хаубици – Kurir.mk

Франција ќе и испорача на Украина уште 12 самоодни хаубици „Цезар“

Тале Кристо — Tue, 31 Jan 2023 16:08:20 +0000

Франција на Украина ќе и испорача уште 12 самоодни хаубици „Цезар“, најави денеска францускиот министер за вооружени сили, Себастијан Лекорну, по средбата во Париз со украинскиот министер за одбрана, Олексеј Резников. Франција ќе испрати и 150 француски старешини во Полска, каде што е предвидено во рок од еден месец да обучат до 600 украински војници. Дополнителните самоодни хаубици што се со среден дострел, ќе бидат финансирани од фондот за поддршка на Украина од 200 милиони евра, основан од Франција.

Војската на Србија поставила топови и хаубици на границата со Косово

Тале Кристо — Mon, 26 Dec 2022 15:43:54 +0000

Војската на Србија во копнената безбедносна зона, во близина на административниот премин Јариње со Косово денеска стационираше неколку топови и хаубици од голем дострел, јави дописникот на МИА од Белград. Како што соопшти порталот Нова.рс распоредувањето на артилериско оружје уследило откако началникот на Генералштабот на вооружените сили на Србија, Милан Мојсиловиќ синоќа итно се упатил кон Рашка. – Задачите кои ги добија српските вооружени сили и јас како началник ќе бидат целосно спроведени и реализирани како такви. Ситуацијата е сложена, комплексна, бара присуство на вооружените сили на Србија долж административната линија и во следните периоди Војската на Србија, како праг на мирот и стабилноста, ќе биде насочени кон нивно извршување. Ги имаме сите информации во детали. Мора да знаете дека преземените мерки и добиените задачи ќе бидат целосно исполнети, изјави Мојсиловиќ за ТВ Пинк. Медиумите во Белград синоќа објавија дека се слушнало рафално пукање во Зубин Поток на Косово, додека некои изјавија дека имало размена на оган меѓу локалните Срби и косовската полиција. Косовската полиција соопшти дека немало инциденти меѓу нејзини припадници и било каква група на северот на Косово. Претставници на КФОР, како одговор на истрагата на Коха Диторе, соопштија дека имало пукање во Зубин Поток, но дека во тој инцидент нема повредени, а не е причинета материјална штета.

Германската влада планира да испрати дополнителен број хаубици на Украина

Магдалена Андонова — Fri, 24 Jun 2022 18:58:49 +0000

Германската влада планира да ги зајакне артилериските сили на Украина со испраќање дополнителен број хаубици во борбата против Русија, јави ДПА, повикувајќи се на извори во Бундесверот. Берлин е во разговори со Холандија и други европски партнери за да помогне во спроведувањето на планот, велат изворите. Досега Украина има добиено седум хаубици Panzerhaubitz 2000 од Германија и пет од Холандија. Киев тврди дека ќе му бидат потребни вкупно 18 хаубици за опремување на целосен артилериски баталјон. Германија е решена да одговори на потребата на Украина за уште шест хаубици, доколку другите земји од ЕУ придонесат, рече изворот, што значи дека Берлин ќе испорача уште два или три од своите вооружени системи. (МИА)

Германија испраќа самоодни хаубици во Украинa

Тале Кристо — Fri, 06 May 2022 09:00:53 +0000

Германија ќе испрати седум самоодни хаубици во Украина, соопшти денеска германската министерка за одбрана Кристин Ламбрехт. Неодамна и Холандија вети дека ќе испрати пет хаубици во Украина како помош во одбраната од руската инвазија. Соединетите Американски Држави соопштија дека повеќе од 90 отсто од ветените хаубици веќе се во Украина. Германската армија следната недела ќе започне со обука на украински војници во Германија за ракување со артилериско оружје, изјави Ламбрехт за новинарите во словачкиот град Слиац каде што денеска ќе се сретне со холандскиот министер за одбрана.