Ханси Флик – Kurir.mk

Флик: Јас сум вистинскиот селектор за оваа репрезентацију

Бошко Тасиќ — Sun, 10 Sep 2023 07:09:48 +0000

Фудбалската репрезентација на Германија беше неочекувано декласирана од селекцијата на Јапонија среде Волфсбург со 1:4. Тоа е шокантен резултат за домашната екипа, бидејки скоро никој не очекуваше ваков резултат, па дури и најголемите оптимисти од Јапонија. Гостите до предност доаѓаат во 11. минута, за во 19. Германија да изедначи преку Сане на 1:1. Но пред да се оди на одмор, гостите повторно ја враќаат предноста (1:2). Во вториот дел продолжи бледата игра на Германија, а Јапонија го зачини натпреварот со уште два гола за конечни 1:4. Фановите на Германија веќе го повикаа селекторот Ханси Флик да отстапи од селекторската функција, бидејки резултатите под негово раководство се шокантно. „Се обидуваме да го подготвиме тимот перфектно, мислам дека работиме добро, сметам дека јас сум вистинскиот човек за клупата на Германија“, порача Ханси Флик по натпреварот. Во октомври играат против Америка и Мексико, а во ноември играат против Австрија и ако не им тргне на подобро, тешко дека Флик ќе ја преживее оваа календарска година.

Ханси Флик ќе остане селектор на Германија

Бошко Тасиќ — Thu, 08 Dec 2022 07:24:46 +0000

Фудбалскиот сојуз на Германија ги реши сите дилеми откако соопшти дека му верува на Флик и не планира да му даде отказ. „Мојот стручен штаб и јас сме оптимисти за Европското првенство. Како тим, може да постигнеме многу повеќе од тоа што го покажавме во Катар. Ќе ја научиме лекцијата“, кажа Флик. Поранешниот тренер на Баерн Минхен ќе остане селектор на Германија до крајот на својот договор, односно 2024 година.

Флик: Мојот омилен шпански играч не доби повик за мундијалот

Бошко Тасиќ — Sun, 27 Nov 2022 05:56:41 +0000

Ханси Флик верува дека Германија има доволно време да ја поправи ситуацијата и ќе мора да брка победа и три бода против импресивниот тим на Шпанија. Селекторот на Германија не штедеше комплименти и за противничкиот тим и посебно го пофали Луис Енрике, но истовремено призна дека во „фуријата“ го нема неговиот омилен шпански фудбалер, на кого инаку му беше тренер во Баерн Минхен. – Нависитна многу го почитувам Луис Енрике, многу го ценам тоа што го прави и работи. Секогаш разговараме кога ќе се видиме и пријатно е да се зборува со него. За жал, мојот омилен шпански играч не е повикан на мундијалот, станува збор за Тиаго. Фактот што не е повикан еден таков играч, најдобро говори каков избор има во Шпанија. Според мене, Бускетс е срцето во тимот на Шпанија и едвај чекам да дојде утрешниот меч за да ги одмериме силите на теренот, – изјави Флик на пресот.

Флик: Сега сме под голем притисок

Бошко Тасиќ — Thu, 24 Nov 2022 06:02:34 +0000

Германскиот селектор Ханси Флик не го криеше разочарувањето после поразот од Јапонија и призна дека тимот сега ќе биде под голем притисок. Германија доживеа шоканетн пораз од Јапонија, иако имаше водство на полувремето со голот на Гундоган. „Можеме да се обвинуваме само себе си. Ова е големо разочарување. Имавме 78% од посед на топката во првото полувреме, во вториот дел имавме многу шанси кои не ги искористивме. Јапонија очигледно не победи со подобра ефикасност. Направивме индивидуални грешки кои не треба да се направат“, изјави Флик. „Јасно е дека сега ќе бидеме под голем притисок. Но, има уште шест бода во групата и сакаме да ги освоиме“, додаде селекторот.

Уште едно големо име поради повреда го пропушта СП

Бошко Тасиќ — Fri, 04 Nov 2022 06:09:00 +0000

Фудбалерот на Лајпциг и репрезентативец на Германија, Тимо Вернер, ќе го пропушти Мундијалот во Катар поради повреда. Во мечот против Шахтар во ЛШ, Вернер беше изваден од игра во 16. минута, па беше неизвесно закаква повреда станува збор. Тој го повредил скочниот зглоб. „Скенерот за жал покажа дека лигаментот е скинат, така да Тимо Вернер нема да игра до крајот на 2022 година, најмалку“, порачаа од клубот на Вернер.Селекторот на Германија, е разочаран од ваквиот епилог. „Тажна вест, беше решен да игра на Мундијалот, го исчекуваше, но ништо од тоа. Неговото отсуство е голема загуба за репрезентацијата, му посакуваме брзо заздравување“, порача Ханси Флик.

Флик: Многу ми се допаѓа Елмас, техничи е многу добар

Ристе Здравков — Sun, 10 Oct 2021 16:55:47 +0000

Селекторот на германската репрезентација, Ханси Флик има посебни пофалби за Елиф Елмас во пресрет на утрешниот меч против Македонија. Утре Македонија и Германија имаат нов дуел, и двете репрезентации се со нови селектори во однос на мечот во Дуизбург. Селекторот на Германија, Ханси Флик посебно внимание му посвети на Елиф Елмас. „Македонија е селекција која сака да игра фудбал и која е технички одлична. Елмас е фудбалер кој многу ми се допаѓа. Игра во Наполи и технички е многу добар, плус ни даде гол на првиот меч. Со нетрпение го чекам мечот со Македонија која нема пораз откако Милевски е дојден“, вели Флик.

Флик го објави списокот на фудбалери со кои ќе настапи против Македонија

Бошко Тасиќ — Fri, 01 Oct 2021 21:04:55 +0000

Германската фудбалска репрезентација ќе и гостува на Македонија во рамките од квалификациите за пласман на Светското првенство во Катар. Тимот предводен од Хенси Флик ќе игра за одмазда за поразот од првата средба во Дуизбург со 2-1. Германскиот селектор го објави списокот фудбалери со кои ќе гостува во Скопје. Во тимот се враќа голманот Тер Штеген, а ќе го нема и искусниот Матс Хумелс. Еве го и комплетниот список на играчи:

Голмани: Лено, Нојер, Тер Штеген
Одбрана: Клостерман, Керер, Гинтер, Раум, Рудигер, Шлотербек, Зуле
Среден ред: Адејеми, Гнабри, Горецка, Кимих, Хаверц, Хофман, Милер
Напад: Нojхаус, Мусиала, Ројс, Сане, Вирц, Вернер

Натпреварот меѓу Македонија и Германија се игра на 11 октомври. Претходно, нашата репрезентација ќе и гостува на селекцијата на Лихтенштајн.

Јувентус во Флик гледа наследник на Пирло

Тале Кристо — Wed, 21 Apr 2021 16:11:04 +0000

Актуелниот италијански првак Јувентус, кој сезонава има резултати под очекувањата, ќе му врачи отказ на тренерот Андреа Пирло на крајот од првенството, а за негов наследник ќе настојува да го донесе стратегот на Баерн Минхен, Ханси Флик. Ова денеска го тврди германскиот весник „Билд“, потсетувајќи на неодамнешната одлука на 56-годишниот Флик да го напушти бундеслигашот од Минхен ова лето поради затегнатите односи со спортскиот директор Хасан Салихамиџиќ. Јувентус од поодамна ја загуби битката во Серија А за одбрана на титулата, а неизвесен е и неговиот настап во Лигата на шампиони (ЛШ). На седум кола до крајот на шампионатот, Јувентус е на последното, четврто, место кое носи учество во ЛШ.

Oфицијално Флик го напушта Баерн Минхен

Бошко Тасиќ — Sat, 17 Apr 2021 17:31:21 +0000

Германскиот стратег Ханси Флик и дефинитивно го напушта Баерн Минхен а за неговата желба го информирал клубот уште во средата, а денес им соопштил и на фудбалерите. „Ќе го прекинам мојот договор ова лето. За мене беше важно тимот да дознае, управата на клубот ја информирав уште по елиминацијата од ПСЖ“, изјави Флик за „Скај“. Флик во Баерн дојде во ноември 2019 година како замена за Нико Ковач и со германскиот гигант успеа да освои се: Бундеслигата, германскиот куп, Лигата на шампионите, УЕФА Суперкупот, германскиот Суперкуп и Светското клупско првенство.

Флик смета дека 2020 година е одлична за Баерн

Магдалена Андонова — Thu, 10 Dec 2020 10:27:29 +0000

Тренерот на Баерн, Ханси Флик ги сумираше резултатите остварени во годината што изминува. Баварците синоќа го победија Локомотив во 6. коло од Лигата на шампионите (2:0) и се пласираа во плејофот како првопласирани во групата. До крајот на 2020 година им остануваат уште 3 натпревари во Бундеслигата. – Ни преостануваат уште три натпревари оваа година. Со нетрпение ги очекуваме, сакаме да завршиме со висок интензитет. 2020-та беше одлична за нас. Ќе дадеме се од себе за да постигнеме позитивни резултати на средбите што ни преостануваат, и секако ќе се трудиме така да биде и во 2021 година, изјави Флик. Годинава Баерн покрај германски стана и европски шампион. (МИА)