Хаверц – Kurir.mk

Баер му постави ултиматум на Челзи за Хаверц

Тале Кристо — Wed, 19 Aug 2020 07:07:33 +0000

Премиерлигашот Челзи е сериозно заинтересиран за услугите на играчот од средниот ред на Баер, Каи Хаверц и повеќе од еден месец е во преговори, пренесува „Билд“. Управата на германскиот клуб издаде ултиматум според кој, ако до 28 август трансферот не биде завршен, фудбалерот се враќа на тренинзи во Леверкузен. Познато е дека Хаверц сака да ја продолжи кариерата во Челзи и одамна се договори за личните услови и петгодишна соработка. Баер сака да добие околу 100 милиони евра за својот фудбалер.

Баер сака 100 милиони евра за Хаверц

Магдалена Андонова — Thu, 16 Jul 2020 10:33:48 +0000

Бундеслигашот Баер ја одреди цената за играчот од средниот ред Каи Хаверц. Доколку некој сака да го купи најдобриот фудбалер на тимот од Леверкузен ќе мора да плати 100 милиони евра. Според „Кикер“ Баер нема ништо против дел од суматада биде во форма на бонуси, но се нагласува дека фудбалерот со сигурност нема да биде продаден до крајот на Лигата на Европа. Во првиот натпревар од 1/8 финалето на второто по квалитет фудбалско натпреварување во Европа, германскиот тим го победи Ренџерс со 3:1. Оваа сезона, 21-годишниот Хаверц настапи на 39 натпревари на сите турнири, постигна 15 гола и забележа осум асистенции. Баер го зазема петтото место во германскиот шампионат и стигна до финалето на националниот куп, каде загуби од Баерн Минхен. (МИА)

Абрамович лично контактирал со Хаверц за трансфер во Челси

Тале Кристо — Wed, 17 Jun 2020 17:25:21 +0000

Сопственикот на Челси, Роман Абрамович, лично контактирал со sвездата на Баер Леверкузен, Каи Хаверц, за да го натера играчот да се пресели на „Стемфорд Бриџ“. „Сините“ ќе треба да се изборат со многу конкуренти за да потпишат со германскиот репрезентативец, кој е во одлична форма по враќањето на Бундеслигата минатиот месец. Челси се обидува да ги финализира зделките за играчите што ги сакаат, додека нивните конкуренти чекаат и ги проценуваат финансиските последици од пандемијата на коронавирус. Лондонскиот тим веќе го обезбедија потписот на крилниот напаѓач на Ајакс, Хаким Зиеч за 40 милиони евра, додека напаѓачот на РБ Лајпциг Тимо Вернер се согласи на договор на 5 години и наскоро ќе стане и дел од клубот. Челси ќе се обиде дополнително да се засили со Каи Хаверц. Sвездата на Баер Леверкузен успеа да постигне 5 гола на 5 натпревари по продолжувањето на кампањата во германската елита. Според „Спорт Базер“, Роман Абрамович има голема желба да го одведе Хаверц на „Стемфорд Бриџ“, па дури и го контактирал 21-годишниот за да го натера да го носи дресот на Челси. Рускиот милијардер се шпекулира дека е подготвен да му плати на Баер Леверкузен 100 милиони евра, но ќе мора да раздели начини со Жоржињо и Н`Голо Канте за да ја собере таа сума.