хари – Kurir.mk

Одмазда од палатата? Еве каде ќе седи Хари за време на крунисувањето на Чарлс

Ристе Здравков — Mon, 24 Apr 2023 09:32:11 +0000

Големо внимание предизвика веста дека принцот Хари добил покана за крунисувањето на својот татко Чарлс, а иако некои мислеа дека принцот конечно ќе се смири со семејството, се чини дека ништо од тоа нема да се случи со оглед на понижувањето кое го очекува. Хари ќе седи 10 редови зад другите високи членови на кралското семејство на крунисувањето на Чарлс Трети и Камила на 6 мај во Вестминстерската опатија во Лондон, изјави извор близок до палатата. Поранешниот батлер Пол Бурел верува дека војводата од Сасекс ќе има малку време да разговара со кралот или со неговиот брат принцот од Велс за време на неговиот престој во Британија. Тој додаде дека нема шанси Хари да се смири со дворот откако на почетокот на оваа година беа објавени неговите мемоари „Spare“ во кои тој презентираше низа обвинувања и негативни приказни за семејството, пишува „Сан“. Распоредот на седиштата е во согласност со функциите кои ги извршуваат вработените членови на семејството. Хари и Меган се откажаа од своите должности и привилегии со тоа што решија да се повлечат како високи членови на дворот. Сепак, познато е и дека Чарлс Трети во последните месеци често ги прекршуваше протоколите и традицијата. Зарем не можеше да направи отстапка за својот син? Можеби позицијата на Хари е индиректна порака и одговор на сето она што досега го кажал за најблиските во Британија. Дури и да не е така, во палатата секако се свесни дека многумина ќе мислат така.

ТАНЦУВАЛЕ НА КОНЦЕРТ Меган и Хари првпат во јавност по смртта на кралицата Елизабета Втора (ФОТО)

Ристе Здравков — Mon, 10 Oct 2022 08:37:46 +0000

Принцот Хари и Меган Маркл првпат се појавија во јавноста откако се вратија во САД по погребот на кралицата Елизабета Втора. Снимени се на концертот на пејачот Џек Џонсон одржан во Калифорнија, пишува ТМЗ. Тие биле во ВИП посебен, ограден простор со уште десет лица. Меган и Хари танцувале и се прегрнувале. „ТМЗ“ пишува и дека на концертот не пристигнале заедно, туку прва пристигнала Меган, а еден час подоцна и Хари.

Нова кралска драма: Хари и Меган бараат продолжување на рокот за напушањето на кралските должности?

Ивона Петрова — Mon, 28 Dec 2020 10:29:17 +0000

Принцот Хари и неговата сопруга Меган Маркл, како што пренесува британски „Сан“, имаат намера од врвот на кралското семејство да побараат продолжување на преодниот рок за напушањето на кралските должности. Преодниот рок истекува на 31 март 2021 година. Неименуван извор за таблоидот навестил повеќе „пријателски видеоповици“ од двојката кон повозрасни членови на кралското семејство. Во средиштето на разговорите, наводно, ќе бидат должностите кои принцот не сака да ги изгуби, односно „настојува да ги задржи“, како што се воените титули. Двојката најверојатно сака, заедно со нивниот син Арчи Харисон, да присуствува и на претстојниот 95. роденден на кралицата, на 21 април идната година, како и на 100. роденден на принц Филип и на 60-годишнината од раѓањето на принцезата Дијана – мајката на принцот Хари, на 1 јули. Според кралскиот биограф Ендрју Мортон, односите меѓу принцот Хари и кралицата веќе се поблиски отколку во некои периоди во минатото, и тие сега сѐ почесто се гледаат на Зум.

Неговите родители се откажаа од кралските должности, дали Арчи ќе добие титула?

Ивана Ефремовски — Fri, 31 Jul 2020 12:21:40 +0000

Меган Маркл и принцот Хари избраа да го одгледат својот син надвор од кралскиот “меур“. Но, дали Арчи Харисон може да биде со кралска титула? Со оглед на тоа што Меган и Хари се откажаа од кралските должности, Арчи не доби крунисување при раѓањето, но дали ќе го добие во иднина, односно кога и ако некогаш се ожени?! Тоа останува да се види, но нема сомнение дека едногодишниот Арчи ќе добие барем една кралска титула во иднина. Уставниот експерт, Ин Мек Мартана објасни: Во случајот со Арчи, работите ќе се менуваат по смртта на кралицата. Кога дедото на Арчи, синот на кралицата Елизабета - принцот Чарлс ќе стане крал, тогаш Арчи автоматски ќе стане принц. „Во тој момент, со закон, Арчи ќе стане доживотен принц од Сасекс, без разлика дали тој ќе сака или не. Ова произлегува од патентот на писмата на Џорџ V од 1917 година со кој се уредува HRH“. Дали Арчи ќе избере да ги користи своите кралски титули во иднина, останува на негова одлука која би ја донел кога ќе наполни 18 години.

Хари и Меган Маркл имаат нов дом

Ивона Петрова — Fri, 08 May 2020 10:28:15 +0000

Иако веќе над еден месец престојуваат во Лос Анџелес, принцот Хари и Меган Маркл имаат дури сега веќе го имаат својот нов постојан дом. Се работи за куќата којашто досега му припаѓала на глумецот Тајлер Пери. Тој ги исконтактирал доселениците од Велика Британија преку нивната заедничка пријателка Опра Винфри. Како што објави „Варајети“, зданието во тоскански стил, со над 2.300 квадратни метри, се наоѓа на ридот над населбата Беверли Хилс. Има осум спални соби, 12 бањи, огромен двор и базен во него. Двојката ќе има силно обезбедување, што ќе го сочинуваат човечки тим и врвен безбедносен систем. Во соседството има богати, но не и познати личности.

САД нема да го плаќаат обезбедувањето на Хари и Меган

Ивона Петрова — Mon, 30 Mar 2020 05:40:02 +0000

Американскиот претседател Доналд Трамп соопшти денеска дека САД нема да го плаќаат обезбедувањето на британскиот принц Хари и неговата сопруга Меган. Според американските медиумите, тие се преселиле во Лос Анџелес. „Сега тие се преселиле од Канада во САД, сепак, САД нема да го плаќаат нивното обезбедување. Тие мораат да платат!“, напиша Трамп на Твитер. Хари и Меган во јануари објавија дека ги прекинуваат своите активности во рамките на британското кралско семејство, со цел да станат финансиски независни.

Хари и Меган Маркл се преселија во Лос Анџелес

Ивона Петрова — Fri, 27 Mar 2020 07:43:03 +0000

Принцот Хари и неговата сопруга Меган ја напуштија Канада и се преселија во Лос Анџелес, САД, каде што планираат постојано живеалиште, откако за кусо време ќе се повлечат од кралските должности. Како што пренесува „Сан“, тие двајца со приватен лет отишле во Лос Анџелес. Гласноговорникот на принц Хари одби да ги коментира тие написи. Хари и Меган официјално ќе ги напушат кралските должности кон крајот на овој месец. Последниве неколку месеци, со синот Арчи, тие живееја на островот Ванкувер, Канада. Весникот, повикувајќи се на „извори однатре“, пишува дека парот преселувањето во САД го планира веќе некое време. Принцот и сѐ уште – војвотката, сфаќајќи дека во Канада, од повеќе причини, нема да успеат, сакаат да бидат на подрачјето на Лос Анџелес, каде Меган пораснала и каде што живеее нејзината мајка Дорија. Списанието „Пипл“, исто така повикувајќи се на неименуван извор, објави дека парот веќе се вселил во новиот дом и се во изолација како мерка против коронавирусот. Истовремено, Дизни објави дека Меган е наратор во документарниот филм „Слон”, којшто ќе се прикажува од 3 април на платформата Дизни плус. Парите од филмот ќе одат во добротворни цели.

Таткото на Меган „удри“ по ќерката и зетот: Кралскиот пар ми должи за она низ што поминав (ВИДЕО)

Тале Кристо — Thu, 23 Jan 2020 14:41:16 +0000

Таткото на Меган, Маркл Томас откри денес дека не верува оти ќе ја види својата ќерка „додека не го спуштат во земја“. Исто така, го оправда примањето на надоместокот за учеството во документарецот на Ченл фајв. – Меган ми должи – време е да се грижи за татка си – рече тој за „Дејли мејл“. Во 90-минутниот филм, кој ќе се емитува вечерва во 21 часот, Томас Маркл го обвини принцот Хари дека се однесува како „чувствителен 12-годишник“ и вети дека ќе достави доказите против двојката на суд. – Јас ќе се бранам – вели Томас, кој ќе сведочи на суд во процесот „Меган против таблоидот „Мејл он Сандеј“ и издавачката куќа „Асошиејтед Њузпејперс“, откако делови од приватното писмо на Меган до нејзиниот татко беа објавени во август 2018 година. Томас ги обвинил својата ќерка и зетот бидејќи кажувале „грди работи“ за него. – Не ми е гајле. Во овој момент тие ми се должни. Кралската двојка ми должи. Хари ми должи, Меган ми должи. Она што го поминав треба да биде наградено. Ќерка ми, ми рече дека ќе се грижи за мене кога ќе остарам. Сега кога сум стар, време е да се погрижи својот татко – вели тој. Во необичен документарец, Томас откри и детали од неговиот последен телефонски разговор со војводата и војвотката од Сасекс во пресрет на нивната свадба во мај 2018 година, кога се откри дека тој позирал за наводни папараци фотографии, продадени ширум светот за 100.000 фунти. Томас рече дека одлуката за сликање на однапред договорени фотографии ќе го „прогонува до крајот на животот“. Хари во телефонски разговор ми кажа: „Ако ме слушаше, ова немаше да ти се случи“. Му одговорив дека е штета што не умрев, затоа што тогаш ќе можеа да се преправаат дека се тажни и му ја спуштив слушалката – додава Томас, кој не присуствуваше на свадбата на неговата ќерка, поради наводна операција на срце.

Џонсон: Велика Британија им посакува се најдобро на Хари и Меган

Ивона Петрова — Mon, 20 Jan 2020 06:21:14 +0000

Британскиот премиер Борис Џонсон е убеден дека цела Велика Британија ќе им посака се најдобро на принцот Хари и неговата сопруга Меган, кои веќе нема да ги извршуваат должностите на членови на кралското семејство. – Мислам дека целата земја ќе сака да се приклучи во тоа да им посака се најдобро во иднина … Како што реков претходно, сигурен сум дека кралското семејство, кое е долго време тука, ќе најде начин да продолжи понатаму, рече Џонсон за Скај њуз во Берлин, каде присуствуваше на конференцијата за Либија. Принцот Хари и неговата сопруга Меган повеќе нема да ги извршуваат должностите на членови на кралското семејство и нема да ги користат титулите на „кралско височество“, објави Бакингамската палата на 18 јануари. Во соопштението се додава дека Хари и Меган повеќе нема да добиваат средства од јавните фондови и ќе ги вратат парите потрошени за реновирање на нивната куќа.

Принцот Вилијам првпат се огласи по одлуката на Хари и Меган да се повлечат од кралските должности: „Не можам повеќе да го поддржувам“

Тале Кристо — Sun, 12 Jan 2020 11:34:29 +0000

Цел живот го поддржував брат ми, но повеќе не можам, изјави принцот Вилијам откако Меган Маркл и принцот Хари донесоа одлука да се повлечат од кралските должности. Тој изјави дека е тажен поради одлуката на принцот Хари да се повлече од кралското семејство. -Цел живот сум тука за него, го заштитувам, но веќе не можам. Ние сега сме два различни света и сè што можам да направам е да го поддржам во она што го прави и да верувам дека еден ден повторно ќе бидеме на истата страна, во истиот тим“, изјавил принцот, а изјавата ја пренеле „Сандеј тајмс“, повикувајќи се на извор близок до кралското семејство. Кралицата Елизабета за утре го повика својот внук, принцот Хари, на „кризен состанок“ , за да разговара за идните аранжмани за него и неговата сопруга Меган, откако одеднаш, без никаква најава, двојката соопшти дека сакаат да се повлечат од кралските должности. Таткото на Хари, принцот престолонаследник Чарлс, и неговиот брат, принцот Вилијам, исто така, ќе присуствуваат на состанокот, што ќе се одржи утре на имот на кралицата Сандрингам во Нортфолк, на истокот од Англија, изјави извор од Бакингемската палата.