хари локвенец – Kurir.mk

Локвенец: Наскоро тендер за третата фаза од пругата кон Бугарија

Ивана Ефремовски — Thu, 06 Apr 2023 06:14:47 +0000

Во завршна фаза е подготовката на тендерската документација за надзорен инженер и за техничка помош, како и за градба за последните 24 километри од железничкиот Коридор 8 кон Република Бугарија. Со поддршка на сите владини институции и на Мисијата на ЕУ во Скопје, ја подготвуваме документацијата, а очекувањата се дека за скоро време ќе биде објавен тендерот и до крај на годината ќе имаме избран изведувач, вели во интервју за МИА, Хари Локвенец, директор на ЈП Железници на РСМ Инфраструктура. Со него разговаравме по повод претстојниот јубилеј - 150 години железнички сообраќај во државава. Тој вели дека е евидентен прогресот на тековните активности за првите две фази од пругата кон Бугарија, а очекува изведувачите да ги завршат овие проекти во предвидениот рок. Во интервјуто, Локвенец се осврнува и на подготовките за тендерот за третата фаза и експропријацијата за тој дел, а до крајот на 2027 година очекува да го завршиме нашиот дел од источното крило на железничкиот Коридор 8. Најавува дека до крајот на мај ќе биде завршена реконструкцијата на дел од Коридорот 10 на потегот од Ногаевци до Неготино. Овој јубилеј го одбележуваме со долгогодишниот проект во најава, за пруга кон Бугарија, каде од крајот на октомври повторно има работа на терен. Како се одвиваат активностите за првите две фази, што е направено досега од изведувачите? - Првите две фази, од Куманово до Бељаковце во должина од 31 километар и од Бељаковце до Крива Паланка во должина од 34 километар. Прво, според критериумите на Европската Банка за Обнова и Развој која е финансиер на кредитот, на овој дел од пругата, меѓутоа и според мислења на други релевантни чинители од професијата имаме избрано капацитативни фирми, за првата фаза австриската конзорциум Штрабаг и за втората фаза турската фирма Гулермак. Прогресот и на двете фази е евидентен и очекуваме дека и двете фирми своите проекти ќе ги завршат во предвидениот рок. Во истата објава беше и реконструкцијата на дел од Коридорот 10 на потегот од Ногаевци до Неготино, ја работи компанијата Штрабаг и според плановите на понудата и според реализацијата на терен, реални се очекувањата дека до крајот на мај оваа реконструкција ќе биде завршена во предвидениот рок. Во врска со кадровскиот потенцијал можам слободно да кажам дека во овој момент како водач на Македонски железници инфраструктура сум почестен да работам со вакви работници, кои до максимум се вложуваат себеси и да бидам искрен железничарите се посебна категорија на луѓе, категорија со огромно и неизмерно чувство на припадност и одговорност кон сопствената професија и работата која ја работат и ја завршуваат. Кога веќе зборуваме за историја, би сакал да напоменам дека темелот на секое напредно и револуционерно движење во Македонија биле железничарите со своите прогресивни размислувања, со својата важност во сите процеси и со чистата мисла и бистрата идеја како да се стигне до посакуваните резултати. Во моментов сме во фаза на обновување на стручниот кадар во Железници-инфраструктура преку користење на искуството и знаењата на скоро пензионираните инженери и експерти во оваа област со нивен ангажман за трансфер на нивното знаење искуство кон помладите инженери и вработени во другите области на железницата. Зошто водете сметка, ние во овој момент го ставаме акцентот на градбата на новите пруги, меѓутоа железницата е многу повеќе водење на сметка за безбедноста и сигурноста во железничкиот сообраќај, а тоа подразбира безбедноста и сигурноста на патниците, генерално на македонските граѓаните. Баш заради тоа потребен ни е трансфер на знаење на инженерско, меѓутоа и искуство од сите други области и сфери поврзано со функционирањето на железничкиот сообраќај. Кога зборуваме за финансии сметам дека во овој период евидентна е поддршката и од страна на Владата преку македонскиот Буџет, меѓутоа и од страна на Европската Унија преку своите механизми на доделување на грантови од типот на ИПА Програмите и Програмата Western Balkan Investment Framework (WBIF) или Инвестициската рамка на Западен Балкан преку која ЕУ со грант средства ги помага нашите проекти. И овде би сакал да потенцирам дека за разлика од другите земји корисници на овие средства во релативна бројка како процент во учество во вкупните проекти, ЕУ на ниво од 50 проценти учествува со грант средства по наш речник “со пари без пари”, “со бакшиш пари”, “со поклон пари” како би не поддржала за реализација на овие проекти. Се надевам дека до формалното зачленување на македонската држава во ЕУ ќе продолжи овој тренд од околу 50 проценти поддршка со грант средства од ЕУ, а со самото зачленување дека истата ќе порасне на 85 проценти, која е пракса во останатите земји-членки на Европската Унија. Кога зборуваме за првите две фази, после подолго време можам со задоволство да кажам дека почна изградбата на првите две фази од вкупно три на источното крило на пругата кон Бугарија.

СДСМ ја потврди автентичноста на бомбата за мафијата на Заев, тој бил премиер и врховен судија

Дарко Андоновски — Sun, 23 Feb 2020 12:14:17 +0000

СДСМ ја потврди автентичноста на аудио разговорот за мафијата на Заев, ова денеска преку реакција на прес-конференцијата на Хари Локвенец го истакнаа од ВМРО-ДПМНЕ. -Во тој разговор се гледаат три работи: Прво, криминалецот Зоран Заев е во исто време премиер и врховен судија, договара одлуки на Врховниот суд и се фали дека без него не се може во судството. Второ, криминалецот Зоран Заев вели трас-трас Врховен суд ќе донесе одлука по желбата на Заев, а Катица Јанева го знае тоа и ги движи работите по тој терк. Трето, криминалецот Заев договара закон за јавно обвинителство кое ќе ги падне случаите, ако не тука е Врховен тоа да го направи, се потенцира во рекацијата. Од партијата додаваат дека видовме дека криминалецот Зоран Заев бил близок со Јово Вангеловски кого пред медиумите лажно го напаѓа. -Зоран Заев е главата на октоподот. И главниот сатрап на судството. Криминалецот Зоран Заев е во исто време премиер и врховен судија Клучен доказ дека мафијата има своја држава. Денес Зоран Заев треба да е со лисици на раце и да одговара за своите злодела, стои во партиската реакција на ВМРО-ДПМНЕ.

Локвенец нов потпретседател на СДСМ, се разговара и со жена од бизнисот?

Предраг Кукиќ — Tue, 18 Jun 2019 11:16:43 +0000

Пратеникот Хари Локвенец се споменува како еден од можните нови потпретседатели на СДСМ, објави весникот „Независен“, повикувајќи се на високи партиски извори. Според „Независен“, се очекува старо-нови потпретседатели на партијата да бидат Оливер Спасовски, Дамјан Манчевски и Мухамед Зекири, кои не беа избрани во новиот Извршен одбор, но по автоматизам ќе станат дел од ова тело како потпретседатели. Петтото потпретседателско место, пак, е резервирано за жена, за што, објави весникот, веќе било разговарано со личности од бизнис-секторот.

ВМРО-ДПМНЕ: Локвенец пред да излегува на пресконференции треба подетално да ја праша својата шефица за хаосот во кој ја втурна одбраната

Предраг Кукиќ — Sat, 24 Nov 2018 15:17:35 +0000

Радмила Шекеринска и СДСМ ја имаат зацрнето македонската одбрана. Армијата служи за потсмев поради неодговорноста и аматеризмот на власта. Хари Локвенец пред да излегува на прес конференции треба подетално да ја праша својата шефица за хаосот во кој ја втурна одбраната. Шекеринска од недостаток на резултати мора да се резили и да примопредава гуми, стои во реакцијата на ВМРО-ДПМНЕ до Хари Локвенец. Од партијата додаваат дека војниците повеќе месеци во текот на оваа година беа оставени без превоз од нивното место на живеење до касарните во кои работат, па беа принудени да се снаоѓаат сами, да се организираат и да го покриваат сето тоа од свој џеб. -Армијата и армиските ресурси, како што се армиските хеликоптери се користат за развезување по кафани и скапи ресторани. Министерството за одбрана наместо во приоритетни работи, пари вложува во купување на морски плодови, алкохол и апетисани. Со Шекеринска на чело одбраната тоне. Шекеринска и СДСМ како и во сите други сегменти на државата и општеството така и во одбраната имаат внесено само црнила, потенцираат од ВМРО-ДПМНЕ.

Милошоски до Локвенец: СДСМ и како опозиција ги уриваше македонските преговарачките позиции за името во преговорите со Грција

Ивана Ефремовски — Tue, 06 Nov 2018 18:35:18 +0000

Пратеникот на ВМРО-ДПМНЕ, Антонио Милошоски во своето гостување во емисијата „Отворено“ на телевизија Алфа во дебата со пратеникот на СДСМ, Хари Локвенец истакна дека пратеникот од власта одлично ги брани грчките позиции во однос на проблемот со името. Тој посочи дека судот во Хаг се произнесе и пресуди дека со ниеден чин државата Република Македонија и надлежните институции не го прекршиле духот на времената спогодба. -Сите овие аргументи што ги изнесува и квалификации господинот Хари Локвенец ги слушнавме веќе од грчкиот тим во Хаг. Грчкиот тим предводен од Дора Бакојани го говореше ова. Владата го смени името на аеродромот, Александар Македонски е хеленистичко наследство, владата шири разни мапи карти на голема Македонија, владата провоцира со не знам имаше некои обележја на одредени споменици во Битола и во Скопје и сл. За сите овие квалификации од страна на Грција кои што сега добро ги застапува господинот Локвенец судот се произнесе и рече, со ниеден чин државата Република Македонија и надлежните институции не го прекршиле духот на времената спогодба, вели тој. Според Милошоски СДСМ и од позиција на власт и од позиција на опозиција ги уривала македонските позиции во преговорите за името со Грција, притоа споменувајќи ги колумните на Тито Петковски и Љубомир Фрчковски кои му ги споменала поранешната грчка министерска за надворешни Бакојани, колумни во кои тие истакнуваат дека нема ништо страшно во промената на Уставот, а со цел промена на името. -Во пресудата имаме класично оборање на тезите кои што Грција ги користеше за напад на Република Македонија. Но јас ќе поставам едно друго прашање, ако бил проблемот аеродромот Александар Велики, Македонија да добие почеток на преговори со ЕУ или покана за НАТО. Што беше проблемот што Грција воведе ембарго кон Република Македонија од две години кога Киро Глигоров беше претседател. Немаше аеродром Александар Велики, немаше мапи, немаше ништо друго. Кога сакате да најдете изговор да го кочите вашиот сосед ќе најдете изговор. Дали кај Хари Локвенец, дали кај Глигоров, дали кај Никола Груевски, дали кај Бучковски или Црвенковски, Грција тоа го правеше, а опозицијата помагаше во изнаоѓање изговори од грчката страна. Јас во еден разговор што го имав со госпоѓата Дора Бакојани таа ми извади мене колумна од Тито Петковски и од Љубомир Фрчковски каде што викаат не е проблем да се смени Уставот. Зошто вие се противите на менување на Уставот кога вашите еминентни политичари немаат проблем со тоа. Опозицијата ги деградираше позициите кои што државата, не ВМРО-ДПМНЕ, државата од Глигоров и Кљусев па до денес ги чувала како сериозни стратешки позиции затоа што и министерот Димитров додека беше амбасадор во Вашингтон и преговарач еднаш кажа во свое интервју ,, Уставот е темелот на суверенитетот на една држава и не смее да се менува’’. И гледаме сега дека како цената е власта, тогаш се може да се менува, заклучи Милошоски.

СКАНДАЛ: Фирма на пратеник на СДСМ доби 10 милиони од државата

Ивана Ефремовски — Thu, 19 Jul 2018 09:32:01 +0000

Грант од 10 милиони денари од Фондот за иновации доби печатницата „Гинис“ од Прилеп каде ко-сопственик е Хари Локвенец, пратеник на СДСМ. Парите им се доделени во првиот јавен повик за финансирање на микро, мали и средни претпријатија од Планот за економски раст – 3 столб, пренесува ЛИДЕР. Пред некој ден „Лидер“ пишуваше и дека бесникот „Слободен Печат“ каде што главен уредник е Бранко Героски, доби грант од 10 милиони денари од Фондот за иновации на Република Македонија. -Особено сум горд и задоволен од одличните резултати од овој прв јавен повик на #ФИТР кој покажа дека се надминати очекувањата, а компаниите аплицирале со исклучително квалитетни проекти, рече Заев а објави Фејсбук страната на Фондот за иновации.