хашиш – Kurir.mk

Спречен шверц на хашиш, требал да заврши на македонскиот наркопазар

Ивона Петрова — Thu, 29 Dec 2022 12:55:54 +0000

Албанската полиција од градот Поградец денеска уапсила три лица, откако во нивното возило биле пронајдени вкупно 58 килограми хашиш, кои требало да завршат на македонскиот наркопазар. Уапсените се 17-годишник со иницијали М.К., како и Ликенд Баша(30), двајцата од Круја и Ериса Феро(28) жителка на Тирана, инаку, вработена во Националната агенција за информатичко општество. -Дрогата е откриена во автомобил „фолгсваген“ сопственост на Ериса Феро додека другите две лица го набљудувале патот. Таа била „задолжена“ дрогата да ја транспортира од Тирана до граничниот премин Ќафасан, на албанско – македонската граница кај Струга, за потоа да ја предаде дрогата на Лика Баша кој требало да ја пренесе во Македонија. Полицијата ги пресретнала во близина на преминот, стои во полициското соопштение. Во оваа наркомрежа осомничени сè уште две лица, како соработници, по кои се трага. Тие се осомничени дека биле нарачатели на дрогата. Ова е тринаесетта успешна акција на албанската полиција од овој регион во сузбивањето на шверцот со дрога во правец на македонската територија, што е во рамки на акцијата „Рестарт“ почната во ноември 2021 година. Како што информираа од Националната агенција за информатичко општество, против Ериса Феро, која имала раководна функција веднаш е започната постапка за нејзина суспензија.

ВИДЕО: Приведени тројца дилери на дрога, се обиделе да внесат во државата кокаин, хашиш и марихуана

Ивана Ефремовски — Sun, 26 Jun 2022 11:33:29 +0000

На 26.06.2022 во временскиот период од 00.30 до 03.00 часот од страна на полициски службеници од Одделот за криминалистичка полиција - Единица за недозволена трговија со дрога, оружје и опасни материи при БЈБ и Одделението за недозволена трговија со дрога при СВР Куманово, во содејство со мобилен тим при Царинската управа, на Граничен премин „Табановце“ при влез во државата лишени од слобода се А.Г.(40), Т.Д.(39), двете од Скопје и А.Б.(36) од Тетово, Имено, полициски службеници сопреле патничко возило „БМВ“ со холански национални ознаки, управувано од Т.Д., во кое сопатници биле А.Г. и А.Б. и при претрес во возилото биле пронајдени три пакувања со вкупно 204 грама кокаин, наменет за улична продажба каде би достигнал вредност од околу 15.000 евра, 1 пакување со хашиш, три пакувања со марихуана и мешавина на тутун со хашиш. Лицата се приведени во полициска станица во СВР Куманово, а во координација со Јавен обвинител по целосно документирање на случајот против нив ќе биде поднесена соодветна пријава.

Поседувал муниција и дрога, кривична за жител на струшко

Ивана Ефремовски — Wed, 03 Nov 2021 16:22:04 +0000

ОВР Струга поднесе кривична пријава против З.А.(50) од с.Заграчани, струшко, поради постоење основи на сомнение за сторени кривични дела „недозволено изработување, држење и тргување со оружје или распрскувачки материи“ и „неовластено производство и пуштање во промет на наркотични дроги, психотропни супстанции и прекурсори“. При извршен претрес во неговиот дом на 11.05.2020, полициските службеници пронајдоа и одзедоа 18 патрони - муниција за ловечка пушка кал. 16 мм и смола од хашиш.

Шпанската полиција заплени седум тони хашиш

Дарко Андоновски — Sun, 02 May 2021 11:40:38 +0000

Шпанската полиција соопшти дека во акција спроведена во јужниот дел на земјата се запленети седум тони хашиш на реморкер, каде биле скриени 200 пакети дрога. Уапсени се тројца членови на банда, чие седиште се наоѓало во градот Уелви. Шпанската, холандската и франциската полиција од март минатата година учествуваат во истрагата за бандата која шверцувала огромно количество хашиш во повеќе земји. Тоа е една од најголемите операции оваа година против трговците со дрога, со која е намалена активноста на криминалните организации во Гибралтарскиот мореуз, наведува шпанската полиција.

Продавал дрога во интернет кафе, приведен жител на струшко

Ивана Ефремовски — Fri, 02 Apr 2021 15:27:57 +0000

Надворешната канцеларија за криминалистички работи Струга поднесе кривична пријава против Б.П.(30) од с.Добовјани, струшко, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 09.08.2020 во Струга, полициски службеници во интернет кафе извршиле контрола, при што бил извршен и преглед над пријавениот и кај него бил пронајден и одземен хашиш.

ФОТО: Пресечен меѓународен канал за трговија со хашиш

Ивона Петрова — Mon, 08 Mar 2021 09:08:54 +0000

Полициски службеници од Одделот за криминалистичка полиција-Сектор за недозволена трговија со дрога вчера во координација со ОВР Струга, Регионалниот центар за гранични работи Исток и Царинската управа, пресекоа меѓународен канал за транспорт на хашиш од Република Албанија преку Република Северна Македонија, Бугарија, а крајна дестинација Турција, при што се запленети околу 14 килограми хашиш и пакувања хашиш смола и хашиш масло, соопшти денеска портпаролот на МВР Тони Ангеловски. -По претходно преземени мерки, во 12.45 часот на граничниот премин Деве Баир (на излез од РСМ) извршен е претрес на возило БМВ, управувано од албанскиот државјани Х.Х. (60) при што во два бункера биле пронајдени пакувањата со хашиш. Х.Х. е лишен од слобода и во текот на денот ќе биде предаден на надлежното обвинителство со соодветна кривична пријава.МВР продолжува со интензивните мерки и активности за сузбивање на нелегалната трговија со дрога. Завчера беа запленети над половина тон марихуана,а акциите продолжуваат и во наредениот период, рече Ангеловски.

Истражување: Хашишот е 25 отсто посилен од пред 50 години

Ивона Петрова — Sun, 15 Nov 2020 12:13:06 +0000

Хашишот е речиси 25 отсто посилен отколку пред половина век, според големото меѓународно истражување објавено од Гардијан. Истражувачите од Универзитетот во Бат анализирале податоци од повеќе од 80.000 примероци на уличен канабис во последните 50 години во САД, Велика Британија, Холандија, Франција, Данска, Италија и Нов Зеланд. Нивните откритија, објавени во списанието Addiction, откриваат дека концентрацијата на ТХЦ (тетрахидроканабинол) се менувала со текот на годините. Во марихуаната, концентрацијата на THC се зголемила за 14 отсто помеѓу 1970 и 2017 година. Ова главно се должи на зголемениот удел на пазарот на посилни варијанти, како што е sinsemilla. Концентрацијата во смола од канабис се зголемила за 24 отсто помеѓу 1975 и 2017 година. Ова е еквивалентно на годишно зголемување на THC од 5 mg. Една доза од 5 mg е доволна за лесна интоксикација, според научниците. Канабисот продолжува да ја зголемува својата моќ, денес е многу поразличен од оној што го користеле луѓето пред 50 години, коментира водечкиот автор Том Фримен. Коавторот на студијата, Сем Крафт, забележува дека смолата од канабис често се смета за побезбеден вид канабис, но нивните откритија покажуваат дека сега е посилна од марихуаната. Обично, според експертот, смолата од канабис содржи помалку THC и еднаква количина на CBD (канабидиол, за кој се верува дека има здравствени придобивки), но додека концентрацијата на CBD останува стабилна, THC значително се зголеми, што значи дека смолата е многу поштетна отколку пред децении. Канабисот останува најраспространета недозволена дрога во светот, но неодамна е легализирана во Уругвај, Канада и неколку држави во САД. Истражувачите се убедени дека зголемената моќ на канабис ја потенцира потребата за стратегии за намалување на штети, како што се оние што се користат за алкохол, опдносно препораки за безбедна консумација.

Скопјанец под истрага за недозволена трговија со хашиш во Куманово

Ивана Ефремовски — Thu, 03 Sep 2020 10:33:10 +0000

Основното јавно обвинителство Куманово донесе Наредба за спроведување истражна постапка против едно 45- годишно лице од Скопје, за кое постои основано сомнение дека сторило кривично дело -Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. Осомничениот, на 1 септември, на локалниот пат село Никуштак – Куманово, во атарот на селото Никуштак, неовластено заради продажба држел наркотична дрога хашиш. Тој на наведената локација застанал и излегол од својот автомобил, при што во неговата десна рака држел две најлонски пакувања во кои имало хашиш со вкупно нето маса од 306,24 грама. Во тој момент бил затекнат од полициски службеници кои извршиле личен преглед и ја пронашле и ја заплениле дрогата. Надлежниот јавен обвинител до Основниот суд Куманово поднесе Предлог за определување мерка притвор за осомниченото лице. Судијата на претходна постапка го уважи предлогот и му определи мерка притвор во траење од 30 дена.

Хашиш пронајден во дворот на тетовскиот затвор

Ивона Петрова — Wed, 22 Jan 2020 09:56:14 +0000

Вработен во Казнено-поправната установа „Тетово“ вчера пријавил дека во близина на оградата од дворот на објектот пронашол најлонско ќесе со хашиш. -Пронајденото било подигнато и дадено на вештачење. Се преземаат мерки за расчистување на случајот, информира МВР.

Притвор за прилепчанец во чиј дом е пронајден хашиш

Катерина Бојаџиева — Thu, 14 Nov 2019 13:35:39 +0000

Притвор од 30 дена за 43-годишен прилепчанец во чиј дом е пронајден хашиш, поради основано сомнение за неовластено производство и пуштање во промет на наркотични дроги. Надворешната канцеларија за криминалистички работи – Оддел за недозволена трговија со дрога при Полициска станица – Прилеп денеска до Основното јавно обвинителство Прилеп поднесе кривична пријава против 43-годишниот прилепчанец И. К., поради постоење на основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“ предвидено и казниво по член 215 од КЗ на РСМ. – По претходно добиени оперативни сознанија полициски службеници преземаа оперативни мерки и истражни дејствија и на 13.11.2019, врз основа на наредба за претрес на дом и други простории издадена од Основен суд – Прилеп, извршен е претрес во домот каде што престојува И.К.. При претресот, во помошна просторија во домот на пријавениот, пронајдена е наркотична дрога – хашиш. По извршеното вештачење е утврдено дека смолестата материја е наркотична дрога – хашиш со нето маса од 364.4 грама, се вели во соопштението од МВР. Судија на претходна постапка при Основен суд- Прилеп за И.К. определи мерка притвор во времетраење до 30 дена.