Ханс Флик – Kurir.mk

Флик претстојниот натпревар помеѓу Баерн и Борусија Дортмунд го нарече посебен

Тале Кристо — Sat, 06 Mar 2021 09:20:54 +0000

Тренерот на Баерн Минхен, Ханс Флик ги сподели своите очекувања за натпреварот од 24. коло на Германскиот фудбалски шампионат против Борусија Дортмунд. – Натпреварите против Борусија се секогаш посебни за нас. Сите наши дуели се многу квалитетни во последните неколку години. Дортмунд има силен тим, иако има проблеми оваа сезона. Ние мора да го покажеме нашиот најдобар фудбал, го цитира Флик, официјалната веб-страница на Баварците. Почетокот на натпреварот е вечер во 18:30 часот. Домаќинот на дербито, тимот на Баерн е лидер во Бундеслигата со 52 бода по 23 кола. Борусија Дортмунд се наоѓа на петтата позиција со 39 бода.

Тренерот на Баерн ја откри тактиката против ПСЖ

Ивона Петрова — Sun, 23 Aug 2020 08:42:19 +0000

Ханс Флик, тренерот на Баерн Минхен, изјави дека неговиот тим ќе може да го победи Пари Сен Жермен само ако е на највисоко можно ниво. – Ќе се обидеме да играме колку што е можно подобро, нашиот најдобар фудбал, и само ако го сториме тоа, ако дадеме 100 проценти, ќе можеме да победиме врвен тим како Пари Сен Жермен. Ги гледавме сите нивни натпревари и секако, тие имаат многу квалитет. Во тој поглед, тие се многу слични на Барселона. Важно е да ги пресечеме линиите и да не им се даде шанса да ја пренесат топката во нашиот простор. Имаат брзина и тие се врвен тим со неверојатни играчи, рече Флик на прес-конференцијата во Лисабон. Тренерот на германскиот клуб изјави дека Баерн ќе се обиде да го наметне нивниот стил на игра. – Во текот на претходните десет месеци се обидовме да го наметнеме нашиот стил на игра на секој натпревар и секогаш игравме високо. Досега имавме резултати, па нема да ја промениме тактиката премногу, рече Флик. Флик изјави дека настапот на дефанзивецот Џером Боатенг, кој ќе тренира со тимот еден ден пред натпреварот, сè уште е неизвесен.

Флик ја смета Борусија за една од најдобрите екипи во Европа

Тале Кристо — Tue, 26 May 2020 16:03:55 +0000

Тренерот на Баерн, Ханс Флик ги сподели своите очекувања за дуелот со Борусија Дортмунд во 28. коло на Германското фудбалско првенство. Екипите ги заземаат првите две места на табелата. – Одлично е кога две вакви добри екипи се спротивставуваат едни на други. Во зима, Борусија беше засилена со двајца играчи кои имаат неверојатен менталитет. Џан и Холанд се извонредни. Овој тим е меѓу најдобрите во Европа. Во Лигата на шампионите, тие скоро успеаја да го минат ПСЖ. Ќе мора да покажеме оптималната игра, изјави Флик. Натпреварот Борусија Дортмунд – Баерн Минхен се игра денес од 18:30 часот.

Флик: После паузата, Баерн со својот фудбал сака да го импресионира целиот свет

Тале Кристо — Fri, 15 May 2020 17:58:19 +0000

Тренерот на Баерн, Ханс Флик, зборуваше за желбата на неговиот тим да демонстрира брилијантен фудбал по враќањето на германскиот шампионат 2019/20 од паузата поврзана со пандемијата на коронавирус. – Во принцип, малку што ќе се смени, освен тоа што сите на клупата ќе треба да носат маска. Играчите и јас разговаравме за нивните тековни способности и очекувања. Повеќе од 200 земји ќе ги следат нашите натпревари, ова е прилично голема публика, пред која можете да се покажете. После оваа пауза поради пандемијата, сакаме да им покажеме на нашите гледачи највисоко ниво фудбал. Сакаме да го импресионираме светот, изјави Флик. Во првиот натпревар по пауза, Баерн в недела ќе гостува кај Унион Берлин.