Харден – Kurir.mk

Клиперс и Филаделфија се договорија за размена на Харден

Ивана Ефремовски — Tue, 31 Oct 2023 08:12:40 +0000

Раководствата на Лос Анџелес клиперс и на Филаделфија се договорија за трејд во кој ќе биде вклучен и Џејмс Харден, објави инсајдерот на „ESPN“, Адријан Војнаровски. Заедно со 34-годишниот Харден, на Клиперс ќе им се приклучи Пи Џеј Такер. Во Филаделфија одат Роберт Ковингтон, Николас Батум, Маркус Морис и Кенион Мартин Јуниор, како и пик од драфтот. Харден побара трејд од Сиксерс во јуни. Во август, за време на посетата на Кина, кошаркарот неколку пати го нарече претседателот на Филаделфија Дерил Мори „лажго“, истакнувајќи дека односите со клубот не можат да се обноват. Подоцна Харден се пријавил доцна во тренинг-кампот на 76-те и го поминал поголемиот дел од тренингот надвор од тимот. Џејмс нема играно ниту еден натпревар од почетокот на новата сезона во НБА. (МИА)

Прва победа на Бруклин со Дурант, Ирвинг и Харден во составот

Тале Кристо — Sun, 24 Jan 2021 09:14:27 +0000

Екипата на Бруклин нетс ја забележа првата победа со Кајри Ирвинг, Џејмс Харден и Кевин Дурант во составот. Ноќеска Бруклин го совлада Мајами хит со 128:124. Најефикасен кошаркар на мечот беше Бем Адебајо од Мајами со 41 поени, при тоа забележа и девет асистенции и пет скока. Во победничкиот состав се истакнаа Дурант со 31 и Ирвинг со 28 поени. Третиот член на „ѕвездената тројка“ Харден, средбата ја заврши со „дабл-дабл“ – 12 поени и 11 асистенции. Бруклин по 18 натпреври има 10 победи и се наоѓа на 5.место во Источната конференција од НБА лигата, додека Мајами го претрпи деветтиот пораз на 15 дуел и се наоѓа на 13,позиција.

Харден сака да оди во Бруклин или Филаделфија

Тале Кристо — Tue, 17 Nov 2020 08:30:36 +0000

Кошаркарот на Хјустон, Џејмс Харден, сака да го напушти клубот од Тексас. Претходно беше објавено дека тој доставил официјално барање за размена. Според новинарот на „Атлетик“, Шамс Харанија, преферирани опции за размена на Харден се Бруклин и Филаделфија. Од друга страна, Хјустон, пак, е подготвен да ги задржи и него и Расел Вестбрук во тимот. Триесет и едногодишниот Харден игра за Хјустон од 2012 година. Во 2018 година беше избран за најкорисен играч во НБА.

Вестбрук ги демантираше информациите за конфликтот со Харден

Магдалена Андонова — Sat, 14 Nov 2020 09:45:52 +0000

Кошаркарот на Хјустон рокетс, Расел Вестбрук ги демантираше информациите на новинарот Стивен Еми Смит за наводен негов конфликт со првата ѕвезда на „ракетите“, Џејмс Харден. Смит најави и можно заминување на Вестбрук од Хјустон. -Ова е целосно измислена информација. Добра ноќ на сите! – напиша Вестбрук под објавата на новинарот Смит од „ЕСПН“ на Инстаграм. Претходно беше објавено дека 32-годишниот Американец е незадоволен од тоа како тече неговата кариера во Хјустон и дека не сака да игра со Харден. (МИА)

Харден за повредата на Вестбрук: За мене, ништо не се менува!

Тале Кристо — Sun, 16 Aug 2020 08:39:13 +0000

Sвездата на Хјустон Рокетс, Џејмс Харден го коментираше отсуството на неговиот соиграч Расел Вестбрук. Плејмејкерот „Рокетс“ се опоравува од растегнување на квадрицепсот и ќе ги пропушти првите неколку натпревари од плеј-оф серијата со Оклахома. Харден истакна дека отсуството на Рас нема да го промени начинот на кој игра, но тоа сигурно ќе влијае на перформансите на тимот. – За мене, ништо не се менува, без разлика кој е на паркетот, мојата агресивна игра останува непроменета. Она што ќе ни недостасува е неговата можност да се пробие кон кошот, да ја повлекува на себе одбраната и да создава шанси за нашиот тим. Ние сме навистина опасен тим, кога немаме проблеми со повреди, изјави „брадата“ за „Атлетик“.