдобриот во историјата во оваа статистичка категорија. Второто место на шпанското Гран-при го освои Макс Верстапен од Ред Бул, додека трет беше Валтери Ботас од Мерцедес. Бодови во Барселона денес освоија и Перез, Строл, Сајнц, Фетел, Албон, Гасли и Норис кои редоследно се пласираа од 4-10. место. Во Генералниот поредок по шест трки во Ф1 шампионатот, Хамилтон ја зголеми предноста на врвот и сега има 132 бода, пред Верстапен кој собра 95 и Ботас со 89.

Фетел: Јас сум мојот најголем непријател, а не Хамилтон

Ристе Здравков — Fri, 14 Sep 2018 10:13:21 +0000

Екипата на Ферари има побрз автомобил оваа сезона во Формула 1, но Хамилтон и Мерцедес водат во пласманот. Според експертите, тоа се должи во огромна мера на грубите грешки кои ги допушта Себастијан Фетел - единствениот пилот кој има реална шанса да се натпреварува со Хамилтон за титулата. На повеќето луѓе им е тешко да ги признаат своите грешки, а Фетел не е исклучок. Себастијан, сепак, направи критичка самоанализа пред Големата награда на Сингапур. - Сметам дека работите за мене се јасни. Јас сум си својот најголем непријател. Имаме одличен автомобил, ги имам сите услови да напаѓам, и шансите се на наша страна. Очигледно Луис е лидер во моментов, тој води и тој мора да биде надминат, но според мене ги имаме сите шанси - но дали ќе успееме да ги искористиме сега и во иднина - тоа е друго прашање, изјави пилотот на Ферари. Фетел го сврте вниманието и кон претстојната трка. Тој истакна дека стартот во Сингапур е најтешкиот за пилотите - физички и ментално - и дека човек никогаш не се чувствува целосно подготвен. Од друга страна пак, предизвикот е одличен, па затоа лично не може да го дочека почетокот на викендот. Себастијан стартувал од пол-позицијата на „Јас Марина“ рекордни четири пати. Тој водеше од стартот до финишот во 2011, 2013 и 2015, а во 2013 направи т. н. „Голем слем“ (водство во секоја обиколка и најбрза обиколка).

Ферари „на тапет“ во италијанските медиуми

Ристе Здравков — Tue, 04 Sep 2018 07:44:39 +0000

Италијанските медиуми распалија по Ферари откако не успеаа да ја претворат пол позицијата во победа за прв пат по 2010 година. Себастијан Ветел се судри со Хамилтон во првиот круг и заврши на крајот на гридот оставајќи го Кими сам да се бори за победа. Сребрените стрели го оставија Раиконен беспомошен, каде Валтери Ботас го блокираше Раиконен кој ги потроши гумите и не успеа да се одбрани од Хамилтон. Фернандо Алонсо останува последниот кој има победено за Ферари на Монца. Раиконен освои пол позиција со најбрз круг во историјата на Ф1, но не супеа да ја прекине серијата од 109 трки без победа. За Gazzetta dello Sport ова беше “Автогол на Ферари” бидејќи тие изгубиле се. Corriere dello Sport објавија “Трката во Италија стартуваше лоши и заврши уште полошо” Историскиот преден ред на Монца беше уништен во првиот круг – беа дел од насловите на италијанските медиуми. Тифозите на крајот ја искажаа својата фрустрација со извици кон Хамилтон и Ботас на подиумот. Хамилтон изјави дека секој фан има свое мислење за различен возач и тим.

Sulla #Gazzetta in edicola oggi ⚽ Serie A, non c'è l'anti Juve ⭐ Quagliarella, che capolavoro ? Gp d'Italia, autogol Ferrari ✍️ La frittata monzese. E molto altro! pic.twitter.com/90G6VGHVaB
— LaGazzettadelloSport (@Gazzetta_it) September 3, 2018