хана хуљиќ – Kurir.mk

Убавата Хана најголема поддршка за Петар Грашо: Сите го слушаат него, но гледаат во неа (ФОТО)

Ивана Ефремовски — Fri, 11 Nov 2022 21:41:30 +0000

Петар Грашо непосредно пред неговиот концерт се појави во друштво на сопругата Хана Хуљиќ, која вечерва во белградската „Арена“ ќе биде негов најголем поддржувач во публиката. Пејачот ги распродаде сите билети за вечерашниот настап во Белград, а во публиката беа многу негови колеги и луѓе од јавниот живот на Србија. Меѓу првите пристигна кошаркарот Дејан Томашевиќ, кој исто така е добар пријател со Грашo, потоа Иван Босиљчиќ и Јелена Томашевиќ, тенисерот Филип Краиновиќ со неговата девојка Николина Ковач... Пред концертот, пред новинарите и фоторепортерите, пејачот излезе да ги раскаже впечатоците од неговото доаѓање во Белград, а Хана цело време беше со него. -Убаво е да се има поддршка од поубавата половина, но и од сите останати четвртини и шестини што ги има. Моето семејство е тука, моите пријатели се тука, сите се тука, истакна пејачот чиј гостин вечерва ќе биде таткото на неговата сопруга, Тончи Хуљиќ. „Тончи е гостин, но всушност не е гостин, тој е член на семејството. Без него немаше да бидам тоа што сум“ – истакнува пејачот. Нивното бебе, девојчето Алба, кое се роди во јуни, вечерва ќе го чуваат неговите баби.

Изгледа одлично по породувањето: Сопругата на Петар Грашо ја покажа својата природна убавина (ФОТО)

Ивана Ефремовски — Fri, 30 Sep 2022 17:40:44 +0000

Сопругата на музичарот Петар Грашо се породи на 17-ти јули и на свет донесе преслатко девојче Алба, а изгледот на Хана Хуљиќ само два месеци по породувањето е одличен. Имено, Хана за прв пат се појави во јавноста по пораѓањето, пред неколку дена кога присуствуваше на церемонијата на доделување на европските награди за филмска музика која се одржа во Сплит. Пејачката на настанот дојде со членовите на семејството - мајката Вјекослава, таткото Тончи и братот Иван, а бидејќи Хуљиќ ретко се појавуваат заедно во јавноста, многумина беа изненадени. Целото внимание, слободно можеме да кажеме, го украде сопругата на Петар Граша, која блесна во портокалова модна комбинација, а изгледот на Хана Хуљиќ остави многумина без здив бидејќи линијата ја доведе до совршенство. Фустанот кој го избра одлично и прилегаше, а сите погледи беа вперени во убавата дама, додека нејзините препознатливи локни и многу дискретната шминка ја истакнаа нејзината природна убавина. Ништо помалку елегантна не беше ниту мајката на Хана, која важи за жена со одличен вкус за мода.

View this post on Instagram

A post shared by @showbizz_fotke

ПРВИ ФОТОГРАФИИ: Еве како изгледа Хана Хуљиќ два месеци по породувањето

Ивона Петрова — Wed, 28 Sep 2022 10:15:31 +0000

Два месеци по раѓањето на ќерката Алба, Хана Хуљиќ се појави во Сплит на доделувањето на европската награда за филмска музика. Хана ана настанот се појави во друштво на мајката Вјекослава, таткото Тончи и братот Иван, но нејзиниот сопруг Петар Грашо го немаше. Таа го привлече вниманието на присутните облечена во портокалов фустан, која ја истакнуваше нејзината фигура со минимална шминка на лицето. Вјекослава пак, се одлучила за црн деколтиран фустан. Хана се породи во јули со царски рез, а Петар Грашо не можеше да биде крај неа бидејќи имаше претходно закажан настап.

Хана Хуљиќ проговори за мајчинството, па одговори дали со Петар ќе прават уште една свадба

Ивана Ефремовски — Fri, 19 Aug 2022 07:56:42 +0000

Хана Хуљиќ и Петар Грашо на 17-ти јули станаа родители на ќерката Алба, која секој ден ги прави посреќни. Имено, ќерката на Тончи Хуљиќ сега откри како се снашла со родителството. -Ми се допаѓа улогата на мајка. Добро сум. Сега малку ја смирувам затоа што има грчеви. Се обидувам да ја заспијам, низ смеа Хана зборува за својата ќерка и се навраќа на насловите и написите во весниците за неа и Петар, кои се појавуваат речиси секој ден. -Секој ден читам по нешто ново за мене и Питер, па престанав да реагирам, вели новопечената сопруга на популарен пејач. Воедно, таа ги коментира гласините дека наесен двајцата ќе направат уште една поголема свадбена веселба. -Искрено, веќе не знам од каде доаѓаат тие зборови. Не планираме уште една свадба, рече тaa.

ПЕТАР ГРАШО СТАНА ТАТКО: Се породи Хана Хуљиќ и на свет донесе девојче со уникатно убаво име

Магдалена Андонова — Sun, 17 Jul 2022 19:51:45 +0000

Хана Хуљиќ денеска го роди своето прво дете - девојче. Ова е прво бебе на парот, а тие се венчаа на почетокот на оваа година. Бебето требаше да дојде на свет на 23 јули, но реши да дојде неколку дена порано. Сопружниците веќе открија дека ќерката ќе ја именуваат Алба. За потсетување, Петар Грашо и Хана Хуљиќ се венчаа во Сплит во саботата на 19 февруари, во црквата Свети Доминик, опкружени со семејството и блиските пријатели. Неодамна Хана настапи во Загреб кај Томиславац. Хуљиќ одржаа поп концерт - МИСА МЕДИТЕРАНА, нивно авторско дело, во Томиславац во Загреб. По тој повод таа даде интервју за магазинот Story.hr. - Имав мала нервоза, гласот ми беше малку поинаков поради бременоста, затоа не учествував на целата миса, но задоволна сум како помина се – изјави убавата сплиќанка по настапот, откривајќи ги нејзините мали тајни за бременоста. -Кога одев на проби за миса, а пред настапот, ќерка ми ме шутираше. Нема да ја мачам повеќе до породувањето, низ смеа ни изјави Хана. А колку брачниот живот и татковството на Грашо му го промениле секојдневието, изјави тој откако се ожени на 19 февруари во Сплит со девојката што ја познава речиси цел живот: - Имам слатко исчекување, доаѓа нешто ново, мало битие. Тоа е најубавиот печат до крајот на животот. Дали се плашам? Не. Среќен сум, сакам деца, сега кога ќе дојде моето дете се надевам дека ќе му ја дадам љубовта што ми ја дадоа моите родители.

Хана Хуљиќ: Петар има настап на денот на терминот за породување

Ивона Петрова — Sun, 03 Jul 2022 20:37:06 +0000

Сопругата на Петар Грашо, Хана Хуљиќ брои ситно до породување, а крајниот термин и е 23 јули. Во изјава за магазинот Стори.хр открива дека деновиве ќе оди во шопинг за ќерката која ја очекуваат, но и дали Грашо ќе биде покрај неа за време на породување. -Има настап и на денот на терминот за породување. Но, секој слободен момент е со нас, вели Хана. Како што претходно е познато, Хана и Петар одлучиле на ќерката да и го дадат името Алба.

ФОТО: Каква слика, Данијела Мартиновиќ и Хана Хуљиќ една до друга

Ивона Петрова — Mon, 06 Jun 2022 08:48:27 +0000

Веќе е познато дека Петар Грашо и Данијела Мартиновиќ ја завршија 25 годишната врска, по што хрватскиот пејач стапи во љубовен однос со Хана Хуљиќ со која се ожени, а наскоро го очекува и првото дете. Хана е ќерка на познатиот хрватски музичар Тончи Хуљиќ кој е долгогодишен пријател и соработник и на Данијела и на Петар. Па, така пред се приватните средби и дружби биле чести. Сега се појави стара фотографија на која Данијела и Хана се една до друга. Во октовмри 2015 година Петар Грашо одржувал концерт во загребската арена. Од публиката поддршка му давале тогашната девојка Данијела, но и неговата сегашна љубов Хана која присуствувала на концерот со својата мајка Вјекослава. На заедничката фотографија уште се и познатиот словенечки готвач кој на Грашо му беше кум.

НЕМА НАЗАД! Петар Грашо ја отвори душата за свадбата: Направивме грешка, поинаку ја замислував нашата венчавка

Магдалена Андонова — Fri, 11 Mar 2022 15:28:15 +0000

Венчавката на Хана Хуљиќ и Петар Грашо го привлече вниманието на јавноста, која продолжува со подеднаков интерес да го следи секој чекор на младенците. Како што стивнуваа впечатоците, популарниот пејач ги откри деталите од венчавката со ќерката на долгогодишниот пријател и соработник Тончи Хуљиќ. - Ако има двајца луѓе кои сакаат да бидат помалку експонирани надвор од својата работа, тогаш тоа сме Хана и јас. Медиумите само си ја вршеа работата, не се додворувам. Разговарав со моите пријатели новинари. Им реков: „Луѓе, што више?!“, откри Петар. Грашо во таа прилика призна и дека тој и Хана направиле грешка која многу влијаела на нивните свадбени планови. - Бевме само двајца кои сакаа да се венчаат во кругот на пријатели, но направивме мала грешка. Колку повеќе се затворавме, толку повеќе бевме опкружени. Ми беше важно тонот да е поважен од сликата. Кога стигнавме пред црквата, моравме да и пријдеме со автомобил, што ми се чинеше чудно. Замислив дека ќе биде за рака, низ град - истакна Петар и призна зошто посакувал се да е само скриена камера. - Видов толку многу новинари, телевизиски екипи и луѓе што во еден момент навистина помислив дека тоа е скриена камера, што секој ќе рече: „Еј, не си толку важен, само се шегуваме овие месеци“, рече тој.

Откриен полот на бебето на Петар Грашо и Хана Хуљиќ

Катерина Бојаџиева — Mon, 28 Feb 2022 13:37:04 +0000

Пејачот Петар Грашо претходната недела (19.02.2022) се ожени со 14 години помладата партнерка Хана Хуљиќ. Двојката наскоро ќе станат родители, односно го очекуваат своето прво дете, а сега е откриен полот на бебето. Како што пишуваат медиумите, Петар и Хана очекуваат девојче. Како што пренесува „РТЛ ексклузив“, Хана ќе се породи во јули, а на свет ќе донесе ќерка. Како што се пишува, Петар и Хана овој детаљ го споделиле на свадбената церемонија. Грашо пред еден месец првпат зборуваше за бременоста на Хана. -Ми требаше време, најверојатно како на секој човек, да се освестам за ова прекрасна информација и живееме во преубаво исчекување. Кога ќе ги затвориме вратите од нашиот дом, ние сме нормално семејство кое очекува принова, изјави пејачот. За потсетување, Петар пред да се венча со Хана беше во 24 годишна врска со Данијела Мартиновиќ.

ПРВИ ФОТОГРАФИИ: Еве каде беше Данијела додека се венчаа Петар Грашо и Хана Хуљиќ

Ивона Петрова — Sun, 20 Feb 2022 14:06:44 +0000

Медиумите во регионот со голем интерес ги следат сите случувањата околу свадбата на Петар Грашо и Хана Хуљиќ која се случи вчера. По објавите на свадбените фотографии од младенците и многу детали околу прославата денеска хрватските медиуми пишуваат каде била вчера Данијела Мартиновиќ која со Грашо беше 24 години во љубовна врска. Данијела присуствувала на свадба во Загреб каде ги забавувала гостите. Била облечена во црвен долг фустан кој ја истакнувал нејзината фигура. Според пишувањата на загреб.инфо таа била одлично расположена и насмеана, а за младите имала посебна порака. -Танцувајте низ животот и да не ви е гајле, држете ритам и на никого не му давајте тоа да ви го украде, порачала Данијела со насмевка на лицето. Петар (45) и Хана (31) која е ќерка на познатиот музичар Тончи Хуљиќ кој со години соработува со Грашо, наскоро ќе станат родители.