Харви Вајнстин – Kurir.mk

И Џулија Ормонд го тужи Харви Вајнстин за сексуален напад

Ивана Ефремовски — Thu, 05 Oct 2023 07:54:59 +0000

Британската глумица Џулија Ормонд поднесе тужба против поранешниот филмски продуцент Харви Вајнстин, тврдејќи дека тој сексуално ја нападнал во 1995 година, а потоа ѝ нанел штета на кариерата. Таа исто така ги обвинува и продуцентските компании „Волт Дизни“, „Мирамакс“, како и нејзините поранешни агенти во САД дека знаеле оти Вајнстин е напасник и опасност за жените, но не направиле ништо во врска со тоа. Глумицата во својата тужба тврди дека била „ѕвезда во подем“ кога го запознала Вајнстин во 1994 година. Поранешниот продуцент е веќе осуден сексуален напасник кој издржува затворски казни за повеќе дела. Ормонд ја поднесе тужбата до државниот Врховен суд во њујоршката општина Менхетн, според Законот донесен лани во САД. којшто им овозможува на можните жртви на сексуален напад во минатото да поднесат обвинение, дури и ако вообичаениот временски рок за тоа во дадената сојузна држава е поминат. (МИА)

Режисерот Харви Вајнстин доби уште 16 години затвор, веќе е осуден на 23

Ивона Петрова — Fri, 24 Feb 2023 07:15:41 +0000

Харви Вајнстин, поранешниот холивудски магнат кој веќе отслужува 23-годишна затворска казна во Њујорк, беше осуден во Лос Анџелес на дополнителни 16 години затвор под обвинение за силување и сексуален напад. Обвиненијата наведуваат дека тој е виновен за напад на поранешна манекенка и актерка, која пред судот се идентификувала како Н.Н., која ја силувал во хотел во Лос Анџелес во февруари 2013 година. Вајнстин, кој е коосновач на продуцентската куќа Мирамакс, ќе отслужи нова казна откако ќе ја заврши 23-годишната затворска казна за сексуален напад во Њујорк. Пресудата беше донесена откако излегоа бројни жени кои го обвинија за силување и сексуален напад. Пред изрекувањето на пресудата, Вајнстин продолжи да ја негира вината, нарекувајќи го случајот „наместен“. -Тврдам дека сум невин. Никогаш не сум силувал или сексуално злоупотребувал. Никогаш не ја познавав оваа жена, а факт е дека таа не ме познава мене. Се работи за пари. Те молам не ме осудувај на доживотен затвор. Не го заслужувам тоа, рече Хари Вајнстин на судењето. Некогаш моќен режисер, тој беше прогласен за виновен за силување и сексуален напад на судење во Лос Анџелес во декември 2022 година. Харви Вајнстин моментално отслужува 23-годишна затворска казна за бројни сексуални напади.

Харви Вајнстин вторпат осуден за силување

Тале Кристо — Tue, 20 Dec 2022 07:28:25 +0000

Врховниот суд во Лос Анџелес го прогласи поранешниот американски холивудски продуцент Харви Вајнштајн за виновен за силување, во втората ваква пресуда против него. Поротата го прогласи Вајнстин (70) за виновен по обвинението за силување и напад со сексуална пенетрација со туѓ предмет, извршени врз жена. Поротата не можеше да донесе пресуди по две обвиненија, вклучувајќи го и силувањето на сопругата на гувернерот на Калифорнија, Џенифер Сибел Њусом, која потврди дека на судењето била означена како „Џејн До 4“. На Вајнштајн му се заканува затворска казна до 18 години по точките за кои е осуден, но отежнувачките околности може да ја зголемат и на 24 години. Тој веќе отслужува 23-годишна затворска казна откако беше осуден за силување во Њујорк. Вајнштајн на судењето во Лос Анџелес се соочи со седум обвиненија за силување и сексуален напад на четири жени, меѓу 2004 и 2013 година.

Харви Вајнстин може да биде преместен во Лос Анџелес

Ивона Петрова — Wed, 16 Jun 2021 05:49:36 +0000

Поранешниот филмски продуцент Харви Вајнстин, кој издржува 23-годишна затворска казна во затвор во Њујорк за случаи на силување и сексуална злоупотреба, може да биде префрлен во Лос Анџелес. Оваа одлука на Судот отвора можности за нов процес со дополнителни обвиненија. Адвокатите на Вајнстин (69), кој лани беше прогласен за виновен, по движењето #MeToo, со недели го оспоруваат преместувањето, главно со медицински причини. Иако се уште не е одреден датум, обвинителите во Лос Анџелес очекуваат да биде преместен од затворот во округот Ери некаде меѓу крајот на јуни и средината на јули, рече гласноговорникот на окружниот правобранител. Поранешниот холивудски тајкун е обвинет во Лос Анџелес за силување и сексуално насилство врз пет жени, што може да се казни со затвор и до 140 години.

Нови 11 обвинувања за Харви Вајнстин

Ивона Петрова — Tue, 13 Apr 2021 06:42:28 +0000

Поранешниот филмски продуцент Харви Вајнстин е обвинет за 11 нови сексуални злосторства во Округот Лос Анџелес (САД), за што тој би можел да биде испратен во Калифорнија овој месец од затворот во Њујорк, каде што веќе издржува казна за сличен случај. Во видео-врска, адвокатот на поранешниот продуцент, Норман Ефман тврди дека неговиот клиент не е во можност да премине од источниот на западниот брег на САД поради неговото кревко здравје, бидејќи го губи видот и му требааат неколку стоматолошки операции.

Жртвите на Вајнстин ќе добијат приближно 19 милиони долари

Магдалена Андонова — Wed, 01 Jul 2020 08:31:33 +0000

Жртвите на сексуалните напади на американскиот филмски продуцент Харви Вајнстин ќе добијат вкупно околу 19 милиони долари, изјави главната обвинителка на Њујорк, Летиција Џејмс. Вајнстин е прогласен за виновен и сега ја издржува казната од 23 години затвор. „Помогнавме да се обезбедат речиси 19 милиони долари за оние жртви кои преживеале сексуално насилство и вознемирување од Харви Вајнстин”, напиша таа на Tвитер. Натаму се додава и дека исплаќањето допрва треба да биде одобрено од Судот. (МИА)

Осудениот холивудски продуцент позитивен на коронавирус

Ивона Петрова — Mon, 23 Mar 2020 09:07:43 +0000

Холивудскиот продуцент, осуден за сексуални напади и силување, Харви Вајнстин е заболен од новиот коронавирус, пренесуваат американските медиуми. Филмаџијата кој овој четврток наполни 68 години, е изолиран во Казнено-поправниот завод Венд во западен Њујорк. Тој е еден од двајцата затвореници од овој затвор кај кои тестовите покажале дека се позитивни на КОВИД-19, соопштија властите. Васјнстин издржува 23-годишна затворска казна за силување и сексуална злоупотреба. с

Славниот продуцент е прогласен за виновен за силување и сексуално вознемирување

Ивана Ефремовски — Mon, 24 Feb 2020 17:09:57 +0000

Американскиот продуцент Харви Вајнстин денеска е прогласен за виновен за силување и сексуално вознемирување, јави Си-Ен-Ен. Од 2017 година повеќе од 80 жени го обвинија Вајнштајн за сексуално вознемирување, со што почна движење, во кое жените изнесуваат јавни обвиненија против моќни луѓе од деловниот свет, но и од шоу-бизнисот и политиката. Вајнстин е прогласен за виновен за сторено сексуално кривично дело врз една жена и силување друга жена. Поротата во судот во Њујорк, сепак, го ослободи од натамошно гонење овој осрамотен холивудски продуцент за многу посериозните обвинувања за грабежлив сексуален напад врз две жени, Миријам Хејли и Џесика Ман. Имено, за овие обвинувања тој можеше да добие казна доживотен затвор. Но, поротниците соопштија дека без сомнение утврдиле дека Вајнстин, исто така, ја силувал Анабела Скиора, уште една жртва чие сведочење обвинителите го користеа во обидот да го утврдат грабежливото однесување на продуцентот.

Отфрлено едно обвинение против Вајнстин

Ивона Петрова — Thu, 11 Oct 2018 20:35:12 +0000

Судот во Њујорк денеска отфрли едно од шестте кривични обвиненија против продуцентот Харви Вајнстин, откако обвинителите соопштија дека не се против со оглед на информациите до кои дошле за време на истрагата. Отфрлената точка од обвинението се однесува на наводниот сексуален напад на Вајнстин врз една жена во 2004 година. Петте други обвиненија, меѓу кои и наводните напади врз други две жени остануваат во случајот пред кривичниот суд на Менхетн. Вајнстин изјави дека не е виновен ниту по една точка од обвинението. МИА

ВИДЕО: Актерка го снимила Вајнстин како сексуално ја вознемирува

Ивона Петрова — Thu, 13 Sep 2018 10:55:56 +0000

Холивудската актерка Мелиса Томпсон објави видео од продуцентот Харви Вајнстин, на кое се гледа како тој се однесува на бизнис средба со помлада девојка. Томпсон е една од десетиците глумици кои го обвинуваат Вајнстин за сексуално вознемирување и дека се обидел да ги искористи, што и се потврдува од видеото. Снимката е од 2011 година, кога актерката имала 28 години. На него контроверзниот продуцент постојано и дофрла и се обидува да ја допре, а таа за цело време се труди да го оттурне.