хари мегваер – Kurir.mk

Мегваер: Нема да седам овде цел живот и да играм еднаш месечно

Ивана Ефремовски — Thu, 12 Oct 2023 12:59:17 +0000

Хари Мегваер го изрази своето незадоволство од минутажата која ја добива во Манчестер јунајтед. Дефанзивецот одигра 206 минути во четирите натпревари на Манчестер јунајтед во сите натпреварувања оваа сезона и направи една асистенција. - Нема да седам овде цел живот и да играм еднаш месечно. Ако вака продолжи, ќе морам да одржам состанок со клубот и да разговарам за се. Но, да бидам искрен, во моментов сум сконцентриран на двата претстојни натпревари со Англија. Ова се два важни натпревари. Тогаш мојот целосен фокус ќе биде на борбата и обидот да го вратам моето место во Манчестер јунајтед и да му помогнам на тимот да стигне до онаму каде што треба да бидеме во лигата. Верувам во моите способности. Јас сакам да играм. Сакам да се чувствувам важен за клубот и за тимот. Сега не играм ни приближно колку што би сакал. Тоа е поентата, изјави Мегваер. Одбранбениот фудбалер и покрај тоа што го загуби статусот на стандарден во почетниот состав во Манчестер јунајтед, сепак доби повик во репрезентацијата на Англија. (МИА)

Манчестер јунајтед сè уште чека понуди за Мегваер

Дарко Андоновски — Wed, 16 Aug 2023 17:19:06 +0000

Хари Мегваер сака да остане во Манчестер јунајтед. Откако беше спречен трансфер од 30 милиони фунти во Вест Хем, дефанзивецот има намера да остане на „Олд Трафорд“, објави „ESPN“. Манчестер јунајтед останува отворен за понуди за Мегваер, но менаџерот Ерик тен Хаг му рекол на играчот дека има простор за него во тимот. Дефинитивно, трансферот на Мегваер во Вест Хем е отфрлен. И во Манчестер јунајтед веруваат дека е доцна да излезат на пазарот за да бараат замена за дефанзивецот. До минатата сезона капитенот на Манчестер јунајтед, требаше да се пресели во Вест Хем, откако двата клуба се договорија за трансферот. Сепак проблеми направи самиот играч кој побара голема оштета со објаснување дека во новата средина ќе има значително помала плата.

Мегваер бара висока отштета од Јунајтед за да се пресели во Вест Хем

Ристе Здравков — Tue, 15 Aug 2023 09:14:16 +0000

Манчестер Јунајтед ја прифати понудата на Вест Хем за трансфер на Хари Мегваер, но веќе поранешниот капитен на „црвените ѓаволи“ никако да го напушти „Олд Трафорд“. Раководството на Јунајтед во меѓувреме добило порака од агентите на дефанзивецот дека тој очекува сериозна „исплата“, доколку сакаат да се ослободат од него и неговиот договор пред истекувањето на истиот. „Сан“ тврди дека Мегваер побарал фиксна сума од 15 милиони фунти за да замине ова лето, односно да ја прифати понудата на Вест Хем, каде сигурно би имал многу поголема минутажа. Лондонскиот клуб прифати да плати 30 милиони фунти за Мегваер, но со последното сценарио, Јунајтед би требало половина од таа сума да му ја префрли на фудбалерот за да го одоброволи неговиот трансфер во Вест Хем. Мегваер го објаснил овој потег со фактот што мора да прифати намалување на платата во новиот клуб, па наместо 190.000, би заработувал 120.000 фунти неделно, што за четиригодишен договор значи разлика од речиси 15 милиони фунти. Истовремено, пролонгирањето на овој трансфер го блокира и најавеното пристигнување на Бенжаман Павар, за кого Ерик тен Хаг е подготвен да инвестира соодветна сума и да го добие Французинот од Баерн Минхен.

Вест Хем и Јунајтед се договориле, Мегваер се сели во Лондон

Ристе Здравков — Wed, 09 Aug 2023 10:11:03 +0000

Вест Хем и Манчестер Јунајтед постигнале договор за трансфер на Хари Мегваер во лондонскиот клуб. Договорот засега е усмен, а Вест Хем ќе му плати на Јунајтед 30 милиони фунти, пренесуваат англиските медиуми. Сега Вест Хем ќе ги договара личните услови со фудбалерот пред да биде комплетиран трансферот. Мегваер во јули 2019 година премина во Манчестер Јунајтед за 80 милиони фунти што е најскапиот дефанзивец на „ѓаволите“ во историјата. Но последните сезони е цел на критики поради честите киксови, а по доаѓањето на Ерик тен Хаг, дефанзивецот е ставен на клупата.

Челзи сака да го купи Хари Мегваер

Ристе Здравков — Wed, 19 Jul 2023 07:20:25 +0000

Челзи е во големи проблеми во пресрет на новата сезона во Премиерлигата. Францускиот стопер Весли Фофана ги скина вкрстените лигаменти и се чини дека ќе ја пропушти целата сезона. Ова е сериозен удар за „сините“ бидејќи минатото лето го доведоа од Лестер за огромни 80 милиони евра. Медиумите на Островот тврдат дека сега Челзи активно се распрашува за статусот на Хари Мегваер. Стоперот на Манчестер Јунајтед е на излезната врата од клубот, а според некои извори се понудил на неколку клубови. Тој беше донесен од Лестер за 87 милиони евра, што е рекордна сума за дефанзивец. Мегваер досега ја извршуваше и функцијата капитен на „црвените ѓаволи“, но Ерик Тен Хаг му ја одзеде лентата во пресрет на оваа сезона. Тој има договор со Манчестер Јунајтед до летото 2025 година, а сега за него постои сериозен интерес од Челзи.

Jунајтед бара 60 милиони евра за Мегваер

Ивона Петрова — Mon, 10 Jul 2023 13:14:40 +0000

Манчестер јунајтед е подготвен да се раздели со дефанзивецот Хари Мегваер ова лето, објави „Манчестер Ивнинг њуз“. Според изворот, клубот сака да добие 58 милиони евра од продажбата на играчот. Доколку Англичанецот остане во тимот, ќе му биде одземена капитенската лента. Претходно беше објавено дека Манчестер јунајтед е подготвен да му плати на дефанзивецот 12 милиони евра за да го напушти клубот на лето. Неговиот актуелен договор е до 2025 година. Оваа сезона Мегваер одигра 31 натпревар за Манчестер јунајтед во сите натпреварувања и нема постигнато гол.

Хари Мегваер го напушта Манчестер Јунајтед и се враќа во Лестер

Бошко Тасиќ — Sun, 02 Apr 2023 14:24:15 +0000

Капитенот на Манчестер Јунајтед, Хари Мегваер стана позајменa цел од неговиот поранешен клуб Лестер во претстојниот летен преоден рок, тврди The Sun. Според изданието, менаџерот на Лестер Брендан Роџерс размислува да го врати Мегваер во Кинг Пауер. „Лисиците“ се борат да избегнат испаѓање бидејќи се наоѓаат на 18-та позиција и ова главно се должи на лошата игра во одбраната. Мегваер испадна од стартните 11 по потпишувањето на Рафаел Варан и Лисандро Мартинез. Ерик тен Хег му даде на капитенот на „црвените ѓаволи“ само 12 стартови во 24 настапи и му помогна на тимот да ја задржи 13 мрежата.

Мегваер прави изненадувачки трасфер

Ристе Здравков — Fri, 10 Mar 2023 11:38:06 +0000

Раководството на ПСЖ спрема изненадувачка понуда до Манчестер Јунајтед за капитенот, Хари Мегваер. Мегваер го загуби местото во стартниот тим на Манчестер Јунајтед и сега е дури четврт избор кај Тен Хаг, па ПСЖ сака да ја искористи таквата ситуација. Манчестер Јунајтед претходно одби да го пушти Мегваер на позајмица во Вест Хем, но е спремен да го продаде на лето. ПСЖ во летниот преоден рок ќе прави голема реконструкција во дефанзивната линија и се спремни да понудат 50 милиони евра за Мегваер. „Светците“ веќе го договорија трансферот на Скриниар, но сакаат да доведат уште еден квалитетен дефанзивец.

🚨 Manchester United captain Harry Maguire is a shock £50m summer target for PSG, who already put a deal on the table for the defender in January.

(Source: Sun Sport) pic.twitter.com/jaNyW08mUe
— Transfer News Live (@DeadlineDayLive) March 10, 2023

По Роналдо, Тен Хаг ќе се откаже од Мегваер

Бошко Тасиќ — Sun, 29 Jan 2023 15:37:17 +0000

Хари Мегваер полека ќе биде истиснат од составот на Манчестер Јунајтед, бидејќи ниту е во прва постава, ниту пак Тен Хаг го гледа како втор избор. По куп мечот против Ридинг кој Манчестер Јунајтед го доби со 3:1, а на кој Мегваер одигра 90 минути, фудбалерот изрази незадоволство од минутажата. -Хари мора да се бори за својата позиција, тој не е четврти избор. Сè е во негови раце, гледам дека напредува. Ќе мора да почека шанса, тоа се правилата, изјави Тен Хаг.

Играчи на Сити и Јунајтед, плус Гвардиола си размениле жестоки зборови

Бошко Тасиќ — Sun, 15 Jan 2023 07:08:21 +0000

Англиските медиуми јавуваат дека по крајот на денешната средба на „Олд Трафорд“ каде се сретнаа Манчестер Јунајтед и Манчестер Сити имало и „трето полувреме“. Имено, по последниот судиски свиреж во тунелот на „театарот на соништата“ се случил мал инцидент кој лесно можел да прерасне во поголема пресметка. Видно разочаран од резултатот, Џек Грилиш имал што да му каже на главниот судија на натпреварот, а потоа во разговорот се замешал и Хари Мегваер, по што настанала непријатната ситуација. Во вербалната „војна“ се вклучил и Пеп Гвардиола кој исто така жестоко се обратил до Мегваер, но за среќа би избегнат поголем инцидент откако поголем дел од фудбалските чинители на двете страни ги смириле страстите.