хана – Kurir.mk

(Видео) Хана го урна ѕидот на Трамп

Ристе Здравков — Mon, 27 Jul 2020 07:12:44 +0000

Првиот ураган од оваа сезона на Атлантикот, Хана, ослабна до ниво на тропска депресија, откако вчера го погоди Тексас. Силниот ветар преврте камиони и урна далноводи, но и дел од ѕидот на границата со Мексико.

Hurricane Hanna really said “fuck Trump n his wall”??? pic.twitter.com/8yiRN8qwyi
— Abigail? (@ab_igailmorales) July 27, 2020

На видео снимка објавена на социјалните мрежи се гледа како ветрот го руши неодамна изградениот дел од ѕид на границата меѓу САД и Мексико. Хана стигна до островот Падре во саботата попладне како ураган од прва категорија на скалата од пет степени, по што се спушти во округот Кенеди во Тексас и се прошета низ дел од таа сојузна американска држава која беше сериозно погодена од коронавирусот. Поради невремето без струја останаа над 280.000 домови.

Ураганот „Хана“ двапати за еден час го погоди брегот на Тексас

Дарко Андоновски — Sun, 26 Jul 2020 08:25:53 +0000

Ураганот „Хана“ синоќа го погоди брегот на американската сојузна држава Тексас, проследен со силни ветрови и невреме, заканувајќи се и со поплави, па дури и торнада. Првиот ураган сезонава на Атлантикот за нешто повеќе од еден час двапати го погоди копното, како бура од прва категорија, пренесуваат американските медиуми. Ураганот го погоди копното околу 5 часот попладнето, околу 24 километри северно од Порт Менсфилд и 209 километри јужно од Корпус Кристи, проследен со ветрови со брзина од 145 километри на час, соопшти Националниот центар за урагани. Многу делови од Тексас, вклучувајќи го и подрачјето погодено од невремето, во последните неколку недели се соочија со голем раст на бројот на заразени лица од Ковид-19, но локалните власти велат дека се подготвени за сите можни последици од ураганот. Гувернерот на Тексас, Грег Абот, прогласи состојба на катастрофа во 32 окрузи што се на патот на невремето. -Не можеме да дозволиме овој ураган да доведе до уште покатастрофална и смртоносна ситуација, со поттикнување на натамошно ширење на Ковид 19, што може да доведе до нови жртви, рече Абот. Ураганот „Даглас“ денеска се очекува да ги погоди Хаваи.

Крајбрежните делови на Тексас се подготвуваат за удар на ураганот „Хана“

Дарко Андоновски — Sat, 25 Jul 2020 14:38:43 +0000

Крајбрежните делови на американската сојузна држава Тексас се подготвуваат за ударот на ураганот „Хана“, што според американскиот Национален центар за набудување на ураганите се очекува попладнево или вечерва по локално време. „Хана“ утринава беше класифицирана како тропска бура, а се наоѓаше на околу 145 километри источно-североисточно од Порт Мансфилд, во Тексас, предизвикувајќи ветрови со бризина од околу 120 километри на час, пренесуваат британските медиуми. Се очекува ураганот дополонително да се засили пред да го погоди копното од правец на Атлантикот, но потоа, движејќи се на копно, брзо ќе ослабне, соопшти Центарот, чие седиште се наоѓа во Мајами, на Флорида.

ФОТО: Фудбалскиот свет тагува со Луис Енрике

Ивона Петрова — Fri, 30 Aug 2019 07:30:12 +0000

Веста за смртта на 9-годишната ќерка на поранешниот тренер на Барселона и шпанската репрезентација, Луис Енрике го потресе светот на фудбалот. Трагичната вест ја објави лично Енрике на неговиот профил на Твитер, откривајќи дека Хана ја изгубила битката со ракот на коските. Поради прогресијата на болеста кај детето, Енрике посака да биде ослободен од репрезентацијата на Шпанија, истакнувајќи за причината „длабоки лични причини“. До неодамна, само членовите на семејството Енрике знаеја за болеста на Xaнa, која тој ја држеше подалеку од центарот на вниманието. Неговата сопруга Елена Квиел, со која се заедно од 1997 година, никогаш не била јавна личност. Двојката има уште две деца – синот Пачо (19) и ќерката Сира (18). Веќе во првите минути по објавувањето, тој доби многу пораки од поранешни и сегашни играчи, кои изразија сочувство за огромната лична загуба. „Моето сочувство до Луис Енрике и неговото семејство во ова најтешко време. Ние сме со вас“, напиша Лионел Меси во Инстаграм. Капитенот на Реал Мадрид, Серхио Рамос исто така не остана рамнодушен. „Целата наша поддршка и љубов се за вас и вашето семејство. Нема зборови за утеха, но ние секогаш ќе бидеме тука за вас“, напиша Рамос. Пораки напишаа и Алваро Мората, Гаиска Мендиета, Давид Силва, Серхио Бускетс, Жерард Пике, дури и францускиот клуб Ница се приклучи на бесконечниот список. „Искажуваме искрено сочувство на Луис Енрике и неговото семејство. Сите наши мисли се насочени кон нив“, напиша во официјалниот профил на Твитер.

Уште од мали нозе со моден погодок: Мама Тамара се пофали со новата фризура на Хана (ФОТО)

Дарко Андоновски — Thu, 28 Feb 2019 13:07:57 +0000

Една од најактивните корисници на социјалните мрежи дефинитивно е пејачката Тамара Тодевска која често објавува фотографии и ги известува корисниците за своите активности. Најчесто објавува видеа, фотографии од неа или нејзината ќерка Хана која со своите реакции ќе ве освои на прва. Дури и има прекрасни модни комбинации кои одлично и стојат на нејзините години. Деновиве, мама Тамара и Хана посетија фризерско студио, а и овој момент пејачката не го криеше и го сподели на социјалните мрежи. Имено, во кратките приказни на „Инстаграм“, Тодевска се пофали со новата фризура на ќеркичката која секогаш знае како да позира. Oваа година Тамара ќе не претставува на Евровоизја во Тел Авив, а на својот „Фејсбук“ јавно се обрати и кажа дека таа вечер ќе пее за ќерката Хана. ИЗВОР: ВИСТИНА.МК

ВИДЕО: Меган Маркл покрај толпата луѓе препозна обожавателка од Инстаграм, нејзината реакција ги воодушеви сите

Ивона Петрова — Wed, 31 Oct 2018 15:36:24 +0000

Меган Маркл и принцот Хари, последниве денови ги поминаа во Нов Зеланд, во склоп на својата прва кралска турнеја. Каде и да се појавеле, војводата и војвотката од Сасекс предизвикувале воодушевување, а вчера во Окленд се случило нешто навистина невообичаено за кралското семејство. Меган Маркл во толпата луѓе ја препозала Хана Сергел, својата обожавателка од Инстаграм. Хана ја следела Меган многу порано пред да стане волку позната, а Меган наводно ѝ помагала да се избори со некои психички проблеми. Хана покрај толпата луѓе, држела натпис „Хана е, од Инстаграм“, а Меган го забележала тоа и тргнала кон неа. „Дојди“ ѝ рекла и силно ја прегрнала и со тоа го изненадила обезбедувањето, а и сите присутни. Хана ѝ дала писмо на Меган, кое таа го прифатила, па се претпоставува дека ќе останат во контакт, судејќи по тоа дека не се слушнале откако Меган го деактивирала својот Инстаграм профил.

Хана наскоро ќе добие братче, Тамара откри како ќе се вика синот

Ивона Петрова — Tue, 11 Sep 2018 07:46:12 +0000

Тамара Тодевска ужива во седмиот месец од бременоста и тоа не ја спречува да биде активна. Тодевска наскоро ќе станае мајка по втор пат и тоа на син, односно нејзината помала ќерка ќе добие братче. Пејачката беше гостинка во емисијата „Ексклузив“ на ТВ1, каде што откри дека во втората бременост се чувствува одлично и дека нема никакви потешкотии. Таа изјави дека со Хана не можеш да застанеш ни 10 секунди, но објасни дека и втората бременост не и носи некои “маки“ и дека постојано е активна. Во спомнатата емисија пејачката откри како ќе се вика бебето. „Бидејќи е машко, најверојатно ќе се вика Дарен“, изјави Тамара. извор: Вистина.мк