хановер – Kurir.mk

Некој сака да ми ја “скине“ главата: Дарко Лазиќ се огласи по скандалозната снимка од него

Ивана Ефремовски — Mon, 05 Jun 2023 19:00:46 +0000

Неодамна на социјалните мрежи се појави видео од настапот на Дарко Лазиќ во Хановер на кое може да се види како тој само ја отвора устата, пеејќи ги хитовите на легендарниот Синан Сакиќ. Веднаш снимката беше наречена скандалозна бидејќи Дарко важи за еден од најдобрите пејачи, па го обвинија дека не пее во живо и дека не ги почитува колегите чии песни изведува. Во оваа прилика се огласи Дарко Лазиќ кој откри дека некој намерно се обидувал да го саботира и постојано да објавува монтирани клипови во јавноста. -Секое видео што ми го праќаа од социјалните мрежи е направено намерно. Се работи за некои луѓе кои не ми посакуваат добро и кои саботираат се. Не мислите ли дека е чудно што ова се појави два дена пред промоцијата на мојот нов албум? Некој сака да ми ја “скине“ главата, некој се обидува, а јас ќе дознаам зошто, вели пејачот. Дарко додава дека е сигурен дека две-три снимки нема да го уништат целиот труд што го вложил во досегашната кариера. -Ја имам поддршката од колегите, а секој кој барем еднаш дошол на мојот настап знае како пеам и работам. Давам сто проценти од себе и нема сомнеж во тоа. Ќе дознаам кој ме мести, па веднаш ќе ве известам, истакна тој.

Македонскиот ракометен репрезентативец Кузмановски позитивен на коронавирусот

Магдалена Андонова — Mon, 01 Feb 2021 18:57:58 +0000

Филип Кузмановски, кој е дел и е еден од нашите најдобри ракометари во Македонската репрезентација е позитивен на коронавирусот. Оваа информација ја сподели неговиот клуб, германскиот бундеслигаш Хановер. Според обајвата на официјалната страница на Хановер, нашиот бек позитивниот тест го добил по враќањето од Египет каде настапуваше за Македонската репрезентација на Светското првенство во ракомет. Како што информираат, немал никакви директни контакти со играчите и е во домашна изолација. За жал, Кузмановски некое време нема да може да игра за својот тим.

ДПА: Повеќе од 7.000 лица протестираа во Хановер против марш на екстремната десница

Тале Кристо — Sat, 23 Nov 2019 19:08:28 +0000

Повеќе од 7.000 лица излегоа денеска на улиците на Хановер во знак на поддршка на слободата на печатот, во време кога во градот се одржуваше и марш на екстремната десница на кој беа напаѓани критичките новинари, јави ДПА. Премиер на Долна Саксонија, Стефан Вајл, исто така, присуствуваше на собирот за заштита на слободата на печатот. Овој контра протест беше организиран како одговор на митингот организиран од Националната демократска партија на Германија (НПД), на која се посериозно се гледа како на неонацистичка група. „На митингот на НПД учествуваа 120 лица“, соопшти на Твитер хановерската полиција, пренесе ДПА. Министерот за внатрешни работи на Долна Саксонија, Борис Писториус и новиот градоначалник на Хановер, Белит Онај, исто така, планираа да зборуваат на овој контра тротест. Полицискиот оддел на Хановер првично го забрани настанот на НПД, изјавувајќи дека со него ќе се загрози јавниот ред и мир. НПД се жалеше и забраната беше укината откако административниот суд на Долна Саксонија, во втор степен, утврди дека забраната е непропорционална. Контра протестот мина мирно, наведе полицијата, која на Твитер исто така соопшти дека неколку демонстранти се обиделе да ги пробијат бариерите на маршот на НПД, но тие биле спречени да го сторат тоа. Притоа уапсени се четири лица, пренесе ДПА.

ФОТО: Евакуација во Хановер поради бомба од Втората светска војна, откажан и концерт

Ивона Петрова — Tue, 03 Sep 2019 07:30:14 +0000

Повеќе од 15 илјади луѓе се евакуирани во Хановер во Германија поради бомба, останата од Втората светска војна, објави Хановерс алгемајне цајтунг. Германските медиуми посочуваат дека поради бомбата тешка 500 килограми, пронајдена вчера попладне на едно градилиште, биле евакуирани 15.200 лица. Во таа област во прекин е и сообраќајот на подземната железница. Поради бомбата и евакуацијата откажан е и концертот на британскиот музичар Роџер Хоџсон.