Ханс-Дитер Флик – Kurir.mk

Флик нема да добие отказ од германската репрезентација поради довербата на ДФБ

Тале Кристо — Sun, 04 Dec 2022 12:11:58 +0000

Селекторот на Германија, Ханс Дитер Флик, ќе ја задржи функцијата во националниот тим. Како што објави „Sport1.de“, прашањето за оставката на 57-годишниот стручњак не се разговара и покрај елиминацијата на германската репрезентација од плејофот на Светското првенство. Членовите на извршниот комитет на Германскиот фудбалски сојуз (ДФБ) се уште му веруваат на Флик. Селекторот е високо ценет и од многу играчи на репрезентацијата. Се истакнува дека претседателот на ДФБ Бернд Нојендорф очекува Флик да го анализира настапот на германската репрезентација на Светското првенство во 2022 година и да даде предлози за решавање на проблемите за домашното ЕУРО 2024 година. Следната недела ќе се одржи состанок во Франкфурт на кој ќе учествуваат челниците на Флик и ДФБ. Репрезентацијата на Германија заврши на третото место во групата Е на Светското првенство и не се пласира во осминафиналето.

Флик: ПСЖ постигна три гола речиси без шанси

Дарко Андоновски — Thu, 08 Apr 2021 06:56:09 +0000

Тренерот на Баерн, Ханс Дитер Флик го коментираше поразот на неговиот тим во четвртфиналето од Лигата на шампионите против ПСЖ (2:3). – Противниците постигнаа три гола без скоро никакви шанси. Имавме многу можности, Баерн можеше да постигне добар резултат, но реализацијата не беше на најдобро ниво. Како и да е, задоволен сум од нашата игра, истакна Флик. Тој смета дека не е се завршено и на реваншот е можно да се надополни негативата. – Ни претстои уште еден натпревар. Има многу да се игра. Можеме да се вратиме резултатски. За тоа ќе ни требаат најмалку два гола. Имаме квалитет за такво нешто, додаде Флик. Реваншот меѓу ПСЖ и Баерн Минхен ќе се одржи на 13 април во Париз.

Флик личност на годината во изборот на „Кикер“

Тале Кристо — Mon, 28 Dec 2020 15:09:32 +0000

Престижниот германски спортски магазин „Кикер“ го прогласи тренерот на Баерн Минхен, Ханс-Дитер Флик з аличност на 2020 година. Педест и петгодишниот фудбалски специјалист во 2020 година, освои пет трофеи со клубот од Минхен, вклучувајќи ги Бундеслигата и Лигата на шампионите. Минатата година оваа номинација ја освои тренерот на Ливерпул, Јирген Клоп.

Флик: Левандовски е апсолутен стрелец

Магдалена Андонова — Mon, 05 Oct 2020 09:16:53 +0000

Тренерот на Баерн, Ханс-Дитер Флик го пофали напаѓачот Роберт Левандовски за неговиот натпревар од 4:3 против Херта во третото коло од Бундеслигата. Полјакот ги постигна сите четири гола за Баварците. При процена на оваа победа, мора да се земат предвид сите околности. Не е така лесно за фудбалери кои не се 100 проценти подготвени за игра. Знаеме дека мора да играме подобро дефанзивно и да извршиме подобар притисок врз противниците. Во моментов ни недостасуваат неколку проценти. Она што особено ме радува е менталитетот на тимот. Момците покажаа апсолутна волја за победа. По паузата, мора повторно да започнеме со прикажување на добриот фудбал што сите го сакаме. И покрај целиот замор, можете да ја покажете вашата игра, истакна Флик. Роберт Левандовски го демонстрираше ова – од шансите што ги имаше, постигна голови. Тој е апсолутен стрелец. За мене е важно тој да внесе и други елементи: делење пасови и вежбање во одбрана. Затоа, јас сум многу задоволен од тоа. Левандовски има уникатни квалитети, додаде Флик.

Флик ги освои сите турнири во својата прва сезона како тренер

Тале Кристо — Mon, 24 Aug 2020 06:53:55 +0000

Баерн ја освои Лигата на шампионите 2019/20 совладувајќи го синоќа ПСЖ со 1:0 во финалето, додека Ханс-Дитер Флик стигна до трофејот во својата деби сезона како главен тренер.

Претходно оваа сезона, Флик го предводеше Баерн Минхен до титулите во Бундеслигата и во Купот на Германија.

Педесет и петгодишниот играч се приклучи на тренерскиот тим на Баерн летото во 2019 година и стана помошник тренер Нико Ковач, но Хрватот доби отказ во ноември.

Флик прво беше назначен за в.д. главен тренер, а потоа и одобрен на функцијата до крајот на сезоната.

Во април договорот со Флик беше продолжен до летото 2023 година.

Флик: Го направивме првиот чекор, следната цел е Купот на Германија

Ивана Ефремовски — Wed, 17 Jun 2020 07:05:56 +0000

Тренерот на Баерн, Ханс-Дитер Флик, по освојувањето на трофејот во Бундеслигата, истакна дека е направен првиот чекор. -Честитки за тимот. Начинот на кој игравме во последните месеци е страст, карактер, задоволство од играта, тимски дух. Момците имаат неверојатно ниво, а тренерскиот персонал им верува. Ова е Баерн Минхен, и секогаш си поставува највисоки цели. Ние го направивме првиот чекор. Следната цел е Купот на Германија. Лигата на шампионите не може да се испланира. Ќе има само еден натпревар. Ќе мора да бидеме во одлична форма, изјави Флик. Баерн по вчерашната победа над Вердер на две кола пред крајот го обезбеди трофејот во Германското фудбалско првенство. (МИА)

Баерн е најефикасниот тим во ТОП 5 лигите во Европа

Ивона Петрова — Thu, 06 Feb 2020 07:09:50 +0000

Баерн Минхен синоќа го совлада Хофенхајм со 4:3 во осминафиналето на фудбалскиот Куп на Германија и ја задржа високата ефикасност. Баварците имаат просек од 3,4 голови по натпревар, откако во ноември на тренерското место дојде Ханс-Дитер Флик. Германскиот шампион го има најдобриот просечен учинок во петте најдобри лиги во Европа (Германија, Франција, Англија, Италија и Шпанија) за овој период. Со 54-годишниот тренер, Баерн го одигра 14. официјален натпревар, со биланс од 48 постигнати и 11 примени голови.