Хасан Салихамиџиќ – Kurir.mk

Голема чистка во Баерн: Легендите добија отказ половина час по освојувањето на титулата

Бошко Тасиќ — Sun, 28 May 2023 06:20:21 +0000

Фудбалерите на Баерн ја освоија 11-та по ред шампионска титула на Германија, откако вчера во драматично6то последно коло од Бундеслигата го совладаа Келн со 2:1, додека Борусија Дортмунд одигра 2:2 против Мајнц. Но, тие останаа без клупскиот оперативец и без спортскиот директор. Генералниот директор и легенда на германскиот фудбал Оливер Кан беше разрешен од таа функција веднаш по освојувањето на титулата во Баерн. Со него замина и Хасан Салихамиџиќ кој ја имаше функцијата спортски директор. Голот на Џамал Мусиала им донесе уште една титула на Баварците, но Баерн се покажа ранлив по една деценија доминација во Бундеслигата. Раководството на Баерн ги откри двајцата главни виновници веднаш по натпреварот, Хасан Салихамиџиќ и Оливер Кан добија отказ, пренесува германски Билд.

Салихамиџиќ ги критикува фудбалерите: Ова не е Баерн

Ивана Ефремовски — Mon, 20 Mar 2023 16:58:35 +0000

Спортскиот директор на Баерн, Хасан Салихамиџиќ, ги критикуваше денеска фудбалерите на минхенскиот клуб, ден по поразот од Баер Леверкузен во рамки на 25 коло во Бундеслигата.

Баерн по вчерашниот пораз во Леверкузен ѝ препушти лидерското место на Борусија Дортмунд зад која сега заостанува еден бод.

„Ова не е Баерн. Вакво нешто ретко се гледа. Промашивме сè што можевме да промашиме. Ни недостасуваше буквално сè уште во играта. Дозволивме да не натрча екипа која имаше натпревар во четвртокот и да не победи“, изјави Салихамиџиќ.

Тој во изјава за германските медиуми призна дека тимот од Леверкузен бил подобар во сите сегменти од играта. (МИА)

Салихамиџиќ: Јас не би го исвиркувал Левандовски

Ивана Ефремовски — Mon, 12 Sep 2022 14:19:00 +0000

Спортскиот директор на Баерн Минхен, Хасан Салихамиџиќ, изјави оти очекува навивачите на германскиот првак да не го исвиркуваат напаѓачот на Барселона, Роберт Левандовски, кога полскиот напаѓач ќе се врати во Минхен утрешниот дуел меѓу двата клуба во рамки на второто коло во Лигата на шампиони. Левандовски во летниот преоден рок направи трансфер од Баерн во Барселона, откако за клубот од Минхен одигра 375 натпревари на кои постигна 344 голови. -Како ќе биде дочекан Левандовски? Роберт со нас освои сè што можеше да освои. Навивачите тоа го ценат. Јас не би го исвиркувал, рече Салихамиџиќ. Полскиот напаѓач сезонава во дресот на Барселона постигна девет голови на шест натпревари. (МИА)

Баерн демантира трансфер на Хари Кејн

Ивана Ефремовски — Fri, 05 Aug 2022 14:21:13 +0000

Спортскиот директор на Баерн Минхен, Хасан Салихамиџиќ, изјави денеска оти германскиот шампион нема намера да го донесе во своите редови напаѓачот на Тотенхем, Хари Кејн, нагласувајќи дека тоа се гласини кои ги форсираат медиумите. Салихамиџиќ рече дека Баерн по заминувањето на голгетерот Роберт Левандовски во Барселона би можел да игра без класичен напаѓач. -Приказните околу Кејн се гласини. Сега се одлучивме за поинаков пат. Манчестер сити и Ливерпул со години се успешни без класична „деветка“, изјави Салихамиџиќ за весникот „Зидојче цајтунг“. Барселона ова лето го продаде Левандовски на Барселона за 45 милиони евра, а како напаѓачки опции ги донесе Садио Мане од Ливерпул за 32 милиони евра и младиот Французин Матиз Тел од Рен за 20 милиони евра. (МИА)