харизма – Kurir.mk

6 знаци дека поседувате голема харизма, а луѓето околу вас ја гледаат како закана

Ристе Здравков — Fri, 23 Dec 2022 08:59:35 +0000

Одредени особини откриваат дали имате силен авторитет и влијание на другите луѓе, а со самото тоа и одлични предиспозиции да станете лидер. Секако, тоа може да разбуди љубомора во другите луѓе. Доколку ги имате овие шест особини, тогаш за вас може да се каже дека сте многу харизматични. Станува збор за квалитети кои се добри и пожелни, но може да им пречат на другите луѓе, бидејќи знаат да се почувствуваат загрозено или едноставно се љубоморни. Отворено зборувате за своите чувства Не ви е потребно многу време за да се отворите пред новите луѓе. Не сте склони да го разубавувате она што го чувствувате и сте многу искрени, а некои луѓе не го сакаат тоа. Тоа што некој ќе знае како навистина се чувствувате не ви дава преголеми грижи. Не се грижите што ќе мислат луѓето за некои ваши зборови или потези, ниту ви е грижа што подоцна ќе мислат за вас. Искрено се грижите за сѐ Кај вас не постои средина – кога ќе се појави искра за нешто, ќе го завршите како што е потребно или воопшто нема ни да започнете. Кога ќе почувствувате страст за нешто, ќе се борите со сите сили, без разлика на сѐ. Вие не правите ништо половично. Вие сте немилосрден борец Ако започнете расправија со некого, тоа може да стане борба до смрт. Меѓутоа, за разлика од многу луѓе, интензитетот на таа борба не секогаш ја покажувате како чиста, неконтролирана агресија. Вие ги пресметувате ризиците и добро ја проценувате ситуацијата пред почетокот на војната, а тоа ви дава предност. На многумина тоа им пречи, бидејќи знаат дека сте подобри и имате повеќе шанси за победа. Вашите зборови се силни и уверливи Вие никогаш не зборувате нешто во кое не верувате цврсто. Вие сте одличен говорник и вашите зборови имаат тежина која делува на другите како магнет. За вас може да се каже дека воопшто нема да ја отворите устата доколку од неа не излезе нешто со полна самодоверба. Во некои луѓе тоа предизвикува чувство на љубомора, бидејќи ги немаат тие способности, додека вие го правите тоа со леснотија. Вие сте искрени и чесни Директни сте и никако не сакате да го трошите вашето време на глупости, а тоа е она што им пречи на многумина. Кога ќе кажете нешто, вие цврсто верувате во тоа, без разлика дали е позитивно или негативно. Чесни сте и многу едноставни. Уживате во длабоки разговори Таканаречените мали разговор, на пример за временската прогноза или вчерашниот натпревар, за вас се едноставно досадни, како и озборувањето на другите луѓе. Вие ги сакате разговорите кои имаат длабочина и после кои се чувствувате исполнето. Уживате во интелигентните дебати, во разговорите за филозофија, психологија, духовност, уметност и слично.

Харизматичните луѓе имаат голема моќ: Која е нивната тајна?

Ивана Ефремовски — Wed, 02 Nov 2022 07:00:44 +0000

Сите знаеме по една личност која кога ќе влезе во просторијата, сè е поинаку. Се прашуваме зошто се толку познати и обожавани од другите. Тие поседуваат шарм и харизма. Но, која е нивната тајна? Немојте да бидете напнати и нервозни Шармантните луѓе се ретко нервозни и напнати. Тие имаат самодоверба, а изгледа како некои да се родени со неа. Но, тоа исто така се учи. Првиот чекор е да се опуштите и да не се плашите од тоа што ќе се случи. Дозволете си да бидете тоа што сте. Луѓето го сакаат тоа. Зборувајте за работите кои ви значат Ако не сте 100% заинтересирани за нешто, тоа се забележува. Од друга страна пак, кога за нешто зборувате со страст, таквата енергија се забележува и луѓето ја ценат. Страста му дава моќ и значење на она што го кажува и тоа ги привлекува луѓето околу вас. Слушајте ги другите Никогаш нема да делувате шармантно ако само вие зборувате. Така ќе изгледате само надмено. Дозволете им на другите луѓе да се искажат и внимателно слушајте ги. Харизмата значи и да направите другите луѓе да се чувствуваат важни. Покажете ја вашата смисла за хумор Не мора да изигрувате кловн, туку само бидете опуштени и дозволете си да се шалите за работите со кои вообичаено се шалите или за кои се смеете. Смислата за хумор и харизмата одат заедно, рака под рака. Говор на телото Не дозволувајте тоа што имате да го кажете да оди само преку вашите зборови, туку користете и го својот говор на телото. Вашите гестови и начин на држење исто така испраќаат силна порака. Запаметете ги имињата на луѓето Тоа значи дека луѓето ви значат и дека сакате да запаметите важни детали за нив. Ги прави луѓето да се чувствуваат важни кога се околу вас.

Магијата наречена харизма: Како да ги шармирате луѓето околу вас?

Катерина Бојаџиева — Thu, 03 Jan 2019 15:58:27 +0000