Хас – Kurir.mk

Француски ХАС препорачува вакцинирање на ризични групи лица против мајмунски сипаници

Магдалена Андонова — Fri, 08 Jul 2022 15:26:53 +0000

Француската национална здравствена управа (HAS) денеска препорача проширување на кампањата за вакцинација против мајмунски сипаници, нагласувајќи дека оние кои се изложени на најголем ризик од заразување со вирусот преку сексуален контакт треба да ја примат вакцината. Мажите кои имаат сексуални односи со други мажи и транс лицата кои имаат повеќе сексуални партнери треба да се вакцинираат, наведува ХАС, додавајќи дека вакцината треба да ја примат и лица кои се занимаваат со проституција. Досега ХАС препорачуваше само реактивна вакцинација, што значи дека штом ќе се потврди случај на мајмунска сипаница, вакцината треба да се даде на возрасни лица кои биле во контакт со заразеното лице. Со оглед на ширењето на вирусот на мајмунски сипаници и тешкотиите во следењето на контактите на заразените лица, ХАС сега препорачува превентивна вакцинација за некои групи за кои вели дека се изложени на посебен ризик. (МИА)

Хас потроши 4,21 милиони евра за поправка на болидот на Шумахер во сезоната 2021

Магдалена Андонова — Sun, 26 Dec 2021 11:52:55 +0000

Формула 1 тимот на Хас потроши 4,21 милиони евра за поправка на болидот на Мик Шумахер во сезоната 2021 во Формула 1. Според „Sky Deutschland“, Шумахер го зазеде првото место на листата на пилоти во оваа категорија. На второто место заврши Шарл Леклер од Ферари со 4,04 милиони евра, а трет е шампионот и пилот на Ред Бул, Макс Верстапен со 3,89 милиони евра. Шумахер имаше неколку судари за време на трките во Ф1 шампионатот, а еден од нив беше и контактот со Николас Латифи којшто се покажа како одлучувачки за шампионскиот трофеј освоен од Верстапен. (МИА)

Грожан: Секогаш ќе сонувам дека ќе дојде денот и ќе започнам да победувам во Формула 1

Ивона Петрова — Thu, 25 Jun 2020 09:17:31 +0000

Пилотот на Хас, Роман Грожан ја искажа својата голема желба да се искачи на највисокото место на победничкиот подиум во Формула 1. – Во мојата кариера имав брзи трки, но само резултатите можат да зборуваат за мене. Во Формула 3, се борев со Нико Хулкенберг и Камуи Кобајаши, но успеав да станам шампион. Следно, победив во Формула 2. Победив скоро секаде, освен Формула 1, и ја сакам оваа победа најмногу од сè. Сепак, во „Кралската трка“ многу зависи од болидот и неговите можности. Во секој случај, никогаш не кажувајте никогаш. Секогаш ќе сонувам дека ќе дојде денот и ќе победам. Ова можеби звучи смешно, но ако престанам да сонувам, ќе го изгубам значењето на моето учество во трките во Формула 1. За мене е важно да мислам дека ќе успеам и ќе работам напорно за да се случи ова, истакна Грожан. Новата сезона во Формула 1 шампионатот ќе почна на 5 јули во Австрија.

Турски бизнисмен главен снабдувач на базата за хероин кај албанскиот град Хас

Ивона Петрова — Sun, 21 Oct 2018 14:24:58 +0000

Турски бизнисмен во областа на текстилот е уапсен во рамки на акцијата што ја спроведува албанската полиција, по откривањето на базата за хероин во близина на северниот албански град Хас. Името на уапсениот не се соопштува, но извори од истражните органи потврдуваат дека трговијата со текстил ја корител да транспортира во Албанија опиум за подготовка на хероинот. – Растението опиум главно се одгледува во Авганистан, од каде во Албанија бил пренесуван преку Турција и Косово. Во базата за хероин, која полицијата ја откри на 19 октомри во селото Бреног, кај Хас, опиумот се преработувал и се пуштал на пазарат во западноевропските земји, наведува тиранската телевизија Ора њуз. Во интерес на истрагата, албанските власти не соопштуваат детали, но се дознава дека се трага по уште неколку лица, меѓу кои и лицето кое го подготвувало хероинот а кое во истрагата се споменува под името „хемичар“, за кого постојат основи на сомнение дека е странски државјанин. На денот на големата акција, полицијата уапси петмина албански државјани, меѓу нив и една жена, и заплени 160 калапи дрога-хероин, пакувани и подготвени за транспорт во патни торби или, според последните информации околу 150 килограми. Базата била сместена во два објекта, кои претходно биле користени како штали за добиток, во периферијата на селото, до кои водел макадамски пат. МИА